საოლქო კონგრესები „ღვთიური დამოძღვრა“
ყველა ის პიროვნება, ვისაც სურს, იყოს იეჰოვასაგან დამოძღვრილი, მოუთმენლად მოელის საოლქო კონგრესებს დევიზით „ღვთიური დამოძღვრვა“ ოთხ დღიან პროგრამაში განხილული იქნება ბიბლიური სწავლების მნიშვნელოვანი მხარეები, რომლებიც იცავენ ქრისტიანებს ამ მძიმე დროში, როცა სულ უფრო მატულობს პირადი პრობლემები და უწესრიგობა ქვეყნიერებაზე. პროგრამა დაეხმარება მათ მტკიცედ გაუწიონ წინააღმდეგობა „ყველაფერს, რაც ჯანსაღი მოძღვრების საწინააღმდეგოა“ (1 ტიმოთე 1:10). ეს ასევე წაახალისებს დამსწრეებს გახდნენ ღმერთის სიტყვის უკეთესი მასწავლებლები.
რა შესანიშნავი მისაბაძი მაგალითები გვაქვს. ყველაზე დიდებულ მოძღვარს თვით იეჰოვა ღმერთი წარმოადგენს! ამიტომ ელიუეიმ ჭეშმარიტად უთხრა იობს, რომ იეჰოვამ „განგვსწავლა მიწის მხეცებზე მეტად და ცის ფრინველებზე მეტად განგვაბრძნო“. მან ასევე ჰკითხა მას იეჰოვას შესახებ: „ვინ არის მისი მსგავსი მოძღვარი?“ (იობი 35:11; 36:22). ესაია 30:20 ღმერთის შესახებ ნათქვამია, როგორც „დიდებულ მოძღვარზე“.
იეჰოვას შემდეგ ერთადერთ დიდებულ მასწავლებელს წარმოადგენს მისი ძე, იესო ქრისტე. იესო ცნობილი იყო, როგორც „მოძღვარი“ და „მასწავლებელი“ რაც დაახლოებით 50-ჯერ არის მოხსენიებული სახარებაში. მიუხედავად მრავალი სენსაციური განკურნებისა და სხვა სასწაულებისა, იესო არ იყო ცნობილი, როგორც ექიმი, არამედ, როგორც მოძღვარი, მასწავლებელი (მათე 8:19; ლუკა 5:5; იოანე 13:13).
იესო თავის მოწაფეებს ასწავლიდა ყოფილიყვნენ ისეთივე მასწავლებლები, როგორიც თავად ის იყო. ჩვენ ამას ვიგებთ მათე 10:5—11:1 და ლუკა 10:1–11-დან. ზეცაში ამაღლებამდე ცოტა ხნით ადრე, იესომ თავის მოწაფეებს მისცა ცნობილი დავალება ესწავლებინათ, რომელიც ჩაწერილია მათე 28:19, 20 „ამიტომ წადით და გახადეთ მოწაფეებათ ყველა ხალხი, მონათლეთ ისინი სახელითა მამისათა და ძისათა და სულისა წმიდისათა. ასწავლეთ მათ ყოველივეს დაცვა, რაც მე გამცნეთ“. წიგნი მოციქულთა საქმენი და მისი მომდევნო ქრისტიანულ-ბერძნული წერილები მოგვითხრობენ იმის შესახებ, თუ იესოს ადრეული მოწაფეები როგორ გულმოდგინედ, გაწაფულად და ერთგულად ასრულებდნენ თავიანთ დავალებას — ესწავლებინათ.
დასწავლების საქმე დღეს უფრო გადაუდებელია, ვიდრე წინათ. ჩვენ ვცხოვრობთ ამ სისტემის უკანასკნელ დღეებში და ამიტომ ადამიანთა სიცოცხლის საკითხი წინა პლანზეა წამოწეული. ისინი უნდა იყვნენ დამოძღვრილნი, რათა არ მიიღონ მონაწილეობა დიდი ბაბილონის ცოდვებში და არ ეზიარონ მის წყლულებს. მათ უნდა დავეხმაროთ გამოვიდნენ ბაბილონიდან და დადგნენ იეჰოვასი და მისი სასუფევლის მხარეზე (გამოცხადება 18:4).
იეჰოვას ყველა ამ მოწმეს, ვინც ცდილობს შეასრულოს თავისი დავალება ასწავლოს ორგანიზაციის მეშვეობით, იეჰოვა დახმარების სახით სთავაზობს საოლქო კონგრესებს დევიზით „ღვთიური დამოძღვრვა“. ეს ოთხდღიანი კონგრესები დაიწყება ჩრდილოეთ ნახევარსფეროში 1993 წლის ზაფხულში. დაე, იეჰოვას ყველა მსახური, დაესწროს ამ კონგრესებიდან სულ მცირე ერთს მაინც და იყოს ყურადღებით კონგრესის მსვლელობის დროს — ხუთშაბათს, სადილის შემდეგ, პირველი სიმღერისა და ლოცვიდან დაწყებული — კვირას, სადილის შემდეგ დასკვნითი ლოცვის დამთავრებამდე.