სარგებლობა მიიღე თეოკრატიული სამსახურის სკოლიდან 1996 წელს
1 წაიკითხე თუ არა ინსტრუქციები „თეოკრატიული სამსახურის სკოლის პროგრამიდან 1996 წლისთვის“? შეამჩნიე ზოგიერთი ცვლილება? დავალება №3 დაფუძნებული იქნება წიგნზე „ჩემი წიგნი ბიბლიური მოთხრობებით“. დავალება №4 იანვრიდან აპრილის ჩათვლით დაფუძნებული იქნება ბროშურაზე „ბიბლიური თემები საუბრებისთვის“, ხოლო მაისიდან დეკემბრის ჩათვლით — ახლად გამოშვებულ წიგნზე „შემეცნება“.
2 მოსწავლეთა დავალებები: დავალება №3 წარმოდგენილი იქნება დის ან ბავშვების მიერ. სცენამ შეიძლება მიიღოს სახლში, საველე მსახურებისას, კრებაში ან სხვაგან წამოჭრილი სიტუაციის სახე. დავალება №4 დაფუძნებულია წიგნზე „შემეცნება“ და ამ დროს წარმოდგენილი უნდა იყოს განმეორებითი მონახულება ან ბიბლიის საშინაო შესწავლა. ეს დამხმარე უნდა აღმოჩნდეს, რადგან წიგნი „შემეცნება“ ფართოდ იქნება გამოყენებული ბიბლიის საშინაო შესწავლების ჩასატარებლად.
3 თუ სცენა ბიბლიის საშინაო შესწავლას წარმოადგენს, ორივე დას შეუძლია იჯდეს. მოკლე შესავალი კომენტარებით პირდაპირ გადადი შესწავლაზე და შემდეგ წიგნიდან დაუსვი კითხვა. მობინადრის როლი ბუნებრივად უნდა იყოს წარმოდგენილი. თუ დრო ნებას გრთავს მონახე მოცემული მუხლები და წაიკითხე. დამ უნდა გამოიყენოს სწავლების ხელოვნება, რომ თავისუფლად ალაპარაკოს მობინადრე კითხვებითა და გამოყენებულ მუხლებზე მსჯელობით.
4 რა უნდა გაკეთდეს, თუ დავალებაში იმაზე მეტი მუხლია მოცემული, რამდენიც შეიძლებოდა განხილულიყო ხუთ წუთში? მონიშნე ძირითადი მუხლები, რომლებიც ხაზგასმით გამოყოფენ მთავარ აზრებს. თუ იქ მხოლოდ რამდენიმე მუხლია, შეიძლება გაკვეთილში მოცემული მთავარი აზრების უფრო ფართოდ განხილვა. ზოგჯერ, წიგნიდან შეიძლება წაიკითხო და შემდეგ მობინადრესთან განიხილო აბზაცი ან წინადადება.
5 წიგნის ყოველი თავის ბოლოში მოთავსებული ჩარჩო, რომელსაც ეწოდება „შეამოწმე შენი ცოდნა“, შეიძლება მოკლედ იქნეს გადამეორებული იმ მაუწყებლის მიერ, რომლის დავალებაც მოიცავს წიგნის რომელიმე თავის ბოლო აბზაცს. თუ დრო რჩება, შეიძლება განხილულ იქნეს საინფორმაციო ჩარჩოებიც, რომლებიც მიეკუთვნება მითითებულ აბზაცებს. თუ საინფორმაციო ჩარჩო ორ დავალებას შორის მდებარეობს, მისი განხილვა შეუძლია დას, რომელსაც პირველი დავალება აქვს მიცემული. წიგნში მოცემულ ილუსტრაციებს კომენტარი შეიძლება გაუკეთდეს მაშინ, როცა ისინი ეხება განსახილველ მასალას.
6 თუ სრულად გამოვიყენებთ სკოლის მიერ შემოთავაზებულ მომზადებას, უფრო უკეთესად შევძლებთ, ‘ვიქადაგოთ სიტყვა’ ისე, რომ გამოვლინდეს ‘სწავლების შესანიშნავი ხელოვნება’ (2 ტიმ. 4:2, აქ).