განაგრძე ჭეშმარიტების შესახებ ლაპარაკი

¹ მოციქულებმა განაცხადეს: „ჩვენ არ შეგვიძლია არ ვილაპარაკოთ ის, რაც ვიხილეთ და მოვისმინეთ“. დღეს კურთხეული ვართ დიდი რაოდენობის ბიბლიური ლიტერატურით, რომელსაც ვიყენებთ ჩვენს მსახურებაში, მაგრამ ჩვენ აგრეთვე უნდა განვაგრძოთ ჭეშმარიტების შესახებ საუბარი. მართალია, ჟურნალების, „გამოიღვიძეთ!“ და „საგუშაგო კოშკის“ გავრცელება ნიშნავს მსმენელების პოვნას, მაგრამ განმეორებით უნდა მივიდეთ, თუ გვსურს უფრო მეტი ვასწავლოთ დაინტერესებულებს ჭეშმარიტების შესახებ. ამის განსახორციელებლად მათთან, რომლებმაც მიიღეს ახალი ნომრები აქ მოცემულია რამდენიმე საშუალება.

² როცა წარუდგინე აპრილის სპეციალური გამოშვება, „გამოიღვიძეთ!“, თემით, „როცა მეტად აღარ იქნება ომები“, ბიბლიის შესწავლის შეთავაზება შეგიძლია შეკითხვით:

◼ „წინა შეხვედრისას ვსაუბრობდით ერებს შორის ომის შესახებ და მათში რელიგიების წვლილზე. ეთანხმებით თუ არა, რომ ასეთი შემთხვევები ნათელ მტკიცებას წარმოადგენს, რომ ვცხოვრობთ უკანასკნელ დღეებში, როგორც ამას ბიბლიაც უწოდებს? [აჩვენე წიგნი „შემეცნება“. წაუკითხე მე-11 თავის 1-ლი აბზაცი და ყურადღება გაამახვილე 102-ე გვერდზე მოცემულ ჩარჩოზე]. ეს წიგნი ამ საკითხთან ერთად შინაარსში მოცემულ კიდევ 18 საკითხს გვიხსნის. [აჩვენე გვ. 3]. თუ შეიძლება, ორიოდ წუთი წაგართვათ, რომ გიჩვენოთ, როგორ დაგეხმარებათ ეს წიგნი ამ მნიშვნელოვანი ბიბლიური საკითხების გაგებაში“. თუ თანახმაა, დაიწყე შესწავლა მე-6 გვერდიდან.

³ თუ დაჰპირდი, რომ განმეორებით მიხვიდოდი და აუხსნიდი, როგორ არის შესაძლებელი, გქონდეს უსაფრთხო ცხოვრება დღეს, შეგიძლია შემდეგნაირად უთხრა:

◼ „როცა პირველად შევხვდით ერთმანეთს, ბიბლიიდან გიჩვენეთ ადგილი, რომელიც ოპტიმიზმის საბაბს გვაძლევს კაცობრიობის მომავლის შესახებ. დღეს მსურს, რომ თქვენი ყურადღება მივმართო იმისკენ, თუ ვინ არის ის, ვისაც ახლავე შეუძლია მოგვცეს უსაფრთხოების გრძნობა“. წაუკითხე ფსალმუნის 4:9. გადაშალე წიგნი „შემეცნება“ 168-ე გვერდზე და წაუკითხე აბზ. 19. შემდეგ შეეკითხე: „გსურთ გქონდეთ სახლში ბიბლიის უსასყიდლო შესწავლა, რომელიც აშკარად გიჩვენებთ, როგორ შეგიძლიათ თქვენც ჰპოვოთ ასეთი უსაფრთხოება ცხოვრებაში?“ თუ პასუხი დადებითია, წიგნი გადაშალე 1-ლ თავზე.

⁴ ჟურნალების დატარების მარშრუტში რომ ჩართო ისინი, რომლებსაც დაუტოვე 22 მაისის „გამოიღვიძეთ!“, შეგიძლია შემდეგნაირად მიმართო:

◼ «როდესაც დაგიტოვეთ ჟურნალი „გამოიღვიძეთ!“, როგორც ჩანდა, საკმაოდ დიდი სიხარულით აპირებდით ამ ჟურნალის წაკითხვას, სადაც განხილული იყო თემა სამუშაო ადგილზე სქესობრივი კავშირის დამყარების მიზნით გადაკიდების შესახებ. დაგაინტერესათ თუ არა მასალამ? [საშუალება მიეცი გიპასუხოს]. ხშირად, ჟურნალ „გამოიღვიძეთ!“-ის რეგულარული მკითხველები ამბობენ, რომ აფასებენ მის გულახდილ და დაწვრილებით ახსნას ასეთ მნიშვნელოვან საკითხებზე. ვფიქრობ, თქვენც იგრძნობთ, რომ ეს ასეა ჟურნალის ბოლო ნომერთან დაკავშირებითაც. [მოკლედ წარუდგინე გარეკანზე მოცემული საკითხი]. ხომ არ ისურვებდით, წაგეკითხათ?»

⁵ განმეორებითი მონახულებისას შეგიძლია პირდაპირ შესთავაზო შესწავლა შემდეგი სიტყვებით:

◼ «ჩვენ ვავრცელებთ ჩვენს ჟურნალებს მთელ მსოფლიოში, რათა ყველგან ვამცნოთ ადამიანებს იმის შესახებ, რასაც ბიბლია ასწავლის. თუ პიროვნებები აფასებენ, რასაც სწავლობენ, ვთავაზობთ სახლში ბიბლიის უსასყიდლო შესწავლას. [წარუდგინე ჟურნალ „საგუშაგო კოშკის“ ბოლო გვერდზე მოცემული ჩარჩო „გსურთ, გეწვიონ სახლში?“]. ჩვენ სახელმძღვანელოდ ვიყენებთ წიგნს — „მარადიულ სიცოცხლემდე მიმყვანი შემეცნება“. ნება მიბოძეთ, მოკლედ გიჩვენოთ, როგორ ტარდება შესწავლა».

⁶ თუ ვაგრძელებთ ჭეშმარიტების შესახებ საუბარს, შეგვიძლია დარწმუნებული ვიყოთ, რომ იქნებიან ისეთები, რომლებიც კეთილგანწყობილად მოისმენენ და გამოგეხმაურებიან (მარ. 4:20).