ჩვენ უნდა ვიყოთ მასწავლებლები და არა მხოლოდ მქადაგებლები
1 ამბობენ, რომ „იეჰოვას მოწმეებმა მთელი დედამიწა მოიცვეს თავიანთი ქადაგებით“. როგორ გახდა ეს შესაძლებელი? არა ადამიანური ძალითა და ძლიერებით, არამედ ღვთის მსახურებზე უფლის სულის მოქმედებით, ვინაიდან ისინი ქადაგებისა და სწავლების დავალების შესასრულებლად სხვადასხვა საშუალებებს იყენებენ (ზაქ. 4:6; საქ. 1:8).
2 პუბლიკაციები ეფექტური დამხმარე საშუალებაა ჩვენი სამქადაგებლო საქმიანობის შესასრულებლად. წლების განმავლობაში იეჰოვას მოწმეებმა უამრავი წიგნი, ბუკლეტი, ბროშურა, ჟურნალი და ტრაქტატი გამოსცეს და გაავრცელეს სამეფოს შესახებ კეთილი ცნობის გასაცხადებლად. 1997 წლის „წელიწდეულის“ ანგარიშებმა დაგვანახა, რომ ლიტერატურის გამოცემამ უმაღლეს მაჩვენებლებს მიაღწია. დღეისთვის „ახალი ქვეყნიერების თარგმანის“ 91 მილიონი ეგზემპლარია გამოცემული. შეერთებულ შტატებში წლის განმავლობაში დაბეჭდილი ჟურნალების „საგუშაგო კოშკი“ და „გამოიღვიძეთ!“ რაოდენობა 7,1 პროცენტით გაიზარდა. გერმანიაში 35 პროცენტიანი ზრდა იყო. იქ გამოცემული ჟურნალების ერთ მესამედზე მეტს რუსული ჟურნალები შეადგენდა.
3 რატომ არის საჭირო ამდენი ლიტერატურა? მსოფლიო მასშტაბით დიდი გამოხმაურება მოჰყვა წახალისებას, გვექადაგა ყველგან, სადაც კი ხალხია. როდესაც ჩვენგან უმრავლესობა ქადაგებს საზოგადოებრივ ადგილებში, ქუჩებსა და საქმიან ტერიტორიებზე, დაინტერესებულ ხალხში უფრო მეტი ლიტერატურა ვრცელდება. ამ პიროვნებათაგან მრავალს ან იშვიათად, ან არასოდეს ჰქონია შესაძლებლობა, მოესმინა სამეფოს შესახებ ცნობა. როდესაც ასეთ საჭიროებებს ხედავენ, კრებები ყველა სახის მსახურებაში მრავალგვარ ლიტერატურას იყენებენ.
4 რა არის ჩვენი მიზანი ლიტერატურის გავრცელებისას? ჩვენი მიზანი არ არის ლიტერატურის მხოლოდ გაცემა. მოწაფეების მომზადების დავალება ორ მხარეს შეიცავს — ქადაგებასა და სწავლებას. უპირველეს ყოვლისა, ჩვენი საქმეა სამეფოს შესახებ კეთილი ცნობის ქადაგება, რითაც ხალხს ვაუწყებთ, რომ ის წარმოადგენს ერთადერთ იმედს კაცობრიობისთვის (მათ. 10:7; 24:14). ბიბლიაზე დაფუძნებული ჩვენი ლიტერატურა ნაცადი და ეფექტური საშუალებაა ინტერესის აღსაძვრელად და სხვებისთვის სამეფოს შესახებ შემეცნების გადასაცემად.
5 მეორე, მოწაფეები რომ მოვამზადოთ, უნდა ვასწავლოთ ყველაფერი, რაც ქრისტემ გვამცნო (მათ. 11:1; 28:19, 20). კვლავ ლიტერატურა ასრულებს მთავარ როლს, როცა შემსწავლელების გულებში ჭეშმარიტების ჩანერგვას ვცდილობთ და მათ მოწაფეებად გახდომაში ვეხმარებით.
6 ისინი, რომლებიც ლიტერატურას იღებენ შეიძლება იყვნენ ‘სიტყვის მომსმენნი’, მაგრამ საეჭვოა, რომ გახდებიან მისი შემსრულებლები დახმარების გარეშე. (იაკ. 1:22–25). ცოტა თუ გახდება მოწაფე უხელმძღვანელოდ. (საქ. 8:30, 31). ბიბლიურ ჭეშმარიტებაში რომ დარწმუნდნენ, მათ სჭირდებათ მასწავლებელი (საქ. 17:2, 3). ჩვენი მიზანია, მიძღვნისა და ნათლობისკენ წინსვლაში დავეხმაროთ მათ და მოვამზადოთ, რომ უნარიანი მასწავლებლები გახდნენ (2 ტიმ. 2:2).
7 საჭიროა უფრო მეტი მასწავლებელი. ქადაგებით ჩვენ საჯაროდ ვაცხადებთ კეთილ ცნობას. სწავლება კი თანდათანობითი პროცესია. ქადაგების საშუალებით ხალხი ეცნობა სამეფოს ცნობას, სწავლება კი ეხმარება ცალკეულ პიროვნებებს, დაიჯერონ კეთილი ცნობა და მის თანახმად მოიქცნენ (ლუკ. 8:15). მასწავლებელი მხოლოდ მაუწყებელი არ არის. ის უხსნის, მსჯელობს კარგი არგუმენტაციით, წარმოადგენს მტკიცებებს და არწმუნებს.
8 შეძლებისდაგვარად ბევრნი უნდა ვიყოთ მასწავლებლები და არა მხოლოდ მქადაგებლები (ებრ. 5:12ა). ლიტერატურის გავრცელება ჩვენი მსახურების მნიშვნელოვანი ნაწილია, მაგრამ მისი მეორე მიზნის მიღწევა საბოლოოდ დამოკიდებულია იმაზე, თუ როგორი მასწავლებლები ვართ. თუმცა, შეიძლება კმაყოფილები ვრჩებით, როდესაც ლიტერატურას ვავრცელებთ, მაგრამ ჩვენი მსახურება მთლიანად რომ შევასრულოთ, იგი საბოლოო მიზნად არ უნდა მივიჩნიოთ (2 ტიმ. 4:5). ლიტერატურის გავრცელება ეფექტური საშუალებაა, რომელიც შესაძლებლობას გვაძლევს, ვასწავლოთ ჭეშმარიტება სხვებს.
9 გააკეთე განმეორებითი მონახულებები ბიბლიის შესწავლის დასაწყებად. ყველა ჩვენგანს, შესაძლებელია, გაგვივრცელებია მრავალი წიგნი, ბროშურა და ჟურნალი და შეგვიდგენია განმეორებითი მონახულებების სია. ჩვენ უნდა დავგეგმოთ იქ დაბრუნება ინტერესის აღსაძვრელად. განმეორებითი მონახულებებისას ჩვენი უმთავრესი მიზანი არ არის მეტი ლიტერატურის გავრცელება, არამედ — ადამიანების წახალისება, წაიკითხონ და სარგებელი მიიღონ იქიდან, რაც მათ უკვე აქვთ. როგორ გავიზრდებოდით სულიერად, ვინმე კვლავ და კვლავ რომ არ მოსულიყო ჩვენთან ზუსტი შემეცნების მოპოვებაში დასახმარებლად? (იოან. 17:3).
10 განმეორებით მოინახულე ყველა, ვინც კი დაინტერესდა, რომ დაიწყო მათთან ბიბლიის შესწავლა ბროშურით „რას მოითხოვს ღმერთი ჩვენგან?“ ან წიგნით „მარადიულ სიცოცხლემდე მიმყვანი შემეცნება“. ეს ორი პუბლიკაცია სამეფოს ცნობას გასაგებად გადმოსცემს. ბროშურის „რას მოითხოვს“ ამომწურავი სასწავლო კურსი ბიბლიის ძირითად სწავლებებს მოიცავს. წიგნი „შემეცნება“ კი პიროვნებას ეხმარება, შეისწავლოს ჭეშმარიტება უფრო დეტალურად, თუმცა მარტივად, ნათლად და მოკლე დროში.
11 გამარტივებული სასწავლო პროგრამა, როგორც 1996 წლის ივნისის „ჩვენი სამეფო მსახურების“ დანართში იყო ახსნილი, აადვილებს სწავლების პროცესს მასწავლებლისთვის და შესწავლას შემსწავლელისთვის. შეინახე ამ დანართის ეგზემპლარი, რომ შეგეძლოს პერიოდულად გადახედო სწავლების ეფექტურ მეთოდებსა და ხერხებს. იქ მოცემული ზოგი რჩევა გვასწავლის, თუ როგორ გამოვიჩინოთ გულწრფელი ინტერესი შემსწავლელის მიმართ, რა რაოდენობის მასალა გავიაროთ ერთ შეხვედრაზე, როგორ მოვიქცეთ, როცა გვისვამენ კითხვებს, რომლებიც თემას არ ეხება, როგორ შეუძლიათ მოსწავლესა და მასწავლებელს წინასწარ მოემზადონ შესწავლისათვის და როგორ მივიყვანოთ შემსწავლელი იეჰოვას ორგანიზაციაში. ამ რჩევების გამოყენებით უფრო მეტნი, ახლების ჩათვლით, შევძლებთ ნაყოფიერი შესწავლების ჩატარებას.
12 წარმატების შემთხვევები მსახურებაში. ბროშურამ „რას მოითხოვს“ და წიგნმა „შემეცნება“ აჩვენა, რომ საუკეთესო დამხმარე საშუალებას წარმოადგენენ მოწაფეების მომზადების პროცესის დასაჩქარებლად. ერთმა ძმამ, ბოლივიაში, მიიღო თუ არა ბროშურა „რას მოითხოვს“, დაუყოვნებლივ დაიწყო მისი საშუალებით შესწავლა ერთ მამაკაცთან. ოთხი თვის შემდეგ ეს შემსწავლელი სარაიონო კონგრესზე მონათვლის ბედნიერ კანდიდატებს შორის იმყოფებოდა!
13 მრავალმა მიუძღვნა სიცოცხლე იეჰოვას მას შემდეგ, რაც შეისწავლა წიგნი „შემეცნება“. ანგოლის ერთ-ერთ კრებაში სულ რაღაც ოთხ თვეში, რაც იმ ტერიტორიებში „შემეცნების“ გამოყენება დაიწყეს, მაუწყებელთა მიერ ჩატარებული ბიბლიის შესწავლების რაოდენობა 190-დან 260-მდე გაიზარდა და შეხვედრებზე დამსწრეთა რიცხვი გაორმაგდა 180-დან 360-მდე. სულ ცოტა ხანში საჭირო იყო სხვა კრების ჩამოყალიბება.
14 „შემეცნებით“ თავისი პირველი შესწავლის დაწყების შემდეგ ერთმა ძმამ თქვა, რომ სწავლება „იოლია, თუ ჩამტარებელი მხოლოდ დასვამს შეკითხვებს, წაიკითხავს წერილებში ზოგიერთ პრაქტიკულ მუხლს და დარწმუნდება, რომ შემსწავლელისთვის ყველაფერი გასაგებია“. თუმცა იგი ყოველთვის ფიქრობდა, რომ მხოლოდ გამოცდილ მაუწყებლებს შეეძლოთ ჩაეტარებინათ ბიბლიის ნაყოფიერი შესწავლები და თვითონ ვერასდროს შეძლებდა, მან დაინახა, რომ გააკეთა ეს და თქვა: „თუ მე შევძელი, ყველა შეძლებს“.
15 ბიბლიის შესწავლების, როგორც ჩვენი მსახურების ნაწილის, ჩატარებით ჩვენ ვასრულებთ მოწაფეების მომზადების საქმეს. მათ, რომლებიც უნარიანნი გახდნენ ამ სახის მსახურებაში მონაწილეობის მისაღებად, იგი სასიამოვნო და კურთხევების მომტან სამუშაოდ მიაჩნიათ. დაე ჩვენზეც შეიძლებოდეს იმის თქმა, რომ ‘ვქადაგებთ ღვთის სამეფოზე და ვასწავლით უფალ იესო ქრისტეზე სრული თავისუფლებით’ (საქ. 28:31).