სიხარული ჰპოვე საგულდაგულოდ დამოწმებით
1 ყოველ ჩვენგანს სიამოვნებს, როცა რამეს საგულდაგულოდ აკეთებს. მარკოზის 7:37-ში ნათქვამია, რომ იესოს შესახებ მრავალმა განაცხადა: „ყოველივეს სასიკეთოდ აკეთებს“. გასაკვირი არ არის, რომ იესოს სიხარულს ანიჭებდა იეჰოვას ნების შესრულება (შეადარე ფსალმ. 39:9). თუ მხედველობაში მივიღებთ შემდეგ რჩევებს, ჩვენც ვპოვებთ სიხარულს, როდესაც ვასრულებთ იესოს ბრძანებას: „ვუქადაგოთ ხალხს და [საგულდაგულოდ, აქ] ვუმოწმოთ“ (საქ. 10:42). იანვარში შეგვიძლია შევთავაზოთ ნებისმიერი წიგნი, რომელიც კრებას გააჩნია: „ერთადერთი ჭეშმარიტი ღვთისადმი თაყვანისცემაში გაერთიანებულნი“, „მოაწყვე ბედნიერი ოჯახური ცხოვრება“, „შენ შეგიძლია მარადიული ცხოვრება სამოთხეში დედამიწაზე“, „ჩემი წიგნი ბიბლიური მოთხრობებით“, „ოდესმე მცხოვრებთაგან ყველაზე დიდებული ადამიანი“, „უსმინეთ დიდებულ მასწავლებელს“. როგორ შეგვიძლია ამ პუბლიკაციების გამოყენება საგულდაგულო დამოწმებისთვის?
2 რადგან ხალხს ხშირად აწუხებს ჯანმრთელობასთან დაკავშირებული პრობლემები, შეგიძლია უთხრა:
◼ „მედიცინაში მნიშვნელოვანი მიღწევების მიუხედავად, მრავალი იტანჯება ავადმყოფობით. როგორ ფიქრობთ, რა უნდა იყოს ამის მიზეზი? [საშუალება მიეცი, გიპასუხოს]. იესო ქრისტემ აღნიშნა, რომ ეპიდემიები ბოლო დღეების დამახასიათებელი ნიშანი იქნებოდა (ლუკ. 21:11, აქ). მაგრამ ბიბლია ისეთ დროსაც აღწერს, როცა ავადმყოფობა აღარ იარსებებს [წაიკითხე ესაია 33:24]. ყურადღება მიაქციეთ, როგორ გვინერგავს იმედს ეს წიგნი ამ ძირითადი ბიბლიური სწავლებისადმი“. წიგნის შეთავაზებამდე, ხაზი გაუსვი მასში მოცემულ სათანადო შენიშვნებს. აუხსენი, რომ ჩვენ მივიღებთ მცირე შესაწირავს სამეფოს საქმისთვის.
3 მაღაზიებში არაფორმალური დამოწმებისას, მისალმების შემდეგ შეგიძლია ჰკითხო:
◼ „არ გეჩვენებათ, რომ დღეს ყველაფერი ძალიან ძვირდება და ძნელია საკმარისი ფულის შოვნა? [ადროვე, გიპასუხოს]. როგორ ფიქრობთ, დადგება დრო, როცა ეკონომიკურად უზრუნველყოფილნი ვიქნებით?“ ადროვე, გიპასუხოს. შემდეგ აჩვენე შესაფერისი ბიბლიური ციტატა წიგნიდან, რომელსაც სთავაზობ. საუბარი შემდეგნაირად განაგრძე: „ეს წიგნი გვიჩვენებს, თუ როგორ გადაჭრის ღმერთი თავისი სამეფოს საშუალებით პრობლემებს, რომლებიც ცხოვრებას ასე აძნელებს“. შესთავაზე წიგნი და, თუ აიღებს, საშუალება მიეცი, მცირე ნებაყოფლობითი შესაწირავი გაიღოს სამეფოს საქმისთვის. შეგეძლო აღგენიშნა, რამდენად სასიამოვნო იყო მასთან საუბარი, და შემდეგ გეკითხა: „შეიძლება სხვა დროს განვაგრძოთ საუბარი?“ ამგვარად, შესაძლოა პიროვნებამ თავისი ტელეფონის ნომერი ან მისამართი შემოგთავაზოს.
4 შეიძლება მოგეცეს შესაძლებლობა, გამოიყენო ეს შეთავაზება მსოფლიო მშვიდობის შესახებ, წიგნით „მარადიული ცხოვრება“:
◼ „თქვენი აზრით, რატომ არის ასე რთული მსოფლიო მშვიდობის მიღწევა? [საშუალება მიეცი, გიპასუხოს, შემდეგ აჩვენე ილუსტრაცია მე-20 და 21-ე გვერდებზე]. ამ სურათზე ნაჩვენებია ბიბლიური მოვლენა, რომელიც აღწერილია წიგნში „გამოცხადება“ [წაიკითხე გამოცხადება 12:7–9, 12, ზუსტად მე-17 აბზაციდან. შემდეგ წაიკითხე სურათის ქვეშ მოცემული წარწერა.]. ეშმაკის დედამიწაზე გადმოგდების ერთ-ერთი შედეგია ის, რომ მსოფლიოში არ არის მშვიდობა. ეს წიგნი ბევრ მნიშვნელოვან შეკითხვაზე გვპასუხობს და სიამოვნებით დაგიტოვებდით, თუ წაიკითხავთ“. წიგნის „მარადიული ცხოვრება“ სხვა ეფექტური შეთავაზებებისთვის იხილე 1995 წლის სექტემბრის, 1995 წლის თებერვლის, 1994 წლის სექტემბრის, 1993 წლის სექტემბრისა და 1992 წლის სექტემბრის „ჩვენ სამეფო მსახურებაში“, [რუს.].
5 როცა განმეორებით მიდიხარ მათთან, ვინც ინტერესი გამოავლინა, შეგიძლია შემდეგნაირად სცადო ბიბლიის შესწავლის დაწყება:
◼ „ბოლოს როდესაც ვისაუბრეთ, თქვენ ძალიან საინტერესო აზრი გამოთქვით. [მოიხსენიე ამ პიროვნების მიერ გაკეთებული შენიშვნა]. მე ვიფიქრე ამის შესახებ და მინდა გაგიზიაროთ ამ საკითხთან დაკავშირებით ჩემი გამოკვლევის შედეგები. [წაუკითხე სათანადო მუხლი ბიბლიიდან]. ჩვენ უსასყიდლოდ გთავაზობთ ბიბლიის შესწავლის კურსს, რომელმაც საშუალება მისცა მილიონობით ადამიანს, მოკლე დროში გამოეკვლია ბიბლიის ძირითადი სწავლებები. ამგვარი გამოკვლევა დაგარწმუნებთ, რომ ღვთის დანაპირები უსათუოდ შესრულდება“. ხაზი გაუსვი რამდენიმე კითხვას, რომლებსაც ბიბლიის შესწავლის დროს პასუხი გაეცემა. თუ პიროვნება უარს იტყვის შესწავლაზე, აუხსენი, რომ არსებობს აგრეთვე სპეციალური მოკლე კურსი, რომელიც 16 კვირის განმავლობაში კვირაში 15 წუთს გრძელდება. აჩვენე ბროშურა „რას მოითხოვს“, გადაშალე პირველ გაკვეთილზე და სთხოვე, თუ ნებას დაგრთავს, ჩაატარო პირველი გაკვეთილი.
6 გახსოვდეს მოსაწვევი ბარათის გამოყენება: მისი გამოყენება ეფექტურია შესავალში, რათა აღძრა ინტერესი სულიერი საკითხების მიმართ, ან შეგიძლია მისი შეთავაზება, თუ ლიტერატურის აღებაზე უარს გეტყვიან. თუ ინტერესს გამოავლენენ, გამოიყენე მოსაწვევის მეორე გვერდზე დაბეჭდილი ცნობა, რათა წაახალისო პიროვნება ბიბლიის საშინაო შესწავლისა და ჩვენს შეხვედრებზე დასწრებისკენ.
7 დახელოვნდი შენს საქმეში და იგი სიხარულს მოგანიჭებს. გამუდმებით მიაქციე ყურადღება საგულდაგულო დამოწმებას და სიხარული ჰპოვე მსახურების ყველა სფეროში ნაყოფიერი მონაწილეობით (1 ტიმ. 4:16).