წინასწარ მომზადებას სიხარული მოაქვს
1 სამქადაგებლო მსახურებას უდიდესი სიხარული მოაქვს (ფსალმ. 88:16, 17). რა თქმა უნდა, ნამდვილი სიხარული რომ ვიგრძნოთ, მსახურებისთვის მომზადება უმნიშვნელოვანესი ნაბიჯია. რაც უფრო უკეთესად მოვემზადებით, მით უფრო მეტს მივაღწევთ და მეტ სიხარულსაც მოვიმკით.
2 გამოიყენე შემოთავაზებული საშუალებები. მომზადება დაიწყე „ჩვენს სამეფო მსახურებაში“ მოცემული მასალის კითხვითა და გაანალიზებით. ხშირად, მასში მოცემულია კარგად მოფიქრებული შეთავაზებები, რომლებიც დაგეხმარება სამეფოს შესახებ ცნობის ადვილად და კარგად გადაცემაში. ნახავ მაგალითებს, როგორ გაართვა თავი შეპასუხებებს, რომლებსაც ხშირად ვხვდებით. აგრეთვე მოცემულია კონკრეტული აზრები იმასთან დაკავშირებით, როგორ გააკეთო განმეორებითი მონახულებები ბიბლიის შესწავლის დაწყების მიზნით და სასურველ შედეგებსაც მიაღწიო. შეგიძლია ისე შეცვალო შეთავაზებები, რომ მოხერხებულად გამოიყენო ისინი. ამასთანავე, გაქვს ბროშურა „როგორ დავიწყოთ და გავაგრძელოთ ბიბლიურ თემაზე საუბარი“, რომელშიც მოცემულია სხვადასხვა შეთავაზება საუბრის დასაწყებად, აგრეთვე რჩევები, როგორ უპასუხო მათ, ვინც საუბრის შეწყვეტას ცდილობს. ასე რომ, ეს ბროშურაც დაგეხმარება უფრო ეფექტურად იქადაგო სხვადასხვა სიტუაციაში.
3 გადახედე პუბლიკაციას, რომლის გავრცელებასაც აპირებ, და ამოარჩიე ერთი-ორი საინტერესო აზრი, რომ მობინადრეს აჩვენო. საუბრის დაწყებისას შეგიძლია მოიხსენიო რამე საინტერესო ამბავი, რომელიც მოისმინე ან წაიკითხე. წინასწარ მოამზადე, რა თქვა იმ შემთხვევაში, თუ მობინადრე მოსმენაზე უარს ამბობს. შემდეგ რამდენიმე წუთი დაუთმე იმის რეპეტიციას, რის თქმასაც აპირებ კარდაკარ მსახურების დროს.
4 რეგულარულად დაესწარი სამსახურებრივ შეხვედრას. სამსახურებრივი შეხვედრის დროს ყურადღებით მოისმინე „ჩვენი სამეფო მსახურებიდან“ ამოღებული შეთავაზებების გარჩევა, განხილვა და ინსცენირება. ყურადღება მიაქციე აზრებს, რომელთა ჩართვასაც შეძლებდი შეთავაზებებში. გაიხსენე ისეთი სიტუაციები, რომლებსაც მსახურებაში ხშირად ხვდები, და იფიქრე უფრო ეფექტურად ქადაგების საშუალებებზე. სხვა მაუწყებლებსაც ესაუბრე ამის შესახებ კრების შეხვედრის დაწყებამდე და მის შემდეგ.
5 დარწმუნებული იყავი, რომ, თუ ‘მზად ხარ ყოველი კეთილი საქმისთვის’, უდიდეს სიხარულს მიიღებ და წარმატებით დაეხმარები სხვებს სიცოცხლის გზის პოვნაში (2 ტიმ. 2:21).