იეჰოვას მოწმეთა 2001 წლის საოლქო კონგრესი „ღვთის სიტყვის მასწავლებლები“

¹ ესაია წინასწარმეტყველმა იეჰოვა იმ დიდებულ მასწავლებლად აღწერა, რომელიც მამობრივი გრძნობით მოგვიწოდებს: „აჰა, გზა, იარეთ მასზე“ (ეს. 30:20, 21). მაგრამ როგორ აღწევს ჩვენამდე იეჰოვას სიტყვები, რომლებსაც სარგებლობა მოაქვთ? იეჰოვა თავის ხალხს ესაუბრება ბიბლიის ფურცლებიდან, აგრეთვე ბიბლიაზე დაფუძნებული პუბლიკაციების, კრების შეხვედრებისა და კონგრესების საშუალებით, რომლებიც „ერთგული და გონიერი მონის“ მიერ მზადდება (მათ. 24:45). უნდა ვემადლიერებოდეთ იეჰოვას იმის გამო, რომ ის კვლავაც წარმართავს ჩვენს ნაბიჯებს იმ გზაზე, რომელზეც უნდა ვიაროთ.

² ყოველწლიურად საოლქო კონგრესზე შესაძლებლობა გვეძლევა, შევიკრიბოთ ჩვენს თანამორწმუნეებთან ერთად და ყურადღებით მოვისმინოთ იეჰოვას მითითებები. გასულ წელს 138 155 კაცი დაესწრო სულიერად გამომაცოცხლებელ საოლქო კონგრესებს, სახელწოდებით „ღვთის სიტყვის შემსრულებლები“. 2001 წელს სამდღიანი საოლქო კონგრესები, სახელწოდებით „ღვთის სიტყვის მასწავლებლები“, ჩატარდება ბელორუსიაში, რუსეთის ფედერაციაში, საქართველოში, ყაზახეთსა და ყირგიზეთში. ვიცით, რომ დიდი სურვილი გაქვთ, ყველაფერი ისე მოაგვაროთ, რომ კონგრესს დაესწროთ; ამაში დასახმარებლად მითითებებს გთავაზობთ.

³ დაბინავება. ყოველწლიურად სიამოვნებით გაწვდით ინფორმაციას იმის შესახებ, თუ როგორ უნდა შეუკვეთოთ კონგრესის დროს საცხოვრებელი ადგილი. რადგანაც საქართველოში დელეგატების დაბინავება მხოლოდ იმ ძმებისა და დების სახლებში ხდება, რომლებიც ცხოვრობენ ქალაქში, სადაც კონგრესი ტარდება, ძალიან მნიშვნელოვანია შემდეგ აბზაცებში მოცემულ მითითებებთან დაკავშირებით თითოეული თქვენგანის თანამშრომლობა.

⁴ ადგილობრივი დაბინავების განყოფილება მდგომარეობისდა მიხედვით თითოეულ კრებას სპეციალური წერილით მიაწვდის ინფორმაციას დაბინავების შესახებ და მიუთითებს, როდისთვის უნდა გაეგზავნოს დაბინავების განყოფილებას ბლანკები „განსაკუთრებული საჭიროებების მქონეთა განცხადება დაბინავებაზე“ (CO-5). დაბინავების განყოფილება მოელის, რომ კრების მდივანი დროულად გაუგზავნის ბლანკებს „განსაკუთრებული საჭიროებების მქონეთა განცხადება დაბინავებაზე“ (CO-5). ამასთანავე, დაბინავების განყოფილება თხოვნით მიმართავს იმ ქალაქში არსებულ კრებებს, სადაც კონგრესის ჩატარებაა დაგეგმილი, რომ ყველა მსურველმა შესთავაზოს საცხოვრებელი ადგილი ჩამოსული და-ძმებისთვის. შემოთავაზებულ ბინებთან დაკავშირებული ზუსტი ინფორმაციის მიღების მიზნით წერილს დაერთვება ბლანკი „ბინა“ (CO-4). დიდად დასაფასებელია, ძმებო და დებო, თქვენი მზადყოფნა — გაიღოთ ასეთი მსხვერპლი და ყოველწლიურად შესთავაზოთ დელეგატებს თქვენი ბინები. გთხოვთ, ყურადღებით მიჰყვეთ მითითებებს, რომლებიც მოცემულია ამ დანართის ჩარჩოში.

⁵ დაბინავების განყოფილება, მას შემდეგ, რაც კრებებისგან მიიღებს დაბინავების მსურველებთან დაკავშირებულ ინფორმაციას, საცხოვრებელ ადგილებს გაანაწილებს და ამას კონგრესზე ჩამომსვლელებსა და ბინის შემთავაზებლებს შეატყობინებს. საცხოვრებელ ადგილთან დაკავშირებულ ნებისმიერ რთულ საკითხზე მდივანს შეუძლია დაუკავშირდეს დაბინავების განყოფილებას ამ განყოფილების მიერ გამოგზავნილი წერილის დასაწყისში მითითებულ მისამართზე ან ტელეფონზე. თუ უკვე შეუკვეთეთ საცხოვრებელი ადგილი, გთხოვთ, ნუ შეცვლით პირველ შეკვეთას. ამ მითითების თანახმად მოქმედება საშუალებას გვაძლევს, სიყვარული გამოვავლინოთ თანაქრისტიანი ძმების მიმართ და გავექცეთ ეგოისტურ განწყობილებას, რომლიც დღევანდელ წუთისოფელს ახასიათებს (1 კორ. 10:24).

⁶ კონგრესამდე თუ კონგრესის შემდეგ წამოჭრილ ნებისმიერი სირთულის შესახებ შეგიძლიათ წერილობით ან ტელეფონით აცნობოთ დაბინავების განყოფილებას იმ მისამართზე ან ნომერზე, რომელიც მითითებულია დაბინავებასთან დაკავშირებით თითოეული კრებისთვის გამოგზავნილი სპეციალური წერილის დასაწყისში. თუ პრობლემა კონგრესის განმავლობაში წამოიჭრება, რაც შეიძლება მალე უნდა მიაკითხოთ კონგრესის დაბინავების განყოფილებას, რომ ძმები საცხოვრებელი ადგილის დატოვებამდე დაგეხმარონ.

⁷ განსაკუთრებული საჭიროების მქონე პირებზე ზრუნვა. ხანდაზმულებს, ინვალიდებს, სრული დროით მსახურებს ან სხვებს შეიძლება დახმარება დასჭირდეთ კონგრესზე დასწრებაში. ყოველ ოჯახს და კრების თითოეულ წევრს შეგნებული უნდა ჰქონდეს თავისი პასუხისმგებლობა — თვითონ დაფაროს მგზავრობასა და კვებასთან დაკავშირებული ხარჯები და წინასწარ დაზოგოს თანხა ამისთვის. ნათესავებს, უხუცესებსა და კრების სხვა წევრებს, რომლებმაც იციან თანაქრისტიანების განსაკუთრებული საჭიროებები, შეუძლიათ სიყვარულით აღმოუჩინონ მათ საჭირო დახმარება. ოჯახისა და კრების პასუხისმგებლობები კონგრესის ორგანიზატორებს არ უნდა დავაკისროთ (1 ტიმ. 5:4). საზოგადოების ბლანკზე „განსაკუთრებული საჭიროებების მქონეთა განცხადება დაბინავებაზე“ მითითებულია, თუ ვის შეუძლია ამ ბლანკის შევსება. სანამ ბლანკს დაბინავების განყოფილებას გადასცემდეს, კრების სამსახურებრივმა კომიტეტმა უნდა შეამოწმოს, შეესაბამება თუ არა პიროვნება ბლანკში მოცემულ მოთხოვნებს. კრების მდივანმა ბლანკს თავისი ტელეფონის ნომერიც უნდა დაურთოს, რათა დაბინავების განყოფილებამ შეძლოს მასთან დაკავშირება, თუკი რამე კითხვები წამოიჭრება. შემოწმებული ბლანკები უნდა გაიგზავნოს კონგრესის მისამართზე, რომელიც ბლანკის მეორე გვერდზეა მითითებული.

⁸ დაბინავების განყოფილება ცდილობს, ისეთი საცხოვრებელი ადგილით უზრუნველგვყოს, რომელიც განცხადებებში მოცემულ მოთხოვნებს შეესაბამება. ამ მხრივ დიდ დახმარებას გვიწევენ ის და-ძმები, რომლებიც თავიანთ ბინებს სთავაზობენ კონგრესის დელეგატებს. თუ იმ ქალაქში ცხოვრობთ, სადაც კონგრესი ტარდება, და დელეგატების სახლში მიწვევას გეგმავთ, კრების მდივანი მოგცემთ ბლანკს „ბინა“ (CO-4). შეეცადეთ ამ ბლანკზე მიუთითოთ ზოგიერთი მნიშვნელოვანი დეტალი. მაგალითად, გექნებათ თუ არა ლოგინის თეთრეული, საკვები და ა. შ.

⁹ სხვა კონგრესზე დასწრება. საქართველოს საზღვრებს გარეთ დაბინავება ხდება საერთო საცხოვრებლებში, სასტუმროებში და ასე შემდეგ. თუ გჭირდებათ „რეკომენდებული სასტუმროების, საერთო საცხოვრებლებისა და სხვა შენობების სია“ ან ინფორმაცია სხვა კონგრესთან დაკავშირებით, კრების მდივანს შეუძლია მოგცეთ კონგრესის ორგანიზაციაზე პასუხისმგებელი ბიუროს მისამართი, რომელიც მოცემულია ბლანკის „განსაკუთრებული საჭიროებების მქონეთა განცხადება დაბინავებაზე“ მეორე გვერდზე. წერილს ყოველთვის დაურთეთ ცარიელი საფოსტო მარკიანი კონვერტი, რომელზეც თქვენი მისამართი წერია. თუ თქვენთვის სასურველ ქალაქში ერთზე მეტი კონგრესი ტარდება, აუცილებლად მიუთითეთ იმ კონგრესის თარიღები, რომელსაც დაესწრებით.

¹⁰ რას ფიქრობს სასტუმროს პერსონალი იეჰოვას მოწმეებზე? მიდუესტის სასტუმროს მენეჯერმა იეჰოვას ხალხის კარგ ყოფაქცევაზე საუბრის შემდეგ თქვა: „იეჰოვას მოწმეები, როცა ხუთშაბათს გადიან რეგისტრაციას სასტუმროში, მე ორშაბათამდე თავისუფალი ვარ. ვიცი, რომ ისინი დიდ პრობლემებს არ შექმნიან. ყოველთვის სასიამოვნოა თქვენი ხალხის მიღება“. სასტუმროში მომუშავე გამყიდველმა აღტაცებით თქვა: „შესანიშნავი ჯგუფია! ყველა გამუდმებით მადლობას გვიხდიდა“. ნუთუ არ გეამაყება, რომ ჩვენს და-ძმებზე ასე ლაპარაკობენ? წარმოიდგინე, როგორ უხარია იეჰოვა ღმერთს, როცა ხედავს, რომ ჩვენი ქცევით მის სახელს ვადიდებთ!

¹¹ დასკვნა. რადგან საოლქო კონგრესზე დასწრების დრო ახლოვდება, ლოცვით სთხოვე იეჰოვას, რომ შეძლო მთელ პროგრამაზე დასწრება სამივე დღეს და სრული სარგებლობის მიღება პროგრამიდან. უკვე დაეთხოვე თუ არა სამუშაოდან იმ სამ დღეს, როცა კონგრესზე დასწრებას გეგმავ? თუ არა, რაც შეიძლება მალე დაეთხოვე. როცა წინა წუთებში ითხოვენ სამუშაოდან გათავისუფლებას, ჩვეულებრივ, უარყოფით პასუხს იღებენ. ერთგულმა და გონიერმა მონამ წლევანდელი საოლქო კონგრესი „ღვთის სიტყვის მასწავლებლები“ ჩვენი სულიერი დამოძღვრისა და რწმენის განმტკიცებისთვის მოამზადა. ასე რომ, ახლავე დაიწყე დაგეგმვა, რომ დაესწრო კონგრესს. ამგვარად, შეასრულებ ფსალმუნმომღერლის მითითებას: „კრებულთა შორის ადიდეთ ღმერთი“! (ფსალმ. 67:27).

[ჩარჩო 3 გვერდზე]

პროგრამის განრიგი

პარასკევი და შაბათი

9.30—17.00

კვირა

9.30—16.00

[ჩარჩო 4 გვერდზე]

თუ განსაკუთრებული საჭიროებები გაქვთ:

1. გამოართვით მდივანს ბლანკი „განსაკუთრებული საჭიროებების მქონეთა განცხადება დაბინავებაზე“, შეავსეთ და დაუბრუნეთ.

2. გახსოვდეთ, რომ დაბინავების გარდა სხვა ხარჯები თქვენ უნდა დაფაროთ.

3. თუ კერძო ბინაში უნდა იყოთ, შეეცადეთ, შეძლებისდაგვარად წინასწარ დაუკავშირდეთ ბინის პატრონს, რათა თქვენი ჩასვლის თარიღი დააზუსტოთ და ა.შ.

აგრეთვე გაითვალისწინეთ:

◼ რადგანაც სტუმრად ხართ, მზად იყავით იმისათვის, რომ ითანამშრომლოთ მასპინძლებთან, მაგალითად, სისუფთავის დაცვის მხრივ.