სამსახურებრივი შეხვედრა

8 ივლისით დაწყებული კვირა

სიმღერა 201

15 წთ.: ადგილობრივი განცხადებები. შერჩეული განცხადებები „ჩვენი სამეფო მსახურებიდან“. მე-4 გვერდზე მოცემული შეთავაზებების ინსცენირებით აჩვენეთ, როგორ შევთავაზოთ 15 ივლისის „საგუშაგო კოშკი“. ინსცენირებაში აჩვენეთ, თუ როგორ განვაგრძოთ საუბარი მათთან, ვინც ფრაზით „ჩვენ ქრისტიანები ვართ“ საუბრის შეწყვეტას ცდილობს (იხილე ბროშურა „როგორ დავიწყოთ და გავაგრძელოთ ბიბლიურ თემაზე საუბარი“, გვ. 11).

10 წთ.: შეკითხვების ყუთი. უხუცესის მოხსენება. განსახილველი მასალა ადგილობრივ მდგომარეობას დაუკავშირე.

20 წთ.: ორგანიზებულად ვიქადაგოთ არაფორმალურად. წიგნის „ორგანიზებულნი ვართ ჩვენი მსახურებისთვის“, გვ. 93, 94 აუდიტორიასთან განხილვა. 2002 წლის იანვრის „ჩვენი სამეფო მსახურების“ დანართის ბოლო გვერდზე მოცემული შეთავაზებების მოკლე ინსცენირებით აჩვენე, თუ როგორ შეიძლება ორი ან სამი სხვადასხვა სახით არაფორმალურად ვუქადაგოთ უცნობს, მეზობელს, ნათესავს ან ნაცნობს.

სიმღერა 139 და ლოცვა.

15 ივლისით დაწყებული კვირა

სიმღერა 144

10 წთ.: ადგილობრივი განცხადებები. საფინანსო ანგარიში.

15 წთ.: ადგილობრივი მოთხოვნილებები.

20 წთ.: მსახურებაში ბიბლიის გამოსაყენებლად არსებული საფუძვლიანი მიზეზები. მოხსენება და აუდიტორიასთან განხილვა. იესომ იცოდა წმინდა წერილები და სწავლების დროს ხშირად იყენებდა მათ (ლუკ. 24:27, 44—47). ის საკუთარ აზრებს არ ასწავლიდა (იოან. 7:16—18). ჩვენთვისაც მნიშვნელოვანია გამოვიყენოთ ღვთის სიტყვა. ის ჩვენს სიტყვებზე უფრო ძლიერმოქმედია (იოან. 12:49, 50; ებრ. 4:12). გულწრფელ ადამიანებს იზიდავს წმინდა წერილებში მოცემული ნუგეში და იმედი. მიზნად დაისახე, რომ შეთავაზების დროს, სულ მცირე, ერთი მუხლი მაინც წაიკითხო. ყურადღება გაამახვილე იმაზე, რომ ამ თვის ჟურნალების შეთავაზებებში ჩართულია ბიბლიური მუხლები. მსმენელებს სთხოვე, მოყვნენ, თუ როგორ იყენებენ ბიბლიას მსახურების დროს და რა შედეგები მოაქვს ამას მათთვის და მათი მსმენელებისთვის.

სიმღერა 215 და ლოცვა.

22 ივლისით დაწყებული კვირა

სიმღერა 47

10 წთ.: ადგილობრივი განცხადებები. მშობელი და შვილი, რომლებიც ერთად მონაწილეობენ მსახურებაში, ინსცენირებით აჩვენებენ, თუ როგორ შეგვიძლია 1-ლი და 8 აგვისტოს ჟურნალების შეთავაზება მე-4 გვერდზე მოცემული შეთავაზებების გამოყენებით. ერთ შემთხვევაში ეს იქნება „საგუშაგო კოშკის“ შეთავაზება, მეორეში კი — „გამოიღვიძეთ!“-ის. მოუწოდე მშობლებს, რომ თანდათანობით დაახელოვნონ შვილები მსახურებაში.

17 წთ.: რას ეტყვი ისლამით დაინტერესებულ ადამიანს? მოხსენება და ინსცენირება. ხაზი გაუსვი სხვა კულტურის წარმომადგენლებთან ქადაგებისას გამჭრიახობის გამოვლენის აუცილებლობას. ბროშურის „ღვთის ხელმძღვანელობა — ჩვენი გზა სამოთხისკენ“ (რუს.) გამოყენებით მოკლედ ახსენი, თუ რა მსგავსებები არსებობს ბიბლიასა და ყურანს შორის (იხილე ჩარჩო მე-8 გვერდზე). აგრეთვე მოკლედ აღნიშნე, რა სხვაობაა ქრისტიანულ სამყაროსა და წმინდა წერილების სწავლებებს შორის (იხილე ჩარჩო მე-5 გვერდზე). წარმოადგინე შემდეგი კარგად მომზადებული ინსცენირება: «მე განსაკუთრებით მუსლიმანებთან გასაუბრებას ვცდილობ. წაკითხული მაქვს თქვენი რელიგიის შესახებ და ტყუილი არ გამომივა თუ ვიტყვი, რომ მუსლიმანებს სწამთ ერთი ჭეშმარიტი ღმერთის და ყველა წინასწარმეტყველის [გიპასუხოს]. მსურს გესაუბროთ ერთი უძველესი წინასწარმეტყველების შესახებ, სადაც ნათქვამია, რომ დედამიწა სამოთხედ გადაიქცევა. შეიძლება წაგიკითხოთ ეს წინასწარმეტყველება? [წაიკითხე ესაიას 11:6—9]. ეს წინასწარმეტყველება მახსენებს ერთ მონაკვეთს ყურანიდან, რომელიც ამ ბროშურაშია მოცემული. ბროშურა „ღვთის ხელმძღვანელობა“ გადაშალე მე-9 გვერდზე და წაიკითხე მსხვილი შრიფტით მოცემული ციტატა, სადაც საუბარია იმაზე, რომ მართალნი დაიმკვიდრებენ დედამიწას. თუ ადამიანი ავლენს ინტერესს, განაგრძე საუბარი და განიხილე წინა გვერდზე მოცემული მე-7—9 აბზაცები. დაუტოვე ბროშურა და დაუთქვი განმეორებითი მონახულება». ხაზგასმით აღნიშნე, რომ აუცილებელია გამჭრიახობის გამოვლენა იმასთან დაკავშირებით, თუ რომელ ლიტერატურას ვთავაზობთ მუსლიმანებს და როგორ ვუქადაგებთ მათ. მოიხსენიე ყველა ის პუბლიკაცია, რომელიც არის კრების მარაგში და მუსლიმანებისთვისაა განკუთვნილი (ტრაქტატები „როგორ ვიპოვოთ სამოთხისკენ მიმავალი გზა“ [rp], „ბედი მართავს ჩვენს ცხოვრებას?. . “. [T-71], „ყველაზე დიდებული სახელი“ [რუს. T-72], „ვინ არიან იეჰოვას მოწმეები?“ [რუს. T-73], „ჯოჯოხეთის ცეცხლი — არის თუ არა ის ღვთიური მართლმსაჯულების ნაწილი?“ [რუს. T-74] და ბროშურები „ღვთის ხელმძღვანელობა — ჩვენი გზა სამოთხისკენ“ [რუს. gu] და „ჟამი ღვთისადმი ჭეშმარიტი მორჩილებისა“ [რუს. sm]). დამატებითი ინფორმაცია ისლამის შესახებ იხილეთ 1998 წლის თებერვლისა და 1999 წლის ნოემბრის „ჩვენი სამეფო მსახურების“ დანართში და ბროშურაში „როგორ დავიწყოთ და გავაგრძელოთ ბიბლიურ თემაზე საუბარი“, გვ. 15, 16 და „კაცობრიობა ღვთის ძიებაში“ (ინგლ.), მე-12 თავი.

18 წთ.: როგორ ავარიდო თავი საფრთხეს ინტერნეტით სარგებლობის დროს? მოხსენება და აუდიტორიასთან განხილვა, რომელიც დაფუძნებულია 2000 წლის 8 თებერვლის „გამოიღვიძეთ!“-ზე, გვ. 19—21. ყურადღება გაამახვილე იმ საშიშროებაზე, რომელსაც ინტერნეტის შეუზღუდავი გამოყენება ქმნის და ახსენი, თუ როგორ შეიძლება თავი ავარიდოთ ამ საფრთხეს. მსმენელებს სთხოვე, თავიანთი აზრი გამოთქვან იმასთან დაკავშირებით, თუ რამდენად სასარგებლო აღმოჩნდა მათთვის ამ რჩევის გამოყენება.

სიმღერა 61 და ლოცვა.

29 ივლისით დაწყებული კვირა

სიმღერა 54

10 წთ.: ადგილობრივი განცხადებები. მაუწყებლებს შეახსენე, ჩააბარონ ივლისის სამქადაგებლო მსახურების ანგარიშები.

10 წთ.: „ახალი სარაიონო კონგრესის პროგრამა“. მოხსენება. გამოაცხადე მომავალი სარაიონო კონგრესის ჩატარების თარიღი. ყველას მოუწოდე, რომ დაესწრონ და ყურადღებით მოუსმინონ პროგრამას. წაახალისე მოუნათლავი მაუწყებლები, რომ იფიქრონ მონათვლისთვის მომზადებაზე. განსაკუთრებით ეცადე, მოიწვიო ბიბლიის შემსწავლელები.

25 წთ.: „იყავით გაერთიანებულნი და გქონდეთ ურთიერთშორის შეთანხმებულობა“a. მე-3 აბზაცის განხილვისას მოიშველიე 2000 წლის 8 მაისის „გამოიღვიძეთ!“-ში, მე-9 და მე-10 გვერდებზე მოცემული ინფორმაცია. მე-4 აბზაცის განხილვისას კი გამოიყენე 1995 წლის 1 ოქტომბრის „საგუშაგო კოშკი“, გვ. 16, 17, აბზ. 4—6.

სიმღერა 81 და ლოცვა.

5 აგვისტოთი დაწყებული კვირა

სიმღერა 38

10 წთ.: ადგილობრივი განცხადებები.

20 წთ.: «ადამიანთა შეკრება „ყოველი ენის ხალხიდან“»b. გამოიყენე 2002 წლის 1 აპრილის „საგუშაგო კოშკში“ 24-ე გვერდზე მოცემული ინფორმაცია. თუ ეს შესაფერისია თქვენი კრებისთვის, მოკლედ აღნიშნე, რა გაკეთდა ადგილობრივ ტერიტორიაზე მცხოვრები უცხო ენაზე მოლაპარაკე ხალხის დასახმარებლად და წარმოადგინე მე-4 აბზაცში მოცემული შეთავაზების ინსცენირება.

15 წთ.: ადგილობრივი შემთხვევები. მსმენელებს სთხოვე, მოყვნენ გამამხნევებელი შემთხვევები, რომლებიც მათ საოლქო კონგრესზე დასწრებისას, დამხმარე პიონერად მსახურებისას ან სხვა თეოკრატიულ საქმიანობებში მონაწილეობისას ჰქონდათ ამ ზაფხულის თვეებში.

სიმღერა 184 და ლოცვა.

[სქოლიოები]