იეჰოვას მოწმეთა 2006 წლის საოლქო კონგრესი „ხსნა ახლოსაა“
1 ძველ დროს იუდას მეფემ, ხიზკიამ, მალემსრბოლების მეშვეობით წერილები დაურიგა ხალხს, რომ იერუსალიმში შეკრებაზე მოეწვია (2 ნეშტთა 30:6, 13). ხალხის გამოხმაურება მოწვევაზე, აჩვენებდა, თუ რა თვალსაზრისი ჰქონდათ ჭეშმარიტი თაყვანისმცემლობის მიმართ (2 ნეშტთა 30:10—12). რამდენიმე თვის შემდეგ იეჰოვას დღევანდელ მსახურებს მსგავსი შესაძლებლობა ექნებათ, გამოხატონ გულწრფელი მადლიერება — ერთად შეიკრიბონ იეჰოვას თაყვანისსაცემად. თქვენი კრება წერილობითი სახით მიიღებს მოწვევას, რომ დაესწროს საოლქო კონგრესს, სახელწოდებით „ხსნა ახლოსაა“. როგორ გამოეხმაურებით ამ მოწვევას?
2 ახლავე დაიჭირე თადარიგი: სრული სარგებლობა რომ მივიღოთ სულიერი პროგრამიდან, რომელიც დიდი მზრუნველობით არის მომზადებული, საჭიროა მთლიან პროგრამას დავესწროთ. გონივრული იქნება ახლავე იზრუნო იმაზე, თუ რისი გაკეთება შეგიძლია, რომ მთელი ოჯახით დაესწრო სამივე დღეს (იგავები 21:5). ამაში შეიძლება იგულისხმებოდეს ის, რომ უფროსს შეუთანხმდე, კონგრესის დღეებში სამუშაოდან გაგანთავისუფლოს; შენი გეგმები მეუღლეს შეუთანხმო, რომელიც არ არის იეჰოვას მოწმე; დაეხმარო ბიბლიის შემსწავლელს კონგრესის მთლიან პროგრამას დაესწროს. ასეთი მნიშვნელოვანი საკითხების მოგვარება ბოლო წუთისთვის არ გადადო. დახმარებისთვის იეჰოვას მიმართე ლოცვით და დარწმუნებული იყავი, რომ „ის აღასრულებს“ (ფსალმუნები 36:5).
3 იეჰოვას ორგანიზაცია ყველაფერს აკეთებს იმისათვის, რომ ყველა იმ ქალაქში, სადაც კონგრესი ჩატარდება, საკმარისი რაოდენობის საცხოვრებელი ადგილები იყოს დელეგატებისთვის. იმ ძმების თავდაუზოგავი შრომისადმი მადლიერებამ, რომლებიც ძალებს არ იშურებენ ამ საკითხების მოსაგვარებლად, ასევე კონგრესის დელეგატების მდგომარეობის გათვალისწინებამ და თეოკრატიისადმი პატივისცემამ უნდა აღგვძრას, მაქსიმალურად მივყვეთ ამ სტატიაში მოცემულ რჩევებს (1 კორ. 13:5; 1 თეს. 5:12, 13; ებრ. 13:17).
4 დაბინავება: მოხარულნი ვართ, ყოველწლიურად მოგაწოდოთ ინფორმაცია, თუ როგორ შეუკვეთოთ კონგრესის დროს საცხოვრებელი ადგილი. რადგან საქართველოში დელეგატების დაბინავება მხოლოდ იმ ძმებისა და დების სახლებში ხდება, რომლებიც ცხოვრობენ ქალაქში, სადაც კონგრესი ტარდება, ძალიან მნიშვნელოვანია შემდეგ აბზაცებში მოცემული მითითებების გათვალისწინება. ადგილობრივი დაბინავების განყოფილება მდგომარეობისდა მიხედვით თითოეულ კრებას სპეციალური წერილით მიაწვდის ინფორმაციას დაბინავების შესახებ და მიუთითებს, როდისთვის უნდა გაეგზავნოს დაბინავების განყოფილებას ყველა ბლანკი. დაბინავების განყოფილება თხოვნით მიმართავს იმ ქალაქში არსებულ კრებებს, სადაც კონგრესის ჩატარებაა დაგეგმილი, რომ მსურველებმა შესთავაზონ საცხოვრებელი ადგილი ჩასული და-ძმებისთვის. შემოთავაზებულ ბინებთან დაკავშირებული ინფორმაციის ადვილად და ზუსტად შესავსებად წერილს დაერთვება ბლანკი „ბინა“ (CO-4). დიდად დასაფასებელია, ძმებო და დებო, თქვენი მზადყოფნა — გაიღოთ ასეთი მსხვერპლი და ყოველწლიურად შესთავაზოთ დელეგატებს თქვენი ბინები. გთხოვთ, ყურადღებით მიჰყვეთ მითითებებს, რომლებიც მოცემულია ამ დანართში არსებულ ჩარჩოში, სათაურით „რა უნდა გაკეთდეს, თუ ვითხოვთ ან ვთავაზობთ საცხოვრებელ ადგილს?“
5 კრებებიდან დაბინავების მსურველებთან დაკავშირებული ინფორმაციის მიღების შემდეგ, დაბინავების განყოფილება გაანაწილებს საცხოვრებელ ადგილებს და შეატყობინებს ამას კონგრესზე ჩამომსვლელებსა და ბინის შემთავაზებლებს. საცხოვრებელ ადგილთან დაკავშირებულ ნებისმიერ რთულ საკითხზე მდივანს შეუძლია დაუკავშირდეს დაბინავების განყოფილებას ამ განყოფილების მიერ გამოგზავნილი წერილის ზევითა ნაწილში მითითებულ მისამართზე ან ტელეფონზე.
6 თუ უკვე შეუკვეთეთ საცხოვრებელი ადგილი, გთხოვთ, ნუ შეცვლით პირველ შეკვეთას. ამ მითითების თანახმად მოქმედება საშუალებას გვაძლევს, სიყვარული გამოვავლინოთ თანაქრისტიანი ძმების მიმართ და გავექცეთ ეგოისტურ განწყობილებას, რომელიც დღევანდელ წუთისოფელს ახასიათებს (1 კორ. 10:24).
7 განსაკუთრებული საჭიროებები: იგავების 3:27-ში ნათქვამია: „ნუ დაუჭერ სიკეთეს მას, ვისაც ერგება, როდესაც შენს ხელს ძალუძს ამის გაკეთება“. როგორ შეგიძლია სიკეთის გაკეთება სხვების მიმართ კონგრესის დროს? ხანდაზმულ ან სუსტი ჯანმრთელობის მქონე მაუწყებლებს, სრული დროით მსახურებსა და სხვებს შეიძლება პრაქტიკული დახმარება სჭირდებოდეთ გადაადგილებასთან, დაბინავებასთან და სხვა საკითხებთან დაკავშირებით. ასეთ მაუწყებლებზე ზრუნვის პასუხისმგებლობა უპირველესად ნათესავებს აკისრიათ (1 ტიმ. 5:4). მაგრამ ისინი თუ ვერ ახერხებენ ამის გაკეთებას, დახმარების გაწევა შეიძლება თანამორწმუნეებმა შეძლონ (გალ. 6:10). წიგნის შესწავლის ზედამხედველმა ყურადღება უნდა მიაქციოს, რომ თავისი ჯგუფიდან განსაკუთრებული საჭიროებების მქონე მაუწყებლებისთვის ყველაფრის ორგანიზება კონგრესამდე საკმაო ხნით ადრე მოხდეს.
8 ბლანკები „განცხადება განსაკუთრებული საჭიროების მქონეთა დაბინავებაზე“ გათვალისწინებულია მხოლოდ იმ მაუწყებლებისთვის, რომელთაც ნამდვილად სჭირდებათ დასაბინავებელი ადგილი და ოჯახის წევრებს ან კრებას არ შეუძლია ამით უზრუნველყოფა. კრების სამსახურებრივმა კომიტეტმა უნდა განიხილოს, შეესაბამება თუ არა მაუწყებელი სათანადო მოთხოვნებს. მათ უნდა იხელმძღვანელონ უშუალოდ ბლანკში მოცემული მითითებებით და 2004 წლის 14 დეკემბრის წერილით, რომელიც უხუცესთა ყველა საბჭოსადმია მიმართული. ეს ბლანკი განკუთვნილია მხოლოდ სამაგალითო მაუწყებლებისთვის და მათი კარგი ყოფაქცევის ბავშვებისთვის.
9 სხვა კონგრესზე დასწრება: საკმარისი დასაჯდომი ადგილის, ლიტერატურის, საცხოვრებლისა და სხვა ფაქტორების უზრუნველსაყოფად, კარგი იქნება, თუ მაუწყებლები იმ კონგრესს დაესწრებიან, რომელზეც მათი კრებაა მიწვეული. რისი გაკეთება გმართებთ, როცა მდგომარეობა მოითხოვს, რომ სხვა კონგრესს დაესწროთ? საცხოვრებელ ადგილთან ან სხვა საკითხებთან დაკავშირებული ინფორმაციისთვის შეგიძლიათ მიმართოთ კრების მდივანს, რათა მოგცეთ კონგრესის ორგანიზებაზე პასუხისმგებელი ბიუროების მისამართები, რომლებიც მოცემულია ბლანკის „განცხადება განსაკუთრებული საჭიროების მქონეთა დაბინავებაზე“ მეორე გვერდზე. გთხოვთ, ნუ გამოგზავნით წერილს ფილიალში საცხოვრებელი ადგილის მოთხოვნით, თუნდაც სანქტ-პეტერბურგში გეგმავდეთ დასწრებას. წერილს, რომელშიც იქნება თქვენ მიერ შევსებული „შემოთავაზებული დასაბინავებელი ადგილების სია“ და ესა თუ ის დამატებითი ინფორმაცია, ყოველთვის დაურთეთ ცარიელი საფოსტო მარკიანი კონვერტი, რომელზეც თქვენი მისამართი წერია. თუ ქალაქში, სადაც აპირებთ დასწრებას, ერთზე მეტი კონგრესი ტარდება, მიუთითეთ იმ კონგრესის თარიღი, რომელზეც დაესწრებით.
10 მოხალისეების საჭიროება: უდავოა, რომ ყველასთვის დიდი სიხარული მოაქვს კონგრესზე დასწრებას, სულიერი პროგრამიდან სარგებლობის მიღებასა და და-ძმებთან გამამხნევებელ ურთიერთობას. ჩვენი სიხარული უფრო მეტად გაიზრდება, თუ მონაწილეობას მივიღებთ იმ საქმეებში, რაც კონგრესის წარმატებით ჩატარებას ემსახურება (საქ. 20:35). შეგიძლია მონაწილეობა მიიღო ამ საქმეში? (ფსალ.109:3).
11 ხუთი წლის ბავშვმა, როდესაც საოლქო კონგრესს დაესწრო, თქვა: „იეჰოვას მსახურებაში ყველაზე მეტად საოლქო კონგრესზე დასწრება მიყვარს“. ასეთი გულწრფელი კომენტარი ყველას გვეხმარება, უფრო მეტად დავფიქრდეთ, თუ რა დიდი სიხარული მოაქვს საოლქო კონგრესზე ყოველწლიურ დასწრებას. მართლაც, ჭეშმარიტებაა ფსალმუნმომღერლის სიტყვები: „ერთი დღე შენს ეზოებში ათასჯერ უმჯობესია“ (ფსალმუნები 83:11). დავითის სიმღერაში გამოხატულია მისი დიდი სურვილი, რომ ‘დამკვიდრებულიყო უფლის სახლში თავისი სიცოცხლის მანძილზე და მადლიერებით ეყურებინა ღვთის ტაძრისთვის (ფსალმუნები 26:4). დავითს დიდ ბედნიერებას ჰგვრიდა იეჰოვას თაყვანისმცემლებს შორის ყოფნა. მოდი, მის მსგავსად მადლიერნი ვიყოთ ჭეშმარიტი თაყვანისმცემლობისთვის და ეს იმით გამოვხატოთ, რომ დავესწროთ საოლქო კონგრესის — „ხსნა ახლოსაა“ — სამივე დღეს!
[სასწავლო კითხვები]
1. როგორ შეეძლო ღვთის ხალხს მადლიერება გამოეხატა ჭეშმარიტი თაყვანისმცემლობისთვის ძველ დროს და რა მსგავსი შესაძლებლობა გვეძლევა დღეს?
2. რა შეგვიძლია გავაკეთოთ ახლავე, რომ კონგრესიდან სრული სარგებლობა მივიღოთ?
3. რატომ უნდა ვითანამშრომლოთ მათთან, ვისაც ჩვენი დაბინავება აკისრია?
4–6. რა უნდა გვახსოვდეს დაბინავებასთან დაკავშირებით?
7, 8. როგორ შეგვიძლია ვიზრუნოთ მათზე, ვისაც დახმარება სჭირდება?
9. ა) რატომ უნდა დავესწროთ იმ კონგრესს, რომელზეც ჩვენი კრებაა მიწვეული? ბ) რისი გაკეთება გმართებთ, როცა მდგომარეობა მოითხოვს, რომ სხვა კონგრესს დაესწროთ?
10. კიდევ რა საშუალებით შეგვიძლია უფრო მეტი სიხარულის განცდა მოახლოებული კონგრესის დროს?
11. როგორ უნდა აფასებდე ყოველწლიურ საოლქო კონგრესს და რა უნდა გქონდეს გადაწყვეტილი?
[ჩარჩო 3 გვერდზე]
პროგრამის განრიგი
პარასკევი და შაბათი
9:30 — 5:05
კვირა
9:30 — 4:10
[ჩარჩო 4 გვერდზე]
გთხოვთ, აგრეთვე გახსოვდეთ შემდეგი
1. წინასწარ შეატყობინეთ კრების მდივანს ან დაბინავების განყოფილებას, თუ არ ისარგებლებთ არჩეული საცხოვრებელი ადგილით ან არ შეგიძლიათ საკუთარი ბინის შეთავაზება.
2. ჩვეულებრივ, ძნელია დიდი ჯგუფების ერთ ბინაში მოთავსება. უმჯობესია 2—4 კაცად დანაწილება.
3. თუ დიდი ოჯახი გაქვთ და ერთად ცხოვრება გინდათ, შევსებული ბლანკები ერთად შეკარით.
4. რადგან სტუმარი ხართ, ეცადეთ, ისე მოიქცეთ, რომ უხერხულობაში არ ჩააგდოთ მასპინძელი.
5. დაბინავების განყოფილება შეგატყობინებთ თქვენი დაბინავებისა თუ სტუმრების შესახებ.