იეჰოვას მოწმეთა 2009 წლის საოლქო კონგრესი

1. ა) რა კურთხევებს მივიღებთ, თუ საოლქო კონგრესის სამივე დღეს დავესწრებით? ბ) რის დაგეგმვა უნდა დავიწყოთ ახლავე?

¹ თითოეული ჩვენგანი მთელი გულით ველით 2009 წლის საოლქო კონგრესს და იმ თანამორწმუნეებთან ერთად შეკრებას, რომლებიც ‘სულიერს არიან მოწყურებულნი’ (მათ. 5:3). რამდენადაც იეჰოვას დღე სწრაფად ახლოვდება, ყველას მოგიწოდებთ, დაესწროთ კონგრესის სამივე დღეს, რომ სრულად დატკბეთ და-ძმებთან ურთიერთობით და გამხნევდეთ, რათა მტკიცენი იყოთ რწმენაში (სოფ. 1:14). მასწავლებლებმა და დამსაქმებლებმა უნდა იცოდნენ, რომ საოლქო კონგრესი ღვთისადმი შენი თაყვანისცემის მნიშვნელოვანი ნაწილია. გაბედულად იმოქმედე, ყველაფერი წინასწარ დაგეგმე და ეძებე იეჰოვას კურთხევა. დარწმუნებული იყავი, რომ ის მხარში ამოგიდგება (ეს. 50:10).

2. რატომ შეიძლება ბევრ საოლქო კონგრესს საერთაშორისო კონგრესის ელფერი ჰქონდეს?

² საერთაშორისო კონგრესი: იმის გამო, რომ საერთაშორისო კონგრესებზე დამსწრეთა რაოდენობა შეზღუდულია, მხოლოდ ისინი უნდა დაესწრონ, ვინც მიწვეული იქნება. კარგი თანამშრომლობის წყალობით ამ კონგრესებზე იმაზე მეტი ადამიანი არ მოიყრის თავს, ვიდრე გათვალისწინებულია (1 კორ. 14:40; ებრ. 13:17). უნდა აღინიშნოს, რომ მისიონერები, უცხო ქვეყნებში მომსახურე ბეთელელები და საერთაშორისო მსახურები საოლქო კონგრესებზე დასასწრებად თავ-თავიანთ ქვეყნებში ჩავლენ, რაც საოლქო კონგრესს საერთაშორისო კონგრესის ელფერს შესძენს.

3. როგორ შეგვიძლია ქრისტიანული სიყვარულის გამოვლენა?

³ დაეხმარე სხვებს, რომ დაესწრონ: არიან შენს კრებაში ისეთები, ვისაც კონგრესზე დასასწრებად დახმარება სჭირდება? თუ მათ დაეხმარები, „მხოლოდ პირად კეთილდღეობაზე კი არ იზრუნებ, არამედ სხვების კეთილდღეობაზეც“ (ფილ. 2:4).

4. როგორ უნდა მოიქცე, თუ ინფორმაცია გჭირდება იმ კონგრესზე დასასწრებად, სადაც შენი კრება არ არის მიწვეული?

⁴ დამატებითი ინფორმაციის მიღება: ძალიან ბევრი ზარი რომ არ შევიდეს ფილიალში იმის გასაგებად, თუ სად და როდის ტარდება საოლქო კონგრესები, გთხოვთ, საჭირო ინფორმაციისთვის პირველ რიგში შენი კრების მდივანს მიმართო.

5. რა უნდა გაკეთდეს მაშინ, როცა მაუწყებელს დაბინავება სჭირდება?

⁵ განსაკუთრებული საჭიროებები: თუ მაუწყებელს სურს, კონგრესის დაბინავების განყოფილება დაეხმაროს დასაბინავებელი ადგილის მოძებნაში, კრების სამსახურებრივმა კომიტეტმა უნდა განიხილოს, აკმაყოფილებს თუ არა მაუწყებელი მოთხოვნებს, რომ შეავსოს ბლანკი „განცხადება განსაკუთრებული საჭიროების მქონეთა დაბინავებაზე“. ვიდრე მდივანი ბლანკს კონგრესის დაბინავების განყოფილებას გაუგზავნის, კრების კომიტეტი უნდა დარწმუნდეს, რომ გათვალისწინებული იყო როგორც ბლანკში მოცემული, ისე ფილიალის მიერ უხუცესთა ყველა საბჭოსადმი გაგზავნილი მითითებები, რომლებიც მოცემულია 2008 წლის 14 დეკემბრით დათარიღებულ წერილში.

6. რას უნდა დავუკვირდეთ 2009 წლის საოლქო კონგრესზე?

⁶ ჩვენი საქციელით ღმერთს განვადიდებთ: როდესაც სულის ნაყოფს ვავლენთ და ვუკვირდებით ჩვენს საქციელსა და საუბარს, იეჰოვას ხალხს უკეთეს რეპუტაციას ვუქმნით და არავის ვაბრკოლებთ (1 კორ. 10:31; 2 კორ. 6:3, 4). კვლავაც განადიდე იეჰოვა 2009 წელს საოლქო კონგრესზე დასწრებითა და სათანადო ქცევით! (1 პეტ. 2:12).

[ჩარჩო 5 გვერდზე]

პროგრამის განრიგი

ხუთშაბათი (მხოლოდ საერთაშორისო კონგრესისთვის)

13:20—16:55

პარასკევი და შაბათი

9:20—16:55

კვირა

9:20—16:00