რას სწავლობენ სხვები შენგან?
1. რას სწავლობდნენ მოწაფეები იესოსგან?
1 იესომ თქვა: „დაიდგით ჩემი უღელი და ისწავლეთ ჩემგან“ (მათ. 11:29). აშკარაა, რომ ის არა მარტო სიტყვით, არამედ საკუთარი მაგალითით ასწავლიდა სხვებს. დაფიქრდი, რას ისწავლიდნენ მოწაფეები იესოსგან. ის იყო მშვიდი, კეთილი და მოსიყვარულე (მათ. 8:1—3; მარ. 6:30—34). იესო თავმდაბალი იყო (იოან. 13:2—5). მასთან ერთად ქადაგებისას მოწაფეები ხედავდნენ, რომ ის იყო დაუღალავი მქადაგებელი, რომელიც დახელოვნებულად ასწავლიდა ხალხს ჭეშმარიტებას (ლუკ. 8:1; 21:37, 38). რას ხედავენ სხვები, როცა მსახურების დროს გვაკვირდებიან?
2. როგორ მოქმედებს მობინადრეებზე ჩვენი კარგი გარეგნობა და საქციელი?
2 მობინადრეები: ჩვენმა მოკრძალებულმა ჩაცმულობამ, კარგმა მანერებმა და ხალხისადმი გულწრფელმა ინტერესმა მობინადრეებზე შეიძლება ძალიან იმოქმედოს (2 კორ. 6:3; ფილ. 1:27). მათ შეუმჩნეველი არ რჩებათ, რომ ბიბლიას ხშირად ვიყენებთ. სხვებზე შთაბეჭდილებას ახდენს ისიც, რომ ყურადღებით ვუსმენთ. ჩვენ ვერ განვსაზღვრავთ, რამდენად შეიძლება აღძრას ჩვენმა კარგმა მაგალითმა სხვები სამეფოს ცნობის მოსასმენად.
3. რა დადებითი გავლენის მოხდენა შეგვიძლია და-ძმებზე?
3 ჩვენი და-ძმები: აგრეთვე დაფიქრდი, რა დადებითი გავლენის მოხდენა შეგვიძლია და-ძმებზე. მსახურებაში ჩვენი გულმოდგინება გადამდებია. როგორც რკინა ილესება რკინით, ისე ჩვენმა კარგად მომზადებულმა შეთავაზებებმა შეიძლება აღძრას და-ძმები, დაიხვეწონ მსახურებაში (იგავ. 27:17). როდესაც მაუწყებლები დაინახავენ, რომ კარდაკარ ქადაგებისას ზუსტ ჩანაწერებს ვაკეთებთ და დროულად ვაკითხავთ ხალხს განმეორებით, ისინიც აღიძვრებიან, რომ მსგავსად მოიქცნენ. თუ ყოველმხრივ შევასრულებთ მსახურებას, ამით დადებითად ვიმოქმედებთ თანამორწმუნეებზე (2 ტიმ. 4:5).
4. რატომ უნდა დავფიქრდეთ დროდადრო, რა მაგალითს ვაძლევთ სხვებს?
4 კარგი იქნება, თუ დროდადრო დაფიქრდები, რა გავლენას ახდენ სხვებზე სიტყვებით, საქმითა და მაგალითით. იეჰოვას მოსწონს ჩვენი კარგი მაგალითი, ამიტომ ისეთივე გრძნობა გვეუფლება, როგორიც პავლე მოციქულს, რომელმაც თქვა: „მომბაძეთ მე, როგორც მე — ქრისტეს“ (1 კორ. 11:1).