მითითებები მათთვის, ვინც სამსახურებრივ შეხვედრაზე დავალებით გამოდის
„ჩვენი სამეფო მსახურების“ ამ ნომრიდან დაწყებული სამსახურებრივი შეხვედრის გეგმის ტერმინოლოგია გამარტივდება. ქვემოთ მოცემული მითითებები და შეხსენებები განაახლებს და ნათელს მოჰფენს იმას, რაც ეწერა 2009 წლის მაისის „ჩვენი სამეფო მსახურების“ სტატიაში „როგორ მოვემზადოთ სამსახურებრივი შეხვედრისთვის?“
◼ მოხსენება: ეს არის მითითებულ წყაროზე დაფუძნებული მოხსენება, რომელშიც აუდიტორია არ იღებს მონაწილეობას. მომხსენებელმა ყურადღება უნდა გაამახვილოს იმაზე, რაც ყველაზე მეტად იქნება დამხმარე კრებისთვის.
◼ კითხვა-პასუხები: პროგრამის ეს ნაწილი უნდა გაკეთდეს „საგუშაგო კოშკის“ შესწავლის მსგავსად ძალიან მოკლე შესავლითა და დასკვნით. ყველა აბზაცთან უნდა დაისვას კითხვები. ჩამტარებელი უნდა მოერიდოს ბევრი კომენტარის გაკეთებას. დრო რამდენის საშუალებასაც იძლევა, შეიძლება წაკითხულ იქნეს ძირითადი მუხლები. აბზაცები არ უნდა წაიკითხოთ, თუ კონკრეტული მითითება არ არის.
◼ განხილვა: ამ მოხსენებაში აუდიტორია ნაწილობრივ იღებს მონაწილეობას. ეს არც მთლად მოხსენებაა და არც კითხვა-პასუხები.
◼ ინსცენირებები და ინტერვიუები: ძმა, რომლის დავალებაშიც მითითებულია „ინსცენირება“, პასუხისმგებელია წარმოადგინოს ინსცენირება, მაგრამ აუცილებელი არ არის, თავად მიიღოს მონაწილეობა მასში. მაუწყებლები, ვისაც ის აირჩევს, უნარიანები და სამაგალითოები უნდა იყვნენ; ის შეძლებისდაგვარად დიდი ხნით ადრე უნდა შეუთანხმდეს მათ. კარგი იქნება, თუ ინსცენირების მომზადებას არ დაავალებთ ახალ და გამოუცდელ მაუწყებელს მხოლოდ იმ მიზნით, რომ სცენაზე გამოვიდეს, თუმცა შეიძლება მათი მობინადრის როლში გამოყვანა. ინსცენირების დროს მაუწყებლები სახით აუდიტორიისკენ უნდა იდგნენ. ინტერვიუს აღების დროს მაუწყებელი ადგილიდან კი არ უნდა პასუხობდეს კითხვებს, არამედ სცენაზე უნდა იყოს. აუცილებელია ინსცენირებებისა და ინტერვიუების რეპეტიციების გავლა. თუკი შეხვედრის დასრულების დრო დადგენილ დროს სცილდება და ძმამ უნდა შეამოკლოს თავისი დავალება, ის უნდა მოერიდოს დავალებიდან ინსცენირებების ან ინტერვიუების ამოღებას. მომსახურე ძმა წინასწარ უნდა შეუთანხმდეს უხუცესთა საბჭოს კოორდინატორს ან სხვა უხუცესს, სანამ აირჩევს მათ, ვინც მის დავალებაში წარმოდგენილ ინსცენირებებსა და ინტერვიუებში მიიღებს მონაწილეობას.
თუ რომელიმე დავალებას სპეციალური მითითებები ექნება, ისინი ზედმიწევნით უნდა შესრულდეს. სამსახურებრივი შეხვედრის ჩატარება ზემოთ მოხსენიებული მითითებების შესაბამისად ხელს შეუწყობს იმას, რომ „ყველაფერი წესიერად და ორგანიზებულად ხდებოდეს“ (1 კორ. 14:40).