„საოცარ ქმნილებებში ღვთის დიდება ვლინდება“

მრავალს სიამოვნებს შემოქმედებაზე დაკვირვება. მაგრამ ცოტა თუ ფიქრობს იმაზე, რომ ქმნილებები გვიმჟღავნებს ჩვენი დიდებული შემოქმედის ფიქრებსა და გრძნობებს (რომ. 1:20). საუკუნეებით ადრე დავითმა იეჰოვას შესახებ ბევრი რამ ისწავლა ღვთის შთაგონებული სიტყვიდან. ამასთანავე, ის აკვირდებოდა ღვთის შემოქმედებას და ეს უფრო აახლოებდა მასთან (ფსალმ. 8:3, 4). ვიდეოფილმი „საოცარ ქმნილებებში ღვთის დიდება ვლინდება“ დაგვეხმარება როგორც ჩვენ, ისე ჩვენს ბავშვებსა თუ ბიბლიის შემსწავლელებს, უკეთ დავაკვირდეთ იეჰოვას ზოგიერთ ქმნილებას და დავინახოთ ჩვენი დიდებული შემოქმედის თვისებები. ეს უფრო მეტად დაგვაახლოებს ღმერთთან. ფილმის ნახვის შემდეგ უპასუხე ქვემოთ მოცემულ კითხვებს.

1) როგორ გვიღრმავებს იეჰოვასადმი მადლიერებას სამყაროს მასშტაბები და იქ არსებული წესრიგი? (ეს. 40:26) 2) რას ვსწავლობთ ღვთის შესახებ წყალზე დაკვირვებით? (გამოცხ. 14:7) 3) რას გვამცნობს იეჰოვას სიბრძნის შესახებ დედამიწის ზომა და მისი მზისგან დაშორება? 4) რა დანიშნულება აქვს მთვარეს? (ფსალმ. 89:37) 5) როგორ შექმნა იეჰოვამ ადამიანი ისე, რომ დატკბეს სიცოცხლით? 6) რა არის დნმ? (ფსალმ. 139:16) 7) რით განსხვავდება ადამიანი იეჰოვას სხვა მიწიერი ქმნილებებისგან? (დაბ. 1:26) 8) რას ელი მოუთმენლად ახალ ქვეყნიერებაში?

დამატებითი მასალა. 9) რით არის განპირობებული ფერთა მრავალფეროვნება? 10) როგორ სძლევს წყალი გრავიტაციას და როგორ აღწევს ხის მწვერვალებს? 11) რა როლს ასრულებს წყალი ჩვენს ორგანიზმში? 12) როგორი ჰარმონიაა ცოცხალ ორგანიზმებს შორის? მოიყვანე მაგალითი. 13) საიდან იციან ქმნილებებმა, როგორ დაამყარონ ურთიერთშორის კავშირი? 14) რა არის „ოქროს კვეთა“ და როგორ ვლინდება ის ქმნილებებში?

დააკვირდით იეჰოვას ქმნილებებს. იესომ მოგვიწოდა: „დააკვირდით ცის ფრინველებს“ და „ისწავლეთ მინდვრის შროშანებისგან“ (მათ. 6:26, 28). თუ ასე მოვიქცევით, გავიღრმავებთ შემოქმედისადმი რწმენასა და ნდობას; ასევე უფრო მეტად დავაფასებთ იეჰოვას სიბრძნეს, ძალასა და სიყვარულს. ქვეყნიური საქმეებით გადამეტებულად დაკავების ნაცვლად, გამოყავი დრო და ძალისხმევა მოახმარე იეჰოვას ქმნილებებზე დაკვირვებას. დაფიქრდი, რას „გეუბნება“ ქმნილება ჩვენი ღვთის შესახებ (ფსალმ. 19:1).