წყაროები — „ჩვენი ქრისტიანული ცხოვრება და მსახურება“
7—13 აგვისტო
ღვთის სიტყვის საუნჯე | ეზეკიელი 28—31
იეჰოვამ დააჯილდოვა წარმართი ერი
it
ეგვიპტე, ეგვიპტელი
ერთ ბაბილონურ ტექსტში, რომელიც ნაბუქოდონოსორის მეფობის 37-ე წლით (ძვ. წ. 588) თარიღდება, მოხსენიებულია ეგვიპტეში ბაბილონელთა ლაშქრობა. დანამდვილებით შეუძლებელია იმის თქმა, ამაში ეგვიპტის დაპყრობა იგულისხმება თუ მოგვიანებით განხორციელებული საომარი ქმედება. როგორც უნდა ყოფილიყო, ნაბუქოდონოსორმა ეგვიპტის სიმდიდრე მიიღო გასამრჯელოდ, რადგან იეჰოვას განაჩენი აღასრულა ღვთის ხალხის მტერზე, ტვიროსზე (ეზეკ. 29:18—20; 30:10—12).
g86 11/8 27 ¶4, 5
უნდა გადავიხადოთ ყველა გადასახადი?
ამ კითხვაზე პასუხის მისაღებად განვიხილოთ, როგორ გადაუხადა შემოქმედმა გასამრჯელო მიწიერ ხელისუფალს გაწეული სამსახურისთვის. სამართლიანად განრისხებულმა იეჰოვამ გადაწყვიტა, გაენადგურებინა უძველესი ქალაქი ტვიროსი. მან ამ საქმის შესასრულებლად გამოიყენა ბაბილონის ძლევამოსილი ჯარი, რომელსაც სათავეში ნაბუქოდონოსორი ედგა. თუმცა ბაბილონს გამარჯვება ძვირად დაუჯდა. ამიტომ იეჰოვამ საჭიროდ ჩათვალა, რომ გაწეული სამსახურისთვის გასამრჯელო გადაეხადა. ეზეკიელის 29:18, 19-ში ჩაწერილია იეჰოვას სიტყვები: «კაცის ძეო, ბაბილონის მეფე ნაბუქოდონოსორმა დიდი საქმე შეასრულებინა თავის ჯარს ტვიროსის საუბედუროდ . . . მაგრამ არც მას და არც მის ჯარს გასამრჯელო არ მიუღია ტვიროსისგან იმ საქმისთვის, რომელიც მან მის საუბედუროდ შეასრულა. ამიტომ, აი რას ამბობს უზენაესი უფალი იეჰოვა: „აი, ბაბილონის მეფე ნაბუქოდონოსორს ვაძლევ ეგვიპტის მიწას, წაიღებს მის სიმდიდრეს, აიღებს დიდ ნადავლს და დაიტაცებს; ის იქნება მისი ჯარის გასამრჯელო“».
მათ, ვინც ბიბლიას იკვლევს, იციან, რომ ნაბუქოდონოსორი ქედმაღალი და ეგოისტი წარმართი მონარქი იყო. ბაბილონი და მისი ჯარი სასტიკად ეპყრობოდნენ ტყვეებს. იეჰოვა არ იწონებდა მათ საქციელს, მაგრამ მისთვის ვალი ვალი იყო, ამიტომ ბოლომდე გადაიხადა ის.
14—20 აგვისტო
ღვთის სიტყვის საუნჯე | ეზეკიელი 32—34
გუშაგს დიდი პასუხისმგებლობა აკისრია
w88 1/1 28 ¶13
კვლავაც იქადაგეთ სამეფოს შესახებ
ნუ დაგედებათ სხვისი სისხლი
13 იეჰოვას მიძღვნილი მსახურების პასუხისმგებლობა, რომ ხალხი გააფრთხილონ ღვთის მოახლოებული სასამართლო დღის შესახებ, შეიძლება შევადაროთ ეზეკიელის პასუხისმგებლობას. ღმერთმა ის ისრაელის სახლის გუშაგად დააყენა. მას უნდა გაეფრთხილებინა ისრაელები იმ განადგურების შესახებ, რომელსაც თავს ვერ დააღწევდნენ, თუ თავიანთ ბოროტ გზებს არ მიატოვებდნენ. თუ ეზეკიელი არ გააკეთებდა ამას, ბოროტები მაინც განადგურდებოდნენ, მათ სისხლს კი ღმერთი მას მოჰკითხავდა დაუდევრობის გამო. შემდეგი სიტყვებიდან ჩანს, თუ როგორ უყურებს იეჰოვა განაჩენის აღსრულებას: „ბოროტის სიკვდილი კი არ მახარებს, არამედ ის, რომ მობრუნდეს ბოროტი თავისი გზიდან და იცოცხლოს. მობრუნდით, მობრუნდით, თქვენი ბოროტი გზებიდან! რატომ უნდა დაიღუპო, ისრაელის სახლო?!“ (ეზეკ. 33:1—11).
გამოიკვლიე ღვთის სიტყვის სიღრმეები
w91 3/15 17 ¶16, 17
ფეხდაფეხ მიჰყევით იეჰოვას ზეციერ ეტლს
გულს ნუ გაგიტეხთ გულგრილობა
16 ეზეკიელმა შესანიშნავი მაგალითი დაგვიტოვა, რადგან ღმერთს დაემორჩილა და გულგრილობასა და დაცინვას გულის გატეხის საშუალება არ მისცა. მსგავსად, თუ არ შევწყვეტთ სუფთა ენის სწავლას, დიდებული მეეტლის ხელმძღვანელობას მივყვებით. ჩვენ მზად ვიქნებით, გამოვეხმაუროთ მის მითითებებს და მტკიცედ შევხვდებით იმ ადამიანებისგან გულგრილობასა და დაცინვას, რომელთაც იეჰოვას განაჩენს ვუცხადებთ. როგორც ეზეკიელის შემთხვევაში იყო, ღმერთი ჩვენც გვაფრთხილებს, რომ ზოგიერთები წინააღმდეგობას გაგვიწევენ, რადგან „შუბლმაგარნი და გულქვანი არიან“. ზოგი კი იმიტომ არ მოგვისმენს, რომ იეჰოვას მოსმენა არ სურს (ეზეკ. 3:7—9). როგორც ეზეკიელის 33:31, 32-დან ჩანს, ზოგი ითვალთმაქცებდა: „მოვლენ ისინი შენთან, როგორც მოდის ხალხი, და დასხდებიან შენ წინ, როგორც ჩემი ხალხი; მოისმენენ შენს სიტყვებს, მაგრამ არ შეასრულებენ, რადგან პირით ვნებიან სურვილებს გამოთქვამენ და გული უკანონო შემოსავლისკენ მიუწევთ. აი, მათთვის სატრფიალო სიმღერების მომღერალივით ხარ, ლამაზხმიანი მომღერალივით და სიმებიან საკრავზე კარგად დამკვრელივით. მოისმენენ შენს სიტყვებს, მაგრამ არ შეასრულებენ“.
17 როგორი იქნება შედეგი? პასუხს 33-ე მუხლიდან ვიგებთ: „როცა ეს შესრულდება, და ნამდვილად შესრულდება, გაიგებენ, რომ წინასწარმეტყველი იყო მათ შორის“. ამ სიტყვებიდან ჩანს, რომ ეზეკიელმა არ შეწყვიტა ქადაგება, თუმცა ხალხი არ უსმენდა. სხვების გულგრილობამ მას ხალისი ვერ დააკარგვინა. მიუხედავად იმისა, უსმენდა თუ არა ხალხი, ის ემორჩილებოდა ღმერთს და ასრულებდა თავის დავალებას.
21—27 აგვისტო
გამოიკვლიე ღვთის სიტყვის სიღრმეები
w88 9/15 24 ¶11
„გაიგებენ, რომ მე ვარ იეჰოვა“
11 სამშობლოში ისრაელთა მცირე ნაწილის დაბრუნების შემდეგ გაპარტახებული მიწა „ედემის ბაღს“ დაემსგავსა (წაიკითხეთ ეზეკიელის 36:33—36). მსგავსად, 1919 წლიდან იეჰოვას დახმარებით დედამიწაზე დარჩენილი ცხებულების ერთ დროს გაპარტახებული სულიერი სამკვიდრო სულიერ სამოთხედ იქცა, სადაც მათთან ერთად დღეს „უამრავი ხალხიც“ არის. დაე თითოეულმა ქრისტიანმა ხელი შეუწყოს სულიერი სამოთხის სიწმინდეს, სადაც მხოლოდ წმინდა ხალხი მკვიდრობს (ეზეკიელი 36:37, 38).
28 აგვისტო — 3 სექტემბერი
გამოიკვლიე ღვთის სიტყვის სიღრმეები
w89 8/15 14 ¶20
სამოთხეში დასაბრუნებელი გზა
20 რის თქმა შეიძლება არმაგედონის შემდეგ დარჩენილ საომარ ტექნიკაზე? თუ მხედველობაში მივიღებთ იმას, რომ წინასწარმეტყველებაში ამ იარაღის გასანადგურებლად დროის სიმბოლური ხანგრძლივობაა მითითებული, შეგვიძლია დავასკვნათ, რომ არმაგედონის შემდეგ დიდი რაოდენობით საომარი ტექნიკა დარჩება (ეზეკიელი 39:8—10). არმაგედონგადატანილებმა შეიძლება საომარი იარაღის ნაწილები ღირებული მიზნებისთვის გამოიყენონ (ესაია 2:2—4).