წყაროები — „ჩვენი ქრისტიანული ცხოვრება და მსახურება“ — საგუშაგო კოშკის ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ

წყაროები — „ჩვენი ქრისტიანული ცხოვრება და მსახურება“

12—18 ივნისი

ღვთის სიტყვის საუნჯე | 2 მატიანე 32, 33

გაამხნევე და-ძმები განსაცდელების დროს

it „ასურეთი“

სინახერიბი. სარგონ II-ის შვილმა, სინახერიბმა, ხიზკიას მეფობის მე-14 წელს იუდაზე იერიში მიიტანა (ძვ. წ. 732) (2მფ. 18:13; ეს. 36:1). ხიზკია აუჯანყდა ასურეთის მეფეს, რათა გადაეგდო მათი უღელი, რომელიც იუდას მამამისმა, ახაზმა, დაადგა (2მფ. 18:7). სინახერიბი შეიჭრა იუდაში და, ცნობების თანახმად, 46 ქალაქი დაიპყრო (შდრ. ეს. 36:1, 2). ლაქიშში დაბანაკებულმა სინახერიბმა ხიზკიას 30 ოქროს ტალანტი (დაახლ. $11 560 000) და 300 ვერცხლის ტალანტი (დაახლ. $1 982 000) დააკისრა (2მფ. 18:14—16; 2მტ. 32:1; შდრ. ეს. 8:5—8). მიუხედავად იმისა, რომ ხიზკიამ ხარკი გადაუხადა, სინახერიბმა იერუსალიმში თავისი წარმომადგენელი გაგზავნა და ქალაქის დანებება მოითხოვა (2მფ. 18:17—19:34; 2მტ. 32:2—20). მტრის ბანაკში იეჰოვამ ერთ ღამეში 185 000 მეომარი გაანადგურა, რის გამოც ამპარტავანი ასურელები იძულებულები გახდნენ, უკან დაეხიათ და ნინევეში დაბრუნებულიყვნენ (2მფ. 19:35, 36). მოგვიანებით სინახერიბი მისმა ორმა ვაჟმა მოკლა; სამეფო ტახტი კი სხვა ვაჟმა, ასარხადონმა დაიკავა (2მფ. 19:37; 2მტ. 32:21, 22; ეს. 37:36—38). ეს მოვლენები, ასურელთა ჯარის სასწაულებრივი განადგურების გარდა, სინახერიბისა და ასარხადონის პრიზმებზეცაა აღწერილი (PICTURES, ტ. 1, გვ. 957).