გადაიმეორეთ მთავარი აზრები

ზოგჯერ ხომ არ გიჭირთ წაკითხულის დამახსოვრება? ასეთი რამ დროდადრო ყველას გვემართება. რისი გაკეთება შეგვიძლია, რომ გავუმჯობესდეთ ამ მხრივ? მოკლედ თუ ვიტყვით, უნდა გადავიმეოროთ მთავარი აზრები.

შესწავლის დროს შიგადაშიგ გაჩერდით, რომ დაინახოთ, რა არის მთავარი აზრი. ამ მხრივ კარგი მაგალითი მოგვცა მოციქულმა პავლემ. მსმენელისთვის ნათქვამის გაგება რომ გაეადვილებინა და აზრების ერთმანეთთან დაკავშირებაში დახმარებოდა, მან შეაჯამა, რაც იქამდე ჰქონდა ნათქვამი და გამოკვეთა, რა იყო მთავარი აზრი (ებრ. 8:1).

შეგიძლიათ შესწავლის დროს თქვენც გამოუყოთ გარკვეული დრო, მაგალითად, 10 წუთი, მთავარ აზრებზე დაფიქრებას. თუ გიჭირთ მათი გახსენება, თვალი გადაავლეთ ქვესათაურებსა და საკვანძო აზრებს, რომლებიც ხშირად აბზაცის დასაწყისშია მოცემული. გარდა ამისა, თუ რაიმე აზრი თქვენთვის ახალი იქნება, ეცადეთ, ის თქვენი სიტყვებით ახსნათ. მთავარი აზრების გამეორება მხოლოდ მასალის დამახსოვრებას კი არა, იმასაც გაგიადვილებთ, რომ ნასწავლი თქვენს თავს დაუკავშიროთ.