გამოჯანმრთელება შესაძლებელია

„ვდგავართ არჩევნის წინაშე: აღარ დავლიოთ და გამოვჯანმრთელდეთ, ან დავლიოთ და მოვკვდეთ“ (გამოჯანმრთელების ფაზაში მყოფი ალკოჰოლიკი).

წარმოიდგინე, ღამით უეცრად გაგეღვიძა და დაინახე, რომ სახლში ხანძარია. რამდენიმე წუთში მოგეშველნენ კიდეც და ხანძარი, როგორც იქნა, ჩაქრა. მაგრამ, ნუთუ ყოველივე მომხდარის შემდეგ მშვიდად შეხვიდოდი ოთახში და თავს ისე მოაჩვენებდი გარშემო მყოფთ, თითქოს არაფერიც არ მომხდარა? სრულიადაც არა. სახლი განადგურებულია და ნორმალური ცხოვრების განახლებამდე აუცილებელია მისი შეკეთება.

მსგავსი პრობლემების წინაშეა ალკოჰოლიკი, როდესაც იწყებს გამოჯანმრთელებას. მისი ცხოვრება განადგურებულია ალკოჰოლით, შესაძლოა, ეს პროცესი მრავალი წელი მიმდინარეობდა. ახლა კი თავს იკავებს. ხანძარი ჩაქრა, მაგრამ პოზიციის, ცხოვრების წესისა და საქციელის მნიშვნელოვნად განახლება უაღრესად აუცილებელია, თუ ალკოჰოლიკი თავს იკავებს სმისგან. ყოველთვის რომ სიმტკიცე შეინარჩუნოს, ალკოჰოლიკს დაეხმარება შემდეგი რჩევები.

1. გაიგე, თუ ვინ არის მტერი

ბიბლიაში ნათქვამია, რომ ხორციელი გულისთქმები ‘სულის წინააღმდეგ იბრძვიან’ (1 პეტრე 2:11). ბერძნული სიტყვა, რომელიც გადმოთარგმნილია სიტყვით ‘ბრძოლა’, სიტყვასიტყვით ნიშნავს „სამხედრო სამსახურის გაწევას“ და გამანადგურებელი ბრძოლის აზრსაც შეიცავს (შეადარე რომაელთა 7:23–25).

სწორედ ისევე, როგორც კარგი ჯარისკაცი გამოყოფს დროს მტრის მეთოდების შესასწავლად, ალკოჰოლიკმაც უნდა ისწავლოს ალკოჰოლიზმის არსი და ისიც, თუ როგორ ანადგურებს თვითონ ალკოჰოლიკს და მის ახლობლებსa (ებრაელთა 5:14).

2. შეიცვალე აზროვნება და თავი შეიკავე სმისგან

„სიმტკიცე ნიშნავს ბოთლისა და ბავშვურობისგან გათავისუფლებას“ — ამბობს ექიმი. სხვა სიტყვებით რომ ვთქვათ, მხოლოდ სმის მოთხოვნილებაზე კი არ უნდა შეიკავო თავი; აუცილებელია შინაგანი პიროვნების შეცვლაც.

ბიბლია ბრძნულ გაფრთხილებას იძლევა: „შეიცვალენით თქვენი გონების განახლებით“ (რომაელთა 12:2). ‘შემოიძარცვეთ ძველი ადამიანი მისი საქმეებითურთ’ (კოლასელთა 3:9). თუ იცვლება საქმეები, მაგრამ პიროვნება იგივე რჩება, ალკოჰოლიკი ან სხვა მავნე ჩვეულებას იძენს, ან ისევ ძველს უბრუნდება.

3. შეიძინე გაგებული მეგობარი

ბიბლიაში მოცემულ იგავნში ნათქვამია: „თავკერძა კაცი თავის გულისთქმას არის აყოლილი და ყოველგვარი სიბრძნის წინააღმდეგ ჯანყდება“ (იგავნი 18:1). სიმტკიცის მიუხედავად, ალკოჰოლიკი მაინც თავის დაძვრენისკენ არის მიდრეკილი. ამიტომ მას ესაჭიროება გაგებული, მაგრამ მკაცრი მეგობარი (ხშირად სპონსორად წოდებული). ალკოჰოლიკზე კარგად მოქმედებს ის ფაქტი, თუ მეგობარი თავად განკურნებულა ალკოჰოლიზმისგან და წარმატებით გადაულახავს პრობლემები და შეუნარჩუნებია სიმტკიცე (შეადარე იგავნი 27:17). ასეთმა მეგობარმა პატივი უნდა სცეს ალკოჰოლიკის რელიგიურ რწმენას, უნდა იყოს თავდადებული და ყოველთვის მხარში ედგეს (იგავნი 17:17).

4. მოითმინე

განკურნება თანდათან ხდება. ალკოჰოლიკისთვის საჭიროა დრო, რომ აღიდგინოს ნორმალური ცხოვრება. შესაძლოა იყოს ფინანსებთან დაკავშირებული პრობლემები, დაძაბულობა სამუშაოზე, ქაოსი ოჯახში. ალკოჰოლისგან გათავისუფლება არ ნიშნავს პრობლემების მოცილებას. განკურნებული ალკოჰოლიკი პირველად, შესაძლოა, შეშფოთებულია, როდესაც ცხოვრების პირისპირ „პრობლემების გადამჭრელი“ ქიმიური საშუალების გარეშე დგება. როდესაც ასეთი შეშფოთების გადალახვა შეუძლებელი ეჩვენება, განკურნების ფაზაში მყოფმა ალკოჰოლიკმა უნდა გაიხსენოს ფსალმუნმომღერლის მანუგეშებელი სიტყვები: „მიანდე უფალს შენი საზრუნავი და ის შეგეხიდება, იგი არასოდეს არ დაუშვებს წმიდანის წაბორძიკებას“ (ფსალმუნი 54:23).

5. შეიძინე კარგი ამხანაგები

ალკოჰოლიკმა გულწრფელად უნდა დაუსვას საკუთარ თავს კითხვა: „მხარს მიჭერენ თუ არა ამხანაგები სიმტკიცის შენარჩუნებაში, თუ განუწყვეტლივ მესაუბრებიან ძველ ‘დროს ტარებაზე’, რითაც მაგრძნობინებენ, რომ რაღაც მაკლია?“ იგავნის 18:24-ში ნათქვამია: „ბევრი მეგობრის ყოლა [‘ზოგი მეგობარი’, აქ] დამღუპველია, ზოგი მეგობარი კი ძმაზე მოყვარულია“. საჭიროა დაინახო, თუ ვინ არის ნამდვილი მეგობარი და ვინ დამღუპველი.

6. მოერიდე ზედმეტ თავდაჯერებულობას

„თავს დიდებულად ვგრძნობ — სასმელზე პირის დაკარების სურვილიც არა მაქვს!“ ალკოჰოლიკი, რომელიც მსგავს სიტყვებს ამბობს, გადაჭარბებულად აფასებს საკუთარ პროგრესს და ალკოჰოლიზმის შესახებ თვალსაზრისს არასწორად აფასებს. თავდაპირველი განკურნების სიხარული, რომელსაც ვარდისფერ ღრუბლებს უწოდებენ, დროებითია. «იბრძოლე გაწონასწორებული პერსპექტივისთვის — იძლევა რჩევას წიგნი „მხოლოდ ნება-სურვილი არ კმარა“. — მის გარეშე თავს დაცემისთვის სწირავ და ეს ღრუბლებისგან ძალიან დაშორებულია» (შეადარე იგავნი 16:18).

7. მოერიდე, რომ ალკოჰოლი არ შეცვალო სხვა დამღუპველი ჩვევებით

ბევრი თავს ანებებს სმას, მაგრამ უვითარდებათ ჭამასთან დაკავშირებული დარღვევები ან ემართებათ მუშაობის მანია, იტაცებს აზარტული თამაშები და ასე შემდეგ. ‘რა არის ამაში ცუდი? სხვა თუ არაფერი, აღარა ვსვამ’ — შესაძლოა, ფიქრობს გამოჯანმრთელების ფაზაში მყოფი ალკოჰოლიკი. მართალია, ზოგი ფიზიკური დატვირთვა ჯანმრთელობისთვის სასარგებლოა. მაგრამ, როდესაც ნივთიერება ან მოქმედება გამოყენებულია გრძნობების გასაყუჩებლად, შედეგი მოჩვენებითია., უსაფრთხოების გრძნობაც დროებითი.

8. ოჯახში ახალ როლთან შეგუება

ბევრი ალკოჰოლიკი თავად უშლის ხელს განკურნებას მაშინ, როდესაც ყველაფერი კარგად მიდის! რატომ? უბრალოდ იმიტომ, რომ სიმტკიცე მისთვის სიახლეა. მას, შესაძლოა, იზიდავს მისთვის ჩვეული ცხოვრების წესი. ამასთანავე, როდესაც არის ფხიზელი, ძრწოლაში ჰყავს ოჯახი. მაშასადამე, ოჯახის ყოველმა წევრმა უნდა შეცვალოს საკუთარი როლი. „ოჯახური სცენის ხელწერა უნდა აღმოიფხვრას და მის ნაცვლად, სხვა უნდა შეიქმნას“ — აღნიშნავს ბუკლეტი „განკურნება მთელი ოჯახისთვის“. საფუძვლიანად ეწოდა განკურნებას ოჯახის საქმე (შეადარე 1 კორინთელთა 12:26).

9. გაფრთხილდი, რომ კვლავ არ ჩავარდე იმავე მდგომარეობაში

ზედმეტი თავდაჯერებულობა, არაჯანსაღი წრე, სხვა ცუდი ჩვევებით გატაცება და ხშირი განმარტოება შესაძლოა ხელშემწყობი ფაქტორები აღმოჩნდეს კვლავ დასაავადებლად. შეინარჩუნე გულღია ურთიერთობა მეგობართან ისე, რომ მსგავს მიდრეკილებებს გასაქანი არ მისცე.

ერთმა განკურნებულმა ალკოჰოლიკმა თქვა: „ყველა ალკოჰოლიკი თავს ანებებს სმას. ზოგ ჩვენგანს ბედი უღიმის და თავს მაშინ ანებებს, როცა ცოცხალია“.

[სქოლიოები]

[ჩარჩო 7 გვერდზე]

თუ მედიკამენტები უაღრესად აუცილებელია

ნებისმიერი მედიკამენტი, რომელიც შეიცავს ალკოჰოლს, კვლავ გაუღვიძებს დაუცხრომელ სურვილს და ყველაფერი შეიძლება თავიდან დაიწყოს.

დოქტორი ჯეიმს უ. სმიტი წერს: „უჩვეულო არ არის ალკოჰოლიკი პაციენტისთვის, რომ წლების მანძილზე ნორმალური ცხოვრების შემდეგ ყველაფერი თავიდან დაიწყოს იმ შემთხვევაში, თუ თვითნებურად მიიღებს ისეთ მედიკამენტებს, რომლებიც შეიცავენ ალკოჰოლს, მაგალითად, ხველების წამალს“. ალკოჰოლიკისთვის სახიფათოა ყველა დამაწყნარებელი საშუალება. თუ დამაწყნარებელი საშუალება უკიდურესად აუცილებელია, მაშინ ალკოჰოლიკმა. . .

1. რჩევები უნდა მიიღოს ფარმაცევტისგან საშიშროების პოტენციალის განსაზღვრის მიზნით.

2. შეატყობინოს სანდო პირს და, თუ შესაძლებელი იქნება, ყოველთვის დაისწროს ყოველი დოზის მიღებისას.

3. ყოველთვის შეინახოს ყოველდღიურად მიღებული დოზის ჩანაწერი.

4. შეაჩეროს მედიკამენტის მიღება რაც შეიძლება მალე.

5. თავიდან მოიცილოს გამოუყენებელი მედიკამენტი, როდესაც ექიმის მიერ დანიშნული კურსი დამთავრდება.