ადონირამი

[(ჩემი) უფალი მაღალია]

მთავარი; უნარიანი მმართველი; აბდას ვაჟი; დავითის, სოლომონისა და რობოამის მმართველობის დროს ის სავალდებულო სამუშაოთა შემსრულებლების ზედამხედველი იყო და მნიშვნელოვანი წვლილი შეიტანა სოლომონის არაერთ სამშენებლო პროექტში. მას შემდეგ, რაც ძვ. წ. 997 წელს შექემში ათი ტომი განუდგა რობოამს მის მიერ გაცემული მკაცრი განკარგულებების გამო, მეფემ ადონირამი, სავალდებულო სამუშაოთა ზედამხედველი, გაგზავნა ხალხთან, მათ კი „ჩაქოლეს ის, და მოკვდა იგი“ (2მტ. 10:18). ბიბლიაში ის მოხსენიებულია როგორც ადონირამი (1მფ. 4:6; 5:14), ადორამი (2სმ. 20:24; 1მფ. 12:18) და ჰადორამი (2მტ. 10:18).