ადრიელი

ბარზილაის ვაჟი ქალაქ აბელ-მეჰოლიდან.

ადრიელს საულის უფროსი ქალიშვილი მერაბი მიათხოვეს მიუხედავად იმისა, რომ დაპირებისამებრ ის დავითისთვის უნდა მიეთხოვებინათ (1სმ. 18:17—19). მოგვიანებით ადრიელის ხუთივე ვაჟი მოსაკლავად გადასცეს გაბაონელებს, რათა ნაწილობრივ მაინც გამოსყიდულიყო საულის დანაშაული, რომელიც გაბაონელების განადგურების მცდელობისთვის დაეკისრა მის სახლეულობას (2სმ. 21:8, 9). ბიბლიის ამ მონაკვეთში მიქალი და არა მერაბი მოიხსენიება ადრიელის ხუთი ვაჟის დედად. ვინაიდან მიქალი უშვილოდ მოკვდა (2სმ. 6:23) და არსად არ არის მოხსენიებული ადრიელის ცოლად, ზოგი მთარგმნელი მიიჩნევს, რომ ტექსტში მისი სახელი გადამწერმა შეცდომით ჩაამატა. მიუხედავად ამისა, თითქმის ყველა ებრაულ ხელნაწერში ამ ადგილას მიქალის სახელი არის მოხსენიებული. ჩვეულებრივ, ამას იმით ხსნიან, რომ მიქალის უფროსი და, მერაბი, მალევე მოკვდა მას შემდეგ, რაც ადრიელს ხუთი ვაჟი გაუჩინა, მიქალმა კი საკუთარ თავზე აიღო დის ხუთივე შვილის აღზრდა, რის გამოც მათ მის ვაჟებად მოიხსენიებენ. ლიზერის თარგმანში 2 სამუელის 21:8 შემდეგნაირად ჟღერს: „და საულის ასულის, მიქალის ხუთი ვაჟი, რომლებიც მან ადრიელისთვის გაზარდა“.