ასრიელი

მენაშეს შთამომავალი, რომელიც ასრიელთა საგვარეულოს მამამთავარი გახდა. რიცხვების 26:29—31-ის თანახმად, ის იყო მენაშეს შვილთაშვილი მაქირისა და მისი ვაჟის, გალაადის ხაზით. 1 მატიანის 7:14-ში ასრიელი მოხსენიებულია მენაშეს ვაჟად, რომელიც მას სირიელმა ხარჭამ გაუჩინა, თუმცა იმავე მუხლში ფრჩხილებში მოცემულია ფრაზა: „მასვე შეეძინა მაქირი, გალაადის მამა“. ასე რომ, როგორც ეს ბიბლიურ გენეალოგიებს ახასიათებს, ასრიელი, შესაძლოა, იმ გაგებით მოიხსენიება მენაშეს ვაჟად, რომ მისი ერთ-ერთი შთამომავალია (მაქირის ხაზით, რომელიც მენაშეს თავისი სირიელი ხარჭისგან ეყოლა). თუმცა გამორიცხული არ არის, რომ მენაშეს ჰყავდა ვაჟიც და შვილთაშვილიც, რომელთაც ასრიელი ერქვათ. ასრიელის ვაჟები მენაშეს იმ შთამომავლებს შორის იყვნენ, რომლებსაც იესო ნავეს ძემ აღთქმულ მიწაზე სამკვიდრო მისცა (იეს. 17:1—4).