ბედანი

1. ბედანი გედეონთან (იერუბაალი), იფთახსა და სამუელთან ერთად მოიხსენიება მტრების ხელიდან ისრაელის დამხსნელად (1სმ. 12:11). მაგრამ ის მეტად აღარ გვხვდება არც ბიბლიაში და არც სხვა ისტორიულ წყაროებში. ბიბლეისტებმა კ. კაილმა და ფ. დელიჩმა ამ მუხლის შესახებ აღნიშნეს: «წარმოუდგენელია, სამუელს აქ ისეთი მსაჯული მოეხსენიებინა, რომელზეც წიგნი „მსაჯულები“ არაფერს ამბობს იმ მიზეზით, რომ ის შედარებით უმნიშვნელო იყო» (Commentary on the Old Testament, 1973, ტ. II, 1 სამუელი, გვ. 118).

ზოგის აზრით, ბედანი იგივე ბარაკია. 1 სამუელის 12:11-ის კონტექსტი მიანიშნებს დიდებულ მხსნელზე. იქვე მოხსენიებულია სისერას მიერ ისრაელის ჩაგვრა და ამ ჩაგვრისგან ხსნა, რაც იეჰოვამ ბარაკის ხელით მოუტანა მათ. ებრაელების 11:32-ში ბარაკი გედეონისა და იფთახის გვერდით არის მოხსენიებული. სეპტუაგინტასა და ფეშიტაში 1 სამუელის 12:11-ში ბარაკი წერია. ზოგი ბედანს მსაჯულ აბდონთან აიგივებს (იხ. ბარაკი).

2. მენაშეს შთამომავალი (1მტ. 7:17).