ბერექია

[კურთხეული იეჰოვასგან].

1. შიმეას ვაჟი; ლევის შთამომავალი გერშომის ხაზით; ბერექიას ვაჟი ასაფი მეფე დავითმა მგალობელთა ზედამხედველად დანიშნა. მისგან წამოვიდა ტაძრის მგალობელთა არაერთი თაობა. ის შესაძლოა არის იგივე №2 (1მტ. 6:39; 15:17; 25:1—9; ეზრ. 2:41; ნემ. 7:44).

2. ერთ-ერთი ოთხი ლევიანი კარიბჭის მცველიდან დავითის მეფობის დროს; ის შესაძლოა არის იგივე №1 (1მტ. 15:23, 24).

3. მეშილემოთის ვაჟი (2მტ. 28:12); იუდას მეფე ახაზის მმართველობის დროს სამხრეთ სამეფოს საშინელი დარტყმა მიაყენა ჩრდილოეთმა სამეფომ. როცა 200 000 ტყვე მიიყვანეს სამარიაში, ბერექიამ და სხვა სამმა ეფრემელმა თავკაცმა დაუყოვნებლივ იმოქმედეს იეჰოვას წინასწარმეტყველი ოდედის რჩევის მიხედვით. მათ არ მისცეს გამარჯვებულებს თავიანთი ძმების დამონების უფლება. ამასთან, მათ ჩააცვეს ტყვეებს, აჭამეს და შინ დაბრუნებაშიც დაეხმარნენ (2მტ. 28:6—15).

4. დავითის შთამომავალი სოლომონის ხაზით (1მტ. 3:1, 10, 20).

5. ლევიანი, რომელიც ბაბილონში გადასახლების შემდეგ ცხოვრობდა. ასას ვაჟი (1მტ. 9:16).

6. მეშეზაბელის ვაჟი; ბერექიას ვაჟი მეშულამი ნეემიას დროს იერუსალიმის გალავნის აღდგენაზე მუშაობდა. მისი შვილიშვილი ცოლად გაჰყვა ტობიას ვაჟს (ნემ. 3:4 30; 6:17, 18).

7. წინასწარმეტყველი იდოს ვაჟი და წინასწარმეტყველი ზაქარიას მამა (ზქ. 1:1, 7).