აბაკუმი

[მხურვალე ჩახუტება]

ებრაელი წინასწარმეტყველი იუდადან; დაწერა ბიბლიის წიგნი, რომელსაც მისი სახელი ეწოდება (აბკ. 1:1; 3:1). წიგნის ბოლოში გაკეთებული შენიშვნიდან („ხელმძღვანელს. ჩემი სიმებიანი საკრავების თანხლებით“) და მე-3 თავში ჩაწერილი სამგლოვიარო სიმღერიდან ზოგმა დაასკვნა, რომ აბაკუმი ტაძარში მომსახურე ლევიანი მუსიკოსი იყო. თუმცა ეს შენიშვნა არ ადასტურებს ამას, რადგან სამგლოვიარო სიმღერებს ლევიანების გარდა სხვებიც ასრულებდნენ (2სმ. 1:17, 18). აბაკუმის შესახებ არაერთი გადმოცემა არსებობს, მაგრამ სანდო არც ერთი არ არის. ბიბლიაში არაფერია ნათქვამი წინასწარმეტყველის მშობლებზე, ტომზე, ოჯახურ მდგომარეობასა და სიკვდილზე. წიგნის შინაარსი გვავარაუდებინებს, რომ ის იეჰოიაკიმის მეფობის ადრეულ წლებში წინასწარმეტყველებდა, სავარაუდოდ ნაბუქოდონოსორის მიერ ძვ. წ. 625 წელს ქარხემიშთან ეგვიპტის ჯარის დამარცხებამდე.