იახაზიელი

[ღმერთმა იხილოს, ღმერთმა იხილა].

1. ლევისტომელი, კეჰათელი ხებრონის მესამე ვაჟი ჩამონათვალის მიხედვით (1მტ. 23:6, 12, 19; 24:23).

2. ძლიერ ვაჟკაცთაგან ერთ-ერთი, რომელიც დავითს შეუერთდა ციკლაგში (1მტ. 12:1, 4).

3. ერთ-ერთი მღვდელი, რომელიც შეთანხმების კიდობნის წინაშე იდგა საყვირით მას შემდეგ, რაც დავითმა კიდობანი იერუსალიმში გადაიტანა (1მტ. 16:1, 6).

4. ლევიანი, რომელზეც იეჰოვას სული გადავიდა მტრის ჯარის რაოდენობით შეძრწუნებული მეფე იეჰოშაფატისა და კრებულის გასამხნევებლად. ის აცხადებდა: «აი რას გეუბნებათ იეჰოვა: „ნუ შეგაშინებთ და ნუ შეგაძრწუნებთ ეს დიდი ბრბო, რადგან თქვენი კი არა, ღვთისაა ბრძოლა ... ამჯერად თქვენ არ მოგიწევთ ბრძოლა. დადექით, იდექით და იხილეთ, როგორ გიხსნით იეჰოვა!“» (2მტ. 20:14—17). იახაზიელი ასაფის შთამომავალ ზაქარიას ძე იყო ლევის ვაჟის, გერშომის (გერშონი [დბ. 46:11]) ხაზიდან, ამიტომ სამღვდელო შტოს არ მიეკუთვნებოდა (1მტ. 6:39—43).

5. შექანიას მამა; შექანია ერთ-ერთი მათგანი იყო, ვინც ძვ. წ. 468 წელს ეზრასთან ერთად დაბრუნდა იერუსალიმში (ეზრ. 8:1, 5).