მაასეია

[იეჰოვას საქმე].

1. ლევიანი მუსიკოსთა მეორე ჯგუფიდან, რომელიც სიმებიან საკრავზე უკრავდა მაშინ, როცა დავითს იეჰოვას შეთანხმების კიდობანი ობედ-ედომის სახლიდან იერუსალიმში გადმოჰქონდა (1მტ. 15:17—20, 25).

2. ერთ-ერთი იმ ასისთავთაგან, რომელთაც შეთანხმება დადეს მღვდელმთავარ იეჰოიადასთან. მათ სურდათ, რომ ათალიას ნაცვლად, რომელმაც უკანონოდ ჩაიგდო ხელში ძალაუფლება, ტახტზე კანონიერი მემკვიდრე, იეჰოაში აეყვანათ (2მტ. 23:1).

3. ზედამხედველი, რომელიც მეფე უზიას ერთ-ერთ მთავარს, ხანანიას, ემორჩილებოდა. როგორც ჩანს, ის გარკვეულ მონაწილეობას იღებდა უზიას ჯარის აღრიცხვაში (2მტ. 26:11).

4. „უფლისწული“ (იუდეველთა მეფე ახაზის ან სამეფო კარის დიდგვაროვანი მოხელის შთამომავალი), რომელიც ეფრემელმა ზიქრიმ მოკლა მაშინ, როცა იუდაში ისრაელის მეფე ფეკახი შეიჭრა (2მტ. 28:1, 6, 7).

5. ქალაქ იერუსალიმის მთავარი, რომელიც მეფე იოშიამ იეჰოვას სახლის შესაკეთებლად გაგზავნა (2მტ. 34:8).

6. მღვდელი; იერემიას თანამედროვე ცეფანიას მამა (იერ. 21:1; 29:25; 37:3).

7. იერემიას თანამედროვე ცრუწინასწარმეტყველის, ციდკიას, მამა (იერ. 29:21).

8. კარის მცველ შალუმის ძე; როგორც ჩანს, ლევიანი. ტაძრის ერთ-ერთი სასადილო ოთახი მისი სახელით იწოდებოდა (იერ. 35:4).

9. მღვდლის ძე იეშუას სახლეულობიდან, რომელმაც ეზრას დროს უცხოელი ცოლი გაუშვა (ეზრ. 10:18, 19, 44).

10. ხარიმის ძე; მღვდელი, რომელმაც ეზრას დროს უცხოელი ცოლი გაუშვა (ეზრ. 10:21, 44).

11. ფაშხურის ძე; მღვდელი, რომელმაც უცხოელი ცოლი გაუშვა (ეზრ. 10:22, 44).

12. ფახათ-მოაბის ძე; ისრაელი, რომელმაც უცხოელი ცოლი გაუშვა (ეზრ. 10:25, 30, 44).

13. მამა ან წინაპარი ვინმე აზარიასი, რომელიც მონაწილეობას იღებდა იერუსალიმის გალავნის აღდგენაში. ამ საქმეს ნეემია ხელმძღვანელობდა (ნემ. 3:23).

14. მამაკაცი, რომელიც ეზრას მარჯვნივ იდგა, როცა იგი იერუსალიმში შეკრებილ ისრაელებს კანონს უკითხავდა (ნემ. 8:2, 4).

15. ლევიანი, რომელიც მღვდელ ეზრას იერუსალიმში შეკრებილი ისრაელებისთვის კანონის ახსნა-განმარტებაში ეხმარებოდა (ნემ. 8:7).

16. ხალხის თავკაცი, რომლის შთამომავალმაც (ან თავად მან) ბეჭდის დასმით დაადასტურა ნეემიას დროს დადებული მტკიცე შეთანხმება (ნემ. 9:38; 10:1, 14, 25).

17. კაცი იუდას ძეთაგან, რომელიც ბაბილონში გადასახლებიდან დაბრუნების შემდეგ იერუსალიმში დასახლდა (ნემ. 11:4, 5). შესაძლოა ის 1 მატიანის 9:5-ში მოხსენიებული ასაია იყოს (იხ. ასაია №4).

18. ბენიამინელი კაცი; ნეემიას დროს იერუსალიმში მცხოვრები ვინმე სალუს წინაპარი (ნემ. 11:7).

19. მღვდელი, რომელიც მონაწილეობდა ნეემიას დროს აღდგენილი იერუსალიმის გალავნის მიძღვნის აღსანიშნავად გამართულ ღონისძიებაში (ნემ. 12:41).

20. მღვდელი, რომელიც მონაწილეობდა ნეემიას დროს აღდგენილი იერუსალიმის გალავნის მიძღვნის აღსანიშნავად მოწყობილ ღონისძიებაში (ნემ. 12:42).