ფახათ-მოაბი

[მოაბის გამგებელი]

მისგან წამოვიდა საგვარეულო ისრაელში. თუ ის ნამდვილად მოაბის გამგებელი იყო, რაზეც მისი სახელი მიუთითებს, მაშინ მას იმ პერიოდში უნდა ეცხოვრა, როდესაც მოაბი იუდას ემორჩილებოდა. თუმცა გადაჭრით ვერ ვიტყვით, ნამდვილად ეკავა თუ არა მას ასეთი მდგომარეობა, რადგან ბიბლიაში უშუალოდ მასზე არაფერია ნათქვამი.

ფახათ-მოაბის ყველა შთამომავალი, რომელთაც ეზრა და ნეემია მოიხსენიებენ, მას შემდეგ ცხოვრობდა, რაც ისრაელები ბაბილონის ტყვეობიდან გათავისუფლების შემდეგ ისრაელში დაბრუნდნენ. მის შთამომავალთაგან ზოგი ზერუბაბელთან ერთად ძვ. წ. 537 წელს დაბრუნებულ საგვარეულოთა შორის მეორე ყველაზე დიდ საგვარეულოს განეკუთვნებოდა (ეზრ. 2:1, 2, 6; ნემ. 7:11). ძვ. წ. 468 წლისთვის, როცა ეზრა ფახათ-მოაბის კიდევ უფრო მეტ შთამომავალთან ერთად იერუსალიმში დაბრუნდა, ზერუბაბელთან ერთად დაბრუნებულ ფახათ-მოაბის ძეებს (ან მათ შთამომავლებს) უცხოელი ცოლები ჰყავდათ მოყვანილი. თუმცა მათ გაითვალისწინეს ეზრას მითითება და გაუშვეს ისინი (ეზრ. 8:1, 4; 10:30, 44). ამ საგვარეულოს ერთი წარმომადგენელი, ხაშუბი, ნეემიას იერუსალიმის გალავნის აღდგენაში ეხმარებოდა, ხოლო ფახათ-მოაბის კიდევ ერთმა შთამომავალმა ან ამ საგვარეულოს წარმომადგენელმა ცოტა ხნის შემდეგ ბეჭდის დასმით დაადასტურა ერთგულების შეთანხმება (ნემ. 3:11; 9:38; 10:1, 14).