ფელეგი

[დაყოფა]

ებერის ვაჟი და რეუს მამა. სემის შთამომავალი და აბრაამის წინაპარი, შესაბამისად, იესოს შორეული წინაპარი. ფელეგმა 239 წელს იცოცხლა (ძვ. წ. 2269—2030); ის იყო წარღვნის შემდეგ წარმოშობილი 70 ოჯახიდან ერთ-ერთის წინაპარი (დბ. 11:16—19; 1მტ. 1:24—27; ლკ. 3:35).

ფელეგი იმიტომ დაარქვეს, რომ „მის დროს დაიყო დედამიწა“ (დბ. 10:25; 1მტ. 1:19). ბიბლიაში არ წერია, რომ დაყოფა წარღვნიდან ასი წლის შემდეგ ფელეგის დაბადებისას მოხდა, უბრალოდ ნათქვამია, რომ დაყოფა „მის დროს“ მოხდა. თუ მას ფელეგი დაბადებისთანავე დაარქვეს, შესაძლოა, ეს იყო ხალხის გაფანტვის შესახებ წინასწარმეტყველება, რაც ბაბილონის გოდლის მშენებლობისას ენების არევის დროს შესრულდა (დბ. 11:1—9; შდრ. სახელი „ნოე“ (შესაძლოა ნიშნავს დასვენებას, ნუგეშს), რომელსაც აგრეთვე წინასწარმეტყველური მნიშვნელობა ჰქონდა; დბ. 5:29).