შაბეთაი

[შაბათს (დაბადებული)]

გადასახლებიდან დაბრუნებული ლევიანი. ეზრას 10:15-ში ვკითხულობთ: „მაგრამ იონათანი, ასაელის ვაჟი, და იახზეია, თიკვას ვაჟი, წინ აღუდგნენ ამას. მეშულამი და შაბეთაი, ლევიანები, მხარს უჭერდნენ მათ“. დედნისეულ ენაზე ეს მუხლი შეიძლება ისეც გავიგოთ, რომ შაბეთაი მხარს უჭერდა მათ, ვინც ეწინააღმდეგებოდა ეზრას, რომელიც მათგან უცხოელი ცოლების გაშვებას მოითხოვდა. თუმცა ისეც შეიძლება გავიგოთ, რომ შაბეთაი მათ შორის იყო, ვინც ეწინააღმდეგებოდა ამ საკითხის გადასაწყვეტად კრებულის მიერ შეთავაზებულ წინადადებას. არსებობს სხვა მოსაზრებაც, რომლის თანახმადაც შაბეთაი მხარს უჭერდა მათ, ვინც ამ პრობლემის მოსაგვარებლად კრებულის წარმომადგენლებად იყვნენ არჩეულნი. თუ დავუშვებთ, რომ ეზრას 10:15-ში მოხსენიებული შაბეთაი ნეემიას 8:5—7-სა და 11:1, 2, 15, 16-ში მოხსენიებული შაბეთაია, რომელიც ეზრასთან ერთად უკითხავდა ხალხს ღვთის კანონს და იერუსალიმის კედლის აღდგენის შემდეგ ამ ქალაქში ცხოვრობდა, ეს ვარაუდი მეტ დამაჯერებლობას შესძენს ამ მოსაზრებას.