ᲪᲝᲤᲔ

ველი ფისგის წვერზე, სადაც ბალაამმა შვიდი სამსხვერპლო ააგო, შესწირა მსხვერპლი და ისრაელის შესახებ ერთ-ერთი იგავი წარმოთქვა (რც. 23:14—24). სახელი „ცოფე“ შესაძლოა შემორჩა „ტელაათ-ეს-საფის“ სახელწოდებაში, რომელიც ფისგის სავარაუდო ადგილმდებარეობასთან ახლოს, მკვდარი ზღვის ჩრდ. სანაპიროს აღმ.-ით მდებარეობს. თუმცა ზოგი ბიბლეისტი ებრაულ სიტყვას ცოფიმ საკუთარ სახელად არ მიიჩნევს და გადმოაქვს როგორც „გუშაგის ველი“ ან მსგავსი ფრაზებით (Le; შდრ. JB, NE).