შეკითხვების ყუთი

◼ როცა მაუწყებელი სხვა ადგილზე გადადის, რა უნდა გაკეთდეს, რომ ახალ კრებაში გადასვლისას დახმარება იქნეს გაწეული?

როგორც კი მაუწყებელი სხვა კრებაში გადავა, კრების მდივანმა მაუწყებლისგან უნდა შეიტყოს ყოფილი კრების სახელწოდება და იმ კრების მდივნის სახელი, გვარი და მისამართი. შემდეგ მან ყოფილი კრების მდივანს უნდა მისწეროს და გამოითხოვოს კრების მაუწყებლის ანგარიშის ბარათი და დახასიათება. ამის მიღების შემდეგ მდივანმა უნდა უპასუხოს დაუყოვნებლივ (იხილე წიგნი „ორგანიზებული ვართ ჩვენი მსახურების შესასრულებლად“, გვ. 104, 105 [რუს.]).

მაუწყებელი, რომელიც სხვა კრებაში აპირებს გადასვლას, დახმარებას გასწევს, თუ დარწმუნდება, რომ ზუსტად იცის იმ კრების სახელწოდება, რომელიც დატოვა და მდივნის სახელი, გვარი და მისამართი. შემდეგ, ახალ კრებაში გადასვლისთანავე ეს ინფორმაცია მდივანს უნდა მისცეს, რათა დაუყოვნებლივ შეიკრიბოს სრული ინფორმაცია მასზე. ახალ კრებაში შედგენილი სამქადაგებლო სამსახურის ანგარიშების შენახვა შეიძლება, სანამ მაუწყებლის ანგარიშის ბარათს არ მიიღებენ. როცა მიიღებენ, მაუწყებლის საქმიანობა შეიძლება გადატანილი იქნას ანგარიშის ბარათში და დაემატოს კრების მომდევნო თვის ანგარიშს.

ზოგჯერ მაუწყებელმა უკვე იცის იმ კრების მდივნის სახელი, გვარი და მისამართი, სადაც გადადის. ასეთ შემთხვევაში უხუცესისთვის არ უნდა იყოს საჭირო, რომ დაელოდოს გამოთხოვნას. მაუწყებლის საქმიანობის ანგარიშისა და დახასიათების გაგზავნა მაშინვე შეიძლება იმ კრების მდივანთან, სადაც მაუწყებელი გადავა.