რას ეუბნები ავტომოპასუხეს?

ტელეფონით ქადაგება ეფექტური საშუალებაა იმ ადამიანებისთვის დასამოწმებლად, რომლებიც შინ არ გვხვდებიან ან ვინც მიუდგომელ ტერიტორიაზე ცხოვრობს. ამისდა მიუხედავად, სულ უფრო მეტი ადამიანი აღარ პასუხობს ტელეფონის ზარს, ამას მათ მაგივრად ავტომოპასუხე აკეთებს. რა უნდა გააკეთო ამ დროს? ნუ დაკიდებ ყურმილს. ამის ნაცვლად, შეგიძლია გასცე კარგად მომზადებული დაწერილი პასუხი. ივარჯიშე, რომ ამის გაკეთება სასიამოვნო სასაუბრო მანერით შეძლო. რის თქმა შეგიძლია?

შეგიძლია მობინადრე გულთბილად დაპატიჟო, რომ დაესწროს მომავალ საჯარო მოხსენებას სამეფო დარბაზში. შეგიძლია უთხრა: „ბოდიშს ვიხდი, რომ თქვენი შინ არ ყოფნის დროს ვრეკავ. თუ გსურთ, მოისმინოთ ბიბლიაზე დაფუძნებული მოხსენება [საჯარო მოხსენების სათაური], გთხოვთ მობრძანდეთ იეჰოვას მოწმეთა სამეფო დარბაზში. ყველას შეუძლია დასწრება. იქ არ ხდება შესაწირავების შეგროვება“. შემდეგ გასაგებად უთხარი, როდის არის შეხვედრის დღე და დრო და დაუტოვე მისამართი ან აღუწერე სამეფო დარბაზის ადგილმდებარეობა.

მზად იყავი ნებისმიერ ახალ პიროვნებასთან შესახვედრად, რომელიც შეიძლება შეხვედრებს დაესწროს. გაეცანი მათ და გულთბილად მიიღე. არ დაგავიწყდეს ბიბლიის უფასო საშინაო შესწავლის შეთავაზება!