შეკითხვების ყუთი
◼ რა უნდა გაკეთდეს, როცა წინასწარ დანიშნული საჯარო მომხსენებელი ვერ მოდის დაგეგმილ დროზე შეხვედრაზე?
ზოგჯერ გადაუდებელი ვითარებები ხელს უშლის ძმას, რომ დაგეგმილ დროს წარმოთქვას მოხსენება. თუ დანამდვილებით არის ცნობილი, რომ მოგვიანებით მოვა, უხუცესებს შეუძლიათ დაიწყონ „საგუშაგო კოშკის“ შესწავლა; საჯარო მოხსენება შეიძლება შედგეს შემდეგ. რა უნდა გაკეთდეს, თუ ცხადი გახდება, რომ მომხსენებელი ვერ მოვა? ადგილობრივი მომხსენებლებიდან ერთ-ერთს შეუძლია უკვე მომზადებული მოხსენების წარმოთქმა.
წინასწარ ყურადღებით დაგეგმვა, ჩვეულებრივ, ამ პრობლემას აგვაცილებს. საჯარო მოხსენებებზე პასუხისმგებელი უნდა დაუკავშირდეს ყოველ მომხსენებელს, სულ ცოტა, ერთი კვირით ადრე, რათა შეახსენოს დავალება. ამ შეხსენებაში შედის შეხვედრის დაწყების დრო, სამეფო დარბაზის მისამართი და ტელეფონის ნომერი და ნათელი ახსნა, თუ როგორ მივიდეს დარბაზამდე. მომხსენებელმა ამ დეტალების შესახებ ზუსტი ჩანაწერები უნდა გააკეთოს. ის სერიოზულად უნდა მოეკიდოს დავალებას და ყველა საჭირო ცვლილება უნდა შეიტანოს პირად საქმეებში, რათა შეძლოს ამ პასუხისმგებლობის შესრულება. თუ გადაუდებელი რამ წამოიჭრება, რაც მას ხელს შეუშლის, ის დაუყოვნებლივ უნდა დაუკავშირდეს საჯარო მოხსენების კოორდინატორს, რათა სხვა გამომსვლელი მოიძებნოს. ყველაფერი უნდა იღონონ, რომ თავიდან აიცილონ ბოლო წუთებში გაუქმება. თუ მომხსენებელს შეაგვიანდა და რამდენიმე წუთის შემდეგ მოვა, შეუძლია გადარეკოს სამეფო დარბაზში, რათა ძმებმა იცოდნენ, როგორ მოიქცნენ.
საჯარო მოხსენების დაფასება, წინასწარ კარგად დაგეგმვა, წინასწარ შეხსენებები და ყურადღებით ზედამხედველობა უზრუნველყოფს კრებას, რომ ყოველ კვირას სასარგებლო საჯარო მოხსენება ჰქონდეს.