ზედმიწევნით დაამუშავე შენი უბანი
1 დასახლებულ რაიონებში ჩვენ დროდადრო ვხვდებით ისეთ პატარა საქმიან ადგილებს, მაგალითად, როგორიცაა: გასტრონომი, რესტორანი ან საბითუმო მაღაზია. ეს დაწესებულებები შენი უბნის დანარჩენ ნაწილთან ერთად რომ დაამუშაო, მათ უნდა მიაკითხო, როგორც მობინადრეებს.
2 შეგიძლია გამოიყენო მარტივი, მოკლე შეთავაზებები და თქვა: „მსურს, რაღაც გიჩვენოთ“. თუ ჩანს, რომ მფლობელს არ სცალია იმ მომენტში, შეგიძლია მხოლოდ ტრაქტატის შეთავაზება და თქმა: „მე კვლავ შემოგივლით, როცა გეცლებათ. მსურს თქვენი აზრის გაგება ამასთან დაკავშირებით“.
3 ნუ გეშინია ასეთი საქმის შესრულების. ერთ-ერთი მაუწყებელი იტყობინებოდა: „მე უარყოფით გამოხმაურებას ველოდებოდი. მაგრამ, ჩემდა გასაკვირად, სამეფოს შესახებ ცნობისადმი რეაქცია სრულიად საპირისპირო იყო. ისინი ძალიან თავაზიანები და მეგობრულად განწყობილები იყვნენ და თითქმის ყოველთვის იღებდნენ ჟურნალებს“.
4 ქალმა, რომელიც უძრავი ქონების კომპანიაში მუშაობდა, მოწმეები თავის კაბინეტში შეიპატიჟა. მან აიღო ჟურნალები და ბიბლიის შესწავლისადმი ინტერესი გამოხატა. მას უჩვენეს წიგნი „შემეცნება“ და შესწავლა მაშინვე, პირდაპირ მის კაბინეტში დაიწყეს!
5 უბნის ზედმიწევნით დამუშავებაში ისიც შედის, რომ მიაკითხო პიროვნებებს, რომლებიც პატარა სავაჭრო დაწესებულებებში მუშაობენ (საქ. 10:42). დაგეგმე, რომ ასეთ კარებთანაც ისე მიხვიდე, როგორც საცხოვრებელ ბინებში მიდიხარ. შენ მარტო უკეთესად კი არ დაამუშავებ უბანს, არამედ რამდენიმე სასიამოვნო შემთხვევითაც დაჯილდოვდები!