თეოკრატიული სამსახურის სკოლის გეგმა 1997 წლისთვის — საგუშაგო კოშკის ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ

თეოკრატიული სამსახურის სკოლის გეგმა 1997 წლისთვის

ინსტრუქციები

1997 წლის განმავლობაში ქვემოხსენებულ სქემას გამოიყენებთ თეოკრატიული სამსახურის სკოლის ჩატარებისას.

სახელმძღვანელოები: დავალებებს საფუძვლად ექნება ბიბლია (ებრაული წერილები — „საქართველოს საპატრიარქოს გამოცემა“, ქრისტიანულ-ბერძნული წერილები წიგნიდან — „ახალი აღთქმა და ფსალმუნები“, კიკნაძისა და სონღულაშვილის თარგმანი), „თეოკრატიული სამსახურის სკოლის სახელმძღვანელო“ [sg] (რუს.), „ჩემი წიგნი ბიბლიური მოთხრობებით“ [my] და „მარადიულ სიცოცხლემდე მიმყვანი შემეცნება“ [kl].

სკოლა უნდა დაიწყოს დანიშნულ დროზე სიმღერით, ლოცვით და მისალმებით, რასაც მოჰყვება შემდეგი:

დავალება №1: 15 წუთი. ეს უნდა წარმოთქვას უხუცესმა ან სამსახურებრივმა თანაშემწემ და დაფუძნებული უნდა იყოს „თეოკრატიული სამსახურის სკოლის სახელმძღვანელოზე“ ან თვით ბიბლიაზე. ეს დავალება უნდა წარმოითქვას, როგორც 10–12-წუთიანი დამრიგებლური მოხსენება, რომელსაც მოჰყვება 3–5-წუთიანი ზეპირი გამეორება პუბლიკაციაში მოცემული კითხვების გამოყენებით, ხოლო თუ დავალება ბიბლიაზეა დაფუძნებული — მომხსენებლის მიერ მომზადებული კითხვების გამოყენებით. მიზანი მხოლოდ მასალის განხილვა კი არ უნდა იყოს, არამედ ყურადღება უნდა გამახვილდეს განსახილველი ინფორმაციის პრაქტიკულ მნიშვნელობაზე და უნდა აღინიშნოს, თუ კრებისთვის რა იქნება ყველაზე სასარგებლო. როცა დავალება დაფუძნებულია სკოლის სახელმძღვანელოზე, საჭიროა თემის შერჩევა. ყველას მოვუწოდებთ, რომ წინასწარ ზედმიწევნით მოემზადონ, რათა აუდიტორიამ სრული სარგებელი მიიღოს მასალიდან.

ძმები, რომლებსაც ეს მოხსენება მიეცათ, მისთვის განსაზღვრულ დროში ჩატევას უნდა ცდილობდნენ. თუ საჭიროა ან თუ მომხსენებელი ითხოვს, რჩევის მიცემა შეიძლება ცალკე.

ღირსშესანიშნავი პუნქტები ბიბლიის კითხვიდან: 6 წუთი. ეს უნდა წარმოთქვას უხუცესმა ან სამსახურებრივმა თანაშემწემ, რომელიც ეფექტურად გამოიყენებს მასალას ადგილობრივი მოთხოვნილებებისთვის. ეს არ უნდა იყოს წასაკითხად მოცემული მასალის მხოლოდ მოკლე შინაარსი. შეიძლება ჩაირთოს მოცემული თავების 30–60-წამიანი განხილვა. მაგრამ ძირითადი მიზანი ის არის, რომ დაეხმარო აუდიტორიას იმის გაგებაში, თუ რატომ და როგორ არის ინფორმაცია ჩვენთვის სასარგებლო. შემდეგ სკოლის ზედამხედველი მოსწავლეებს გაუშვებს თავ-თავიანთ საკლასო ოთახებში.

დავალება №2: 5 წუთი. ეს არის დავალებად მიცემული ბიბლიური მასალის კითხვა, რომელიც უნდა შეასრულოს ძმამ. ეს ხდება როგორც მთავარ სკოლაში, აგრეთვე დამატებით ჯგუფებშიც. წასაკითხი დავალება, ჩვეულებრივ, საკმაოდ მოკლეა, რათა მოსწავლეს საშუალება მიეცეს წარმოთქვას მოკლე განმმარტავი ინფორმაცია შესავალსა და დასკვნით შენიშვნებში. შეიძლება ჩაირთოს ისტორიული ფონი, წინასწარმეტყველური მნიშვნელობა, მოძღვრების საკითხები და პრინციპების გამოყენება. დავალებაში მოცემული ყველა მუხლი შეუწყვეტელად უნდა წაიკითხოს. რა თქმა უნდა, სადაც წასაკითხი მუხლების თანმიმდევრობა გაწყვეტილია, მოსწავლეს შეუძლია თქვას, რომელი მუხლიდან გრძელდება კითხვა.

დავალება №3: 5 წუთი. ეს დავალება ეძლევა დებს ან ბავშვებს. დავალება დაფუძნებული იქნება პუბლიკაციაზე „ჩემი წიგნი ბიბლიური მოთხრობებით“. ინფორმაციის გადმოცემის დროს, მოსწავლეს შეუძლია იჯდეს ან იდგეს. სკოლის ზედამხედველი უნიშნავს ერთ დამხმარეს, მაგრამ სხვა დამხმარეების გამოყენებაც შეიძლება. შეიძლება ჩაირთოს სიტუაციები, რომლებიც წამოიჭრება ხოლმე სახლში, სამქადაგებლო მსახურებაში, კრებაში ან სხვაგან. დავალების შემსრულებელს შეუძლია ან ისე წაიყვანოს საუბარი, რომ შექმნას გარკვეული სიტუაცია, ან გააკეთებინოს ეს თავის დამხმარე(ებ)ს. ძირითადი ყურადღება სიტუაციას კი არ უნდა მიექცეს, არამედ მასალას. მოსწავლემ შესაფერისი თემა უნდა შეარჩიოს.

დავალება №4: 5 წუთი. ეს დავალება მიეცემა ძმას ან დას. ის დაფუძნებული იქნება წიგნზე — „მარადიულ სიცოცხლემდე მიმყვანი შემეცნება“. როცა ეძლევა ძმას, ეს მოხსენება უნდა გაკეთდეს სამეფო დარბაზში მყოფი აუდიტორიის გათვალისწინებით. როცა დავალება ეძლევა დას, სიტუაცია შეიძლება იყოს განმეორებითი მონახულება ან ბიბლიის საშინაო შესწავლა და მონაწილეებს შეუძლიათ ან ისხდნენ, ან იდგნენ. სკოლის ზედამხედველი უმთავრესად დაინტერესებულია, თუ როგორ ეხმარება მოსწავლე მობინადრეს მასალის ირგვლივ მსჯელობასა და მის გაგებაში, აგრეთვე როგორ გამოიყენება ბიბლიური მუხლები. სკოლის ზედამხედველი უნიშნავს ერთ დამხმარეს, მაგრამ მეორე დამხმარის გამოყენებაც შეიძლება. მოსწავლემ თვითონ უნდა გადაწყვიტოს, წააკითხოს თუ არა მობინადრეს გარკვეული აბზაცები წიგნიდან. უფრო მეტად ყურადღება უნდა მიექცეს არა სიტუაციას, არამედ მასალის ეფექტურად გადაცემას.

რჩევა და შენიშვნები: ყოველ მოსწავლეს გამოსვლის შემდეგ სკოლის ზედამხედველი აძლევს სპეციფიკურ რჩევას, თუმცა აუცილებელი არ არის თანმიმდევრულად მიჰყვეთ რჩევების სიას, რომელიც მოცემულია ბლანკზე „რჩევები მოხსენებისთვის“. პირიქით, მან ყურადღება უნდა გაამახვილოს იმ სფეროებზე, რომლებშიც მოსწავლეს გაუმჯობესება ესაჭიროება. თუ მოსწავლე მხოლოდ „კ“-ს იმსახურებს და თუ არ არის ნიშნები „გ“ ან „ი“ მოხსენების რომელიმე პუნქტზე, მაშინ მრჩეველმა უნდა მონიშნოს ჩარჩო, სადაც ჩვეულებრივ იწერება „კ“, „გ“ ან „ი“, რათა მოსწავლემ შემდეგისთვის იმუშაოს მოხსენების იმ პუნქტზე. იმავე შეხვედრაზე ის მისცემს მოსწავლეს რჩევას მოხსენების შემდეგი პუნქტისთვის და თან ჩაუნიშნავს ამას მომდევნო გამოსვლისთვის ბლანკში „თეოკრატიული სამსახურის სკოლის დავალება“ (S-89-GE). ვინც პროგრამაში მონაწილეობს, დარბაზის წინა ნაწილში უნდა დაჯდეს. ეს დროის ეკონომიას შეუწყობს ხელს და საშუალებას მისცემს სკოლის ზედამხედველს, პირდაპირ მისცეს რჩევა ყოველ მოსწავლეს. თუ დრო ნებას რთავს, აუცილებელი ზეპირი რჩევის შემდეგ მრჩეველს შეუძლია კომენტირება გაუკეთოს საინფორმაციო და პრაქტიკულ საკითხებს, რომლებსაც მოსწავლე არ შეეხო. სკოლის ზედამხედველმა არ უნდა გამოიყენოს ორ წუთზე მეტი დრო რჩევისა და სხვა მოკლე შენიშვნებისთვის მოსწავლის მოხსენების შემდეგ. თუ ძმას, რომელსაც აქვს ბიბლიის ღირსშესანიშნავი პუნქტები, ესაჭიროება რჩევა, ამის გაკეთება ცალკე შეიძლება.

დავალებების მომზადება: სანამ დავალებას მოამზადებდეს, მოსწავლემ ყურადღებით უნდა წაიკითხოს „სკოლის სახელმძღვანელოს“ მასალა, სადაც განხილულია მოხსენების პუნქტი, რომელზეც უნდა იმუშაოს. მოსწავლეებმა, რომლებსაც მიეცათ დავალება №2, უნდა ამოირჩიონ თემა, რომელიც შეეფერება ბიბლიიდან წასაკითხ მონაკვეთს. მოსწავლეებმა, რომლებსაც მიეცათ დავალება №3, უნდა ამოირჩიონ თემა, რომელიც შეეფერება განსახილველ ბიბლიურ მოთხრობას. დავალება №4 უნდა მომზადდეს იმ თემის თანახმად, რომელიც მოცემულია დაბეჭდილ გეგმაში.

დრო: არავინ არ უნდა გადააცილოს დროს, არც მრჩევლის რჩევისა და შენიშვნების მიცემისას. დავალებები №№2–4 ტაქტიანად უნდა შეჩერდეს, როცა დრო ამოიწურება. პიროვნებამ, რომელიც დანიშნულია შეწყვეტის ნიშნის მისაცემად, იმწამსვე უნდა გააკეთოს ეს. როცა ძმები, რომლებიც აკეთებენ №1 დავალებას და ბიბლიის ღირსშესანიშნავ პუნქტებს განიხილავენ, აჭარბებენ დროს, მათ ცალკე უნდა მიეცეთ რჩევა. მთელი პროგრამა 45-წუთიანია, სიმღერისა და ლოცვის გამოკლებით.

წერითი გამეორება: პერიოდულად გაკეთდება წერითი გამეორება. მომზადებისას გადახედე მოცემულ მასალას და დაასრულე ბიბლიის დაგეგმილი კითხვა. ამ 25-წუთიანი გამეორების დროს მხოლოდ ბიბლიის გამოყენება შეიძლება. დანარჩენი დრო კითხვებისა და პასუხების გარჩევას უნდა დაეთმოს. თითოეული მოსწავლე ამოწმებს თავის ფურცელს. სკოლის ზედამხედველი განიხილავს აუდიტორიასთან გასამეორებელი კითხვების პასუხებს და ყურადღებას ამახვილებს მათგან უფრო რთულ კითხვებზე, რათა დაეხმაროს ყველას, ნათლად ესმოდეს პასუხები. თუ ადგილობრივი მდგომარეობა მოითხოვს, წერითი გამეორების გაკეთება შეიძლება გეგმაში მითითებულზე ერთი კვირით გვიან.

გეგმა

6 იანვ. ბიბლიის კითხვა: ზაქარია 1—5

სიმღერა №113

№1:ზაქარია 1—7 — სასარგებლო ღირსშესანიშნავი პუნქტები

№2:ზაქარია 2:1–13

№3:my მოთხრობა 51

№4:ადამიანი არ შექმნილა სასიკვდილოდ (kl გვ. 53–55, აბზ. 1–3)

13 იანვ. ბიბლიის კითხვა: ზაქარია 6—9

სიმღერა №215

№1:sg გვ. 5–7, აბზ. 1–9

№2:ზაქარია 7:1–14

№3:my მოთხრობა 52