პირველ ადგილზე დააყენე უფრო მნიშვნელოვანი საქმეები
1 რომელი საქმეებია უფრო მნიშვნელოვანი ჩვენი სულიერი კეთილდღეობისთვის? ეს, რა თქმა უნდა, არის პირადი შესწავლა, კრების შეხვედრებზე დასწრება, შეუპოვარი ლოცვა, კარგი ურთიერთობა და ქრისტიანული მსახურება. თუ ჩვენს ცხოვრებაში მნიშვნელოვან საქმეებს უპირატესობას არ მივანიჭებთ, ვერ შევინარჩუნებთ კარგ სულიერ ჯანმრთელობას.
2 მიუხედავად ამისა, ყველა ჩვენგანი იბრძვის ხორციელი სურვილების წინააღმდეგ და ყველას გვჭირდება აღზრდა (გალ. 5:17). არასოდეს არ უნდა ვიფიქროთ, რომ უფრო მეტის მიღება შეგვეძლება ეგოისტური სურვილებისკენ სწრაფვით (იერ. 17:9). ამიტომ, თუ გვსურს გულის დაცვა და არ გვსურს რომ შევცდეთ, ამაში რეგულარული თვითშემოწმებაა გადამწყვეტი (იგავ. 4:23; 2 კორ. 13:5).
3 შეამოწმე საკუთარი გული. ეს შეგიძლია მომდევნო გულწრფელი კითხვების საკუთარი თავისთვის დასმით: მართლა ძალიან მსურს ღვთის სიტყვის კითხვა? (1 პეტ. 2:2); ნამდვილად მესმის კრების ყველა შეხვედრაზე დასწრების აუცილებლობა? (ებრ. 10:24, 25); გამუდმებით ვლოცულობ? (რომ. 12:12); ვცდილობ თუ არა სულიერი აზროვნების მქონე ადამიანებთან ურთიერთობას? (რომ. 1:11, 12); მაქვს პირადი ვალდებულების გრძნობა, ვიქადაგო კეთილი ცნობა? (1 კორ. 9:16). ამ კითხვებზე დადებითი პასუხები მიუთითებს, რომ გსურს მნიშვნელოვანი საქმეების პირველ ადგილზე დაყენება.
4 შეამოწმე შენი დღის განრიგი. შენ უნდა შეამოწმო შენი გულის წადილი დროის გამოყენებისთვის პრიორიტეტების დადგენით. ამაში შედის დროის დაგეგმვა როგორც ბიბლიისა და ჟურნალების — „საგუშაგო კოშკი“ და „გამოიღვიძეთ!“ — რეგულარული კითხვისთვის, ისე შეხვედრებისთვის მოსამზადებლად. აგრეთვე დრო უნდა გამოეყოს ოჯახის მიერ ერთობლივ შესწავლასა და ერთად ლოცვას. წინასწარ უნდა განსაზღვრო, თუ რამდენი ხანი უნდა უჯდე ტელევიზორსა თუ კომპიუტერს. გადაწყვიტე, რომ კრების ყველა შეხვედრას დაესწრო და საქმეების დაგეგმვისას შეხვედრებზე დასწრება პირველ ადგილზე დააყენო. მთელი ოჯახისთვის დაგეგმე ყოველკვირეულად სამქადაგებლო მსახურებაში მონაწილეობა.
5 უეჭველია, მნიშვნელოვანი საქმეების ცხოვრებაში პირველ ადგილზე დაყენება სიხარულის მიზეზი იქნება ჩვენთვის.