სხვებსაც გაუზიარე „ოჯახური ბედნიერების საიდუმლო“
1 ოჯახი საზოგადოების ძირითადი ერთეულია და ოჯახისგან შედგება სოფელი, ქალაქი, ქვეყანა და ერი. ისტორიას არ ახსოვს, რომ ოჯახს განეცადოს ზემოქმედება, როგორც დღეს. დღეს ძლიერი ზეგავლენა მოქმედებს, რომელიც ემუქრება ოჯახური ცხოვრების არსებობას. რამდენად მადლიერი ვართ, რომ იეჰოვა, ოჯახის დამფუძნებელი, უზრუნველგვყოფს მითითებებით, რათა მივაღწიოთ ოჯახურ ბედნიერებას! ისინი, რომლებიც მიჰყვებიან მის ხელმძღვანელობას, მიხვდნენ, რომ პრობლემები მცირდება და წარმოიქმნება წარმატებული ოჯახი. სექტემბერში საშუალება გვექნება, სხვებს შევთავაზოთ წიგნი „ოჯახური ბედნიერების საიდუმლო“. ინიციატივა გამოიჩინე, რომ ესაუბრო ადამიანებს ოჯახურ ცხოვრებაზე. იყავი მეგობრული, ოპტიმისტური და გამრჩევი. რის თქმა შეგიძლია?
2 საუბრის დაწყება შეგიძლია მომდევნო შეკითხვის დასმით:
◼ «შენიშნეთ თუ არა, რომ მრავალი ოჯახისთვის რთულია ცხოვრებისეული ზეგავლენის ატანა? [საშუალება მიეცი, გიპასუხოს]. ცნობები მიუთითებს, რომ მრავალს სიძნელეები ხვდება სახლში. თქვენი აზრით, რა დაეხმარება ოჯახებს, იპოვონ უფრო მეტი სტაბილურობა და ბედნიერება? [საშუალება მიეცი, გიპასუხოს]. რადგან ღმერთმა დააფუძნა ოჯახი, ნუთუ გონივრული არ იქნება, მის მიერ ბოძებული მითითებები ვისწავლოთ? [წაიკითხე 2 ტიმოთე 3:16, 17]. ასეთი სასარგებლო მითითებები მოცემულია წიგნში — „ოჯახური ბედნიერების საიდუმლო“». შემდეგ ჰკითხე პიროვნებას, რომელ პრობლემას თვლის ჩვეულ ოჯახურ პრობლემად, აჩვენე თავი, რომელიც განიხილავს ამ პრობლემას და შესთავაზე წიგნი.
3 განმეორებით მონახულებაზე შეგიძლია ბიბლიის შესწავლის დაწყება მიზნად დაისახო მომდევნო სიტყვებით:
◼ «მე ვიფიქრე თქვენს ნათქვამზე ოჯახური ცხოვრების შესახებ და მოგიტანეთ ისეთი რამ, რაც, ვფიქრობ, დაგაინტერესებთ [აჩვენე ბროშურა „რას მოითხოვს“, გადაშალე მე-16 გვერდზე და წაიკითხე თავში მოცემული ექვსი შეკითხვა]. ცხადია, ოჯახის თითოეულმა წევრმა თავისი წვლილი უნდა შეიტანოს, რომ ხელი შეუწყოს ოჯახურ ბედნიერებას. თუ მხოლოდ რამდენიმე წუთი გაქვთ, გაჩვენებთ თქვენთვის ძალიან სასარგებლო ინფორმაციას». შემდეგ შესწავლა დაიწყე მე-8 გაკვეთილიდან.
4 საუბრის დაწყების სხვა საშუალებაა პრობლემის მოხსენიება მომდევნო სიტყვებით:
◼ «მიუხედავად იმისა, რომ ყველას სურს იგრძნოს კმაყოფილება და სიამოვნება, თითქოსდა, მრავალი ოჯახი ვერ აღწევს წარმატებას ამ საკითხში. თქვენი აზრით, რა დაეხმარება მათ ჭეშმარიტი ბედნიერების პოვნაში? [საშუალება მიეცი, გიპასუხოს]. დიდი ხნის წინ ბიბლიამ გვიჩვენა, თუ როგორი პრობლემები იქნებოდა ოჯახში დღეს [წაიკითხე 2 ტიმოთე 3:1–3]. მაგრამ ბიბლია იმასაც ეუბნება ოჯახებს, თუ რისი გაკეთება შეიძლება ამ პრობლემების გადასაწყვეტად და ხანგრძლივი ბედნიერების დასამკვიდრებლად. ეს პრინციპები მოცემულია წიგნში „ოჯახური ბედნიერების საიდუმლო“». შემდეგ უჩვენე გასამეორებელი ჩარჩო იმავე თავის ბოლოში, წაუკითხე და შესთავაზე წიგნი.
5 დაბრუნებისას საუბრის დასაწყებად გამოიყენე ბროშურა „რას მოითხოვს“. საუბარი შეგიძლია მომდევნო სიტყვებით დაიწყო:
◼ „ნასიამოვნები დავრჩი თქვენი სურვილით, გამოგეკვლიათ ოჯახურ ცხოვრებასთან დაკავშირებული ბიბლიური პრინციპები. გამოცდილებამ გვიჩვენა, რომ უკეთესი შედეგების მიღწევა შესაძლებელია ბიბლიაში მოცემული პრაქტიკული რჩევების მიყოლით. აქ უბრალოდ ახსნილია, თუ რატომ არის ეს ასე“. წაიკითხე ბროშურიდან „რას მოითხოვს“ 1-ლი გაკვეთილის პირველივე აბზაცი, თან დაურთე ფსალმუნის 1:1–3 ან ესაიას 48:17, 18. თუ შესაძლებლობა საშუალებას გაძლევს, განიხილე გაკვეთილის დარჩენილი ნაწილი. შესთავაზე, რომ კვლავ მიხვალ მომდევნო გაკვეთილის ერთად შესასწავლად.
6 რაც შეეხება ჩვენს ლიტერატურას. როცა იცი, რომ ჩვენი ლიტერატურა ძვირფასია და მისი გამოცემა ძვირი ჯდება, ხომ არ ყოყმანობ, რომ შემხვედრებს შესთავაზო წიგნები, ბროშურები და ჟურნალები? როგორ შეგვიძლია დარწმუნებულები ვიყოთ, რომ ლიტერატურას არ ვაძლევთ ისეთ ადამიანებს, რომლებიც არ აფასებენ მათ. ერთ-ერთი საშუალება, რომ შევეკითხოთ პიროვნებას, წაიკითხავს თუ არა შეთავაზებულ ლიტერატურას.
7 მაგალითად, როცა სთავაზობ წიგნს „ოჯახური ბედნიერება“, შეგიძლია უთხრა შემდეგი:
◼ „თუ შემპირდებით, რომ წაიკითხავთ ამ წიგნს, დაგიტოვებთ ყოველგვარი საფასურის გარეშე [საშუალება მიეცი გიპასუხოს]. შესაძლოა გაინტერესებთ, როგორ არის ეს შესაძლებელი. ეს ხდება იმიტომ რომ ჩვენი საქმის ხარჯები ნებაყოფლობითი შესაწირავებით იფარება. თუ გსურთ მცირე შესაწირავის გაღება ჩვენი საქმისთვის, სიამოვნებით იქნება მიღებული“. ერთი ძმა ძნელად თუ ღებულობდა საერთოდ გამოხმაურებას, სანამ ორი ცვლილება არ მოახდინა. პირველი, მან დაამატა ერთი სიტყვა: „თუ გსურთ დღეს მცირე შესაწირავის გაღება ჩვენი საქმისთვის, სიამოვნებით იქნება მიღებული“. მეორე, ის საკმაოდ დიდ პაუზას აკეთებდა, რათა მობინადრისთვის მიეცა შესაძლებლობა, ეპასუხა. შემდეგ ის ღებულობდა შესაწირავებს და უფრო დარწმუნებული იყო, რომ მადლიერნი იყვნენ ადამიანები ლიტერატურისთვის და რომ კითხულობდნენ მას.
8 მოდი რაც შეიძლება მეტი ძალისხმევა მოვახმაროთ სხვებთან იმ საიდუმლოს განდობას, რომელსაც ოჯახური ბედნიერებისკენ მიჰყავს ხალხი — იმ მითითებების მიყოლას, რომლებიც ღვთის სიტყვაშია (ფსალმ. 19:7–10).