ახალგაზრდებო, გამოიყენეთ სკოლის პერიოდი
1 როგორი გრძნობა გეუფლება ზაფხულის არდადეგების შემდეგ სკოლაში დაბრუნებისას? მოწადინებული ხარ, რომ ამ სასწავლო წელმაც მოგიტანოს სარგებლობა? გამოიყენებ სკოლაში ყველა შესაძლებლობას, რომ თანაკლასელებსა და მასწავლებლებს ჭეშმარიტება გაუზიარო? დარწმუნებული ვართ, რომ სკოლაში მაქსიმუმის გაკეთების სურვილი გაქვს.
2 იყავი კარგი მოსწავლე. თუ გაკვეთილებს კარგად მომზადებული ესწრები და ყურადღებით ხარ, დიდ სარგებლობას მიიღებ. საშინაო დავალებების მომზადებისას გამოიჩინე სიბეჯითე, მაგრამ არ დაუშვა, რომ თეოკრატიულ საქმიანობაში ხელი შეგეშალოს (ფილ. 1:10).
3 ახალი სასწავლო წლის დასაწყისში წაიკითხე ბროშურა „იეჰოვას მოწმეები და განათლება“. შემდეგ შენ ან შენმა მშობლებმა თითო ეგზემპლარი ყველა შენს მასწავლებელს მიეცით. უთხარით, რომ ნებისმიერ შეკითხვაზე მიიღებენ პასუხს. ეს მათ დაეხმარება, უკეთ გაერკვიონ შენს პრინციპებსა და რწმენაში და ხელი შეგიწყონ იმის გაკეთებაში, რაც გისწავლია. ეს აგრეთვე დაარწმუნებს მასწავლებლებს, რომ შენი და შენი მშობლების სურვილი მათთან თანამშრომლობაა, რადგან ისინი გეხმარებიან აუცილებელი განათლების მიღებაში.
4 იყავი კარგი მოწმე. რატომ არ ჩაგეთვალა სკოლა შენს უბნად არაფორმალური დამოწმებისთვის? მომავალ სასწავლო წელს დამოწმების შესანიშნავი შესაძლებლობა გეძლევა. შენ შესანიშნავ სულიერ შემეცნებას ფლობ, რომლის გაზიარებითაც შეგიძლია ‘იხსნა შენი თავიც და მსმენელიც’ (1 ტიმ. 4:16). სამაგალითო ქრისტიანული ქცევების შენარჩუნებითა და სათანადო შესაძლებლობისას დამოწმებით საკუთარ თავსაც სარგებლობას მოუტან და სხვებსაც.
5 ერთმა ძმამ სკოლაში არაფორმალურად დაუმოწმა თავის თანაკლასელებს. მათ შორის, ვინც კეთილგანწყობით გამოეხმაურა, იყვნენ: კათოლიკე, ათეისტი, რომელიც მასხარად იგდებდა ღვთის მორწმუნეებს, და მოზარდი, რომელიც მაგარი მწეველი და მსმელი იყო. ეს ახალგაზრდა ძმა, საერთო ჯამში, 15 თანატოლს დაეხმარა, რომ იეჰოვასთვის თავი მიეძღვნათ და მონათლულიყვნენ!
6 მაშ, ახალგაზრდებო, შეიძინეთ განათლება და დაამოწმეთ შესანიშნავ უბანზე. ასე მოქმედებით უდიდეს სარგებლობას მიიღებთ სწავლის პერიოდში.