გამოიყენე ბროშურები, რომ შეეხო გონებასა და გულს
1 ბიბლიური ჭეშმარიტება ისე უნდა გადასცე, რომ ადამიანის გონებასა და გულს შეეხო. როდესაც იესო თავის მსმენელებს ჭეშმარიტებას უყვებოდა, ისეთ თემებს ირჩევდა, რომლებიც მათ აინტერესებდათ და მოქმედებისკენ აღძრავდა (ლუკ. 24:17, 27, 32, 45). მსახურებაში წარმატებას იმ შემთხვევაში მივაღწევთ, თუ მთელ ძალისხმევას მოვახმართ მსმენელების სულიერი მოთხოვნილებების ამოცნობას.
2 ბროშურები შეიძლება ეფექტური საშუალება აღმოჩნდეს, შეაღწიო იმ ადამიანების გონებასა და გულში, რომლებსაც მსახურებისას შევხვდებით. წინასწარ მოიფიქრე, თუ ვინ შეიძლება გამოეხმაუროს აგვისტოში შესათავაზებელი თითოეული ბროშურის ცნობას:
„ნამდვილად ზრუნავს თუ არა ღმერთი ჩვენზე?“. ისინი, ვინც ეკონომიკურ გასაჭირშია ან ვისაც უბედურება შეემთხვა, დააფასებენ მანუგეშებელ ცნობას, რომ მომავალში აღარ იქნება ტანჯვა-წამება.
„რა არის სიცოცხლის აზრი? — როგორ შეგიძლია მისი პოვნა?“. ახალგაზრდები, რომლებიც სერიოზულად ფიქრობენ თავიანთ მომავალზე, სარგებლობას მიიღებენ ამ ბროშურაში ბიბლიაზე დაფუძნებული პასუხების წაკითხვით.
„მარადიულად იხარე სიცოცხლით დედამიწაზე!“. პატარებსა და მათ, ვინც ცუდად კითხულობს, მრავალი სურათი და მითითებული მუხლი დაეხმარება ღვთის განზრახვების გაგებაში.
„მთავრობა, რომელიც დაამყარებს სამოთხეს“. ნებისმიერი ადამიანი, ვისაც რაიმე კავშირი აქვს მთავრობასთან, შეიძლება გამოეხმაუროს ცნობას, თუ როგორ გადაჭრის ღვთის სამეფო კაცობრიობის რთულ პრობლემებს.
„როდესაც გიკვდება საყვარელი ადამიანი“. მაუწყებლები, რომლებიც სასაფლაოზე ამოწმებენ, მგლოვიარეთა სანუგეშებლად ამ ბროშურას იყენებენ. ორი და მიუახლოვდა ერთ ოჯახს, რომლის შვიდივე წევრი საფლავთან ლოცულობდა. ბროშურიდან მანუგეშებელი ცნობის გაზიარების შემდეგ, მეორე დღესვე, დედასთან ბიბლიის შესწავლა დაიწყეს!
„უნდა გწამდეს სამება?“. ძალიან მორწმუნე ადამიანი შეიძლება გამოეხმაუროს ჭეშმარიტებას, რომელსაც იპოვის ქრისტიანული სამყაროს ფუნდამენტური სწავლების ამ კარგად დასაბუთებულ მხილებაში.
3 გაეცანი თითოეული ბროშურის შინაარსს და განსაზღვრე, თუ როგორ შეგიძლია საუკეთესოდ გაავრცელო ისინი შენს უბანზე. შეთავაზებები იხილე 1998 წლის ივლისის „ჩვენი სამეფო მსახურების“ ბოლო გვერდზე. დაე აკურთხოს იეჰოვამ შენი მცდელობა — შეეხო ადამიანების გონებასა და გულს (მარ. 6:34).