იქნები შენ იქ?
1 ერთხელ ერთმა დიდი ხნის მოწმემ თქვა: „თუ კონგრესის პირველ დღეს აცდენ, ძალიან ბევრს კარგავ!“ რატომ ფიქრობდა ის ასე? იმიტომ რომ პირველი დღით იწყება ის უხვი სულიერი ნადიმი, რომელსაც იეჰოვას ორგანიზაცია გვიმზადებს (ეს. 25:6). თავიდანვე იქ ყოფნით ცხადვყოფთ, რომ ვიზიარებთ ფსალმუნმომღერლის გრძნობებს: „გავიხარე, როცა მითხრეს: უფლის სახლში წავიდეთ“ (ფსალმ. 121:1).
2 მაგრამ შარშან ზოგ საოლქო კონგრესზე „ღვთის წინასწარმეტყველური სიტყვა“ პარასკევს დამსწრეთა რიცხვი საგრძნობლად ნაკლები იყო შაბათ-კვირას დამსწრეთა რიცხვზე. ეს ნიშნავს, რომ ჩვენი ძმების დიდმა პროცენტმა არ მოისმინა კონგრესის პუნქტები, რომლებშიც უმნიშვნელოვანესი ინფორმაცია იყო წარმოდგენილი წინასწარმეტყველურ სიტყვასთან დაკავშირებით. მათ ხელიდან გაუშვეს აგრეთვე თანამორწმუნეებთან შესანიშნავი ურთიერთობის შესაძლებლობა.
3 ხელს ნუ შეგიშლის ქვეყნიური სამუშაო. ზოგი იმიტომ აცდენს პარასკევი დღის პროგრამას, რომ არ უნდათ სამუშაოსთან დაკავშირებით რისკზე წასვლა. მაგრამ ბევრმა მოწმემ დაინახა, რომ მათი დამსაქმებლები მზად არიან ამ საკითხში თანამშრომლობისთვის, თუკი ისინი საკმაო დროით ადრე მიმართავენ თხოვნით. ერთ დამსაქმებელზე იმდენად დიდი შთაბეჭდილება მოახდინა პიონერი დის მტკიცე გადაწყვეტილებამ — დასწრებოდა კრების ყველა შეხვედრასა და ყველა კონგრესს, — რომ თვითონაც მთელი დღე გამოყო კონგრესზე დასასწრებად!
4 ნუ იფიქრებ, რომ დამსაქმებელი არ გაგათავისუფლებს, და ნურც იმას დაასკვნი, რომ კონგრესის დღის გაცდენა ბევრს არაფერს ნიშნავს. მოემზადე, რომ შენს დამსაქმებელს გულწრფელი დამაჯერებლობით საღვთო წერილიდან ტაქტიანად აუხსნა, რატომ არის კონგრესზე დასწრება შენი თაყვანისმცემლობის მნიშვნელოვანი ნაწილი (ებრ. 10:24, 25). შემდეგ სრულად მიენდე იეჰოვას აღთქმებს და გჯეროდეს, რომ, ფაქტობრივად, რასაც უნდა ითხოვდე, მიიღებ, თუკი სულიერ მოთხოვნილებებს პირველ ადგილს უთმობ ცხოვრებაში (მათ. 6:33; ებრ. 13:5, 6).
5 მთავარი ფაქტორი „უმჯობესის“ დაფასებაა (ფილ. 1:10, 11; ფსალმ. 26:4). ეს აღგვძრავს, გეგმები დავისახოთ, რომ სრულად ვისარგებლოთ იეჰოვასგან მომდინარე ამ ძალიან მნიშვნელოვანი ღონისძიებით. ახლავე დაიწყე გარკვეული გეგმების დასახვა და მტკიცედ გქონდეს გადაწყვეტილი, რომ შენ სამივე დღეს იქ იქნები!