სამსახურებრივი შეხვედრის გეგმა
10 იანვრით დაწყებული კვირა
სიმღერა 32
10 წთ.: ადგილობრივი განცხადებები. შერჩეული განცხადებები „ჩვენი სამეფო მსახურებიდან“.
15 წთ.: „მთელ ქვეყანას ვამცნოთ იეჰოვას სახელი“. განხილვა კითხვა-პასუხებით. დაურთე აზრები არაფორმალურ ქადაგებასთან დაკავშირებით წიგნიდან „ჩვენი მსახურება“, გვერდები 93—95 (რუს.).
20 წთ.: კანონიერი უფლებებით ვირჩევთ უსისხლო მკურნალობას. გამოცდილი უხუცესის მოხსენება. შეხვედრის შემდეგ მსურველ მონათლულ მაუწყებლებს შეუძლიათ მიიღონ ახალი „სამედიცინო დოკუმენტი“, ქრისტიან მშობლებს კი, რომლებსაც მოუნათლავი პატარა შვილები ჰყავთ, შეუძლიათ მათთვის მიიღონ ბლანკი „პირადობის მოწმობა“. აუცილებელი არ არის ამ დოკუმენტების მიღებისთანავე შევსება. მას რომ იურიდიული ძალა ჰქონდეს, თითოეული ყურადღებით უნდა გაეცნოს ტექსტს, შეიტანოს ზუსტი მონაცემები, მიუთითოს თარიღი, შემდეგ კი ნებისმიერი ორი მოწმის თანდასწრებით მოაწეროს ხელი, რომელთაც, თავის მხრივ, ხელმოწერით შეუძლიათ დაადასტურონ ის ფაქტი, რომ დოკუმენტის მფლობელს ყველაფერი კარგად აქვს გათვითცნობიერებული და თავის ნება-სურვილს გამოხატავს მასში. დოკუმენტზე ხელის მოწერამდე კარგი იქნება დარწმუნდეთ, რომ ბლანკი მთლიანად არის შევსებული. იურიდიული თვალსაზრისით, დოკუმენტის ტექსტი, ისევე როგორც თვითონ დოკუმენტი, არ არის სავალდებულო. კანონის თანახმად, თითოეულს აქვს უფლება, გამოიყენოს ან არ გამოიყენოს ეს ბლანკები და ტექსტი თავის ნება-სურვილით შეცვალოს. ბლანკი იეჰოვას მოწმეებს ეძლევათ სისხლის გადასხმასთან დაკავშირებული მათი ცნობილი პოზიციის გათვალისწინებით და ეხმარება მათ თავიანთი უფლებით სარგებლობაში — აღმოეჩინოთ ხარისხიანი სამედიცინო დახმარება სისხლის გადასხმის გარეშე, განსაკუთრებით საგანგებო შემთხვევების დროს (საქ. 15:28, 29; იგავ. 22:3ა). მაგრამ გადაწყვეტილებას ყველა დამოუკიდებლად იღებს. ბროშურაში „როგორ შეუძლია სისხლს შენი სიცოცხლის ხსნა?“ (რუს.) აღნიშნული იყო, რომ „საბოლოო ჯამში, გადაწყვეტილებას იღებ შენ, ავადმყოფი ან მშობელი. რატომ? იმიტომ რომ საქმე ეხება შენს (ან შენი შვილის) ორგანიზმს, სიცოცხლეს, ეთიკურ ნორმებსა და, რაც განსაკუთრებით მნიშვნელოვანია, ურთიერთდამოკიდებულებას ღმერთთან“. მოუნათლავ მაუწყებლებს შეუძლიათ პირადი დოკუმენტი შეადგინონ თავიანთი მდგომარეობისა და მრწამსის შესაბამისად ბლანკის ტექსტში ცვლილებების შეტანით. ბავშვების „პირადობის მოწმობა“ უმთავრესად იმ შემთხვევისთვის არის გათვალისწინებული, როცა ორივე მშობელი იეჰოვას მოწმეა. თუ მშობელი მარტოხელაა ან მეუღლე მოწმე არ არის და არ იზიარებს მოწმე მშობლის პოზიციას, ტექსტი უნდა შეიცვალოს კონკრეტული მდგომარეობის შესაბამისად. ეს დოკუმენტი არ ართმევს მეორე მშობელს უფლებას — თავისი პოზიცია დაიკავოს შვილის სამედიცინო მკურნალობასთან დაკავშირებით. ნებისმიერ შემთხვევაში, კანონის თანახმად, მთავარია ბავშვის ინტერესები. მოხერხებულობისთვის მაუწყებლებს შეუძლიათ პირადი მდგომარეობისა და მრწამსის შესაბამისად წინასწარ შეავსონ ბლანკი და ხელი მოაწერონ მათ მიერ არჩეული მოწმეების თანდასწრებით კრების ამ შეხვედრის მომდევნო წიგნის შესწავლაზე. საჭიროების შემთხვევაში მაუწყებლებს შეუძლიათ წიგნის შესწავლის ხელმძღვანელებს მიმართონ, რომლებიც შეძლებისდაგვარად დაეხმარებიან.
სიმღერა 191 და ლოცვა
17 იანვრით დაწყებული კვირა
სიმღერა 117
10 წთ.: ადგილობრივი განცხადებები. საფინანსო ანგარიში.
15 წთ.: ადგილობრივი მოთხოვნილებები.
20 წთ.: „გამოიყენე ტრაქტატები საუბრის დასაწყებად“. განიხილე ნებისმიერი ოთხი ტრაქტატი, რომლებსაც, ჩვეულებრივ, თქვენს ტერიტორიაზე იყენებთ. დასვი კითხვა, რომელსაც პასუხი ეცემა თითოეულ ტრაქტატში. სთხოვე მსმენელებს აზრი გამოთქვან, თუ როგორ შეიძლება ამ კითხვის დახმარებით საუბრისა და, შესაძლებელია, ბიბლიის შესწავლის დაწყება. ინსცენირება გაუკეთე, როგორ შეიძლება ამის გაკეთება ორი სხვადასხვა ტრაქტატის გამოყენებით.
სიმღერა 43 და ლოცვა
24 იანვრით დაწყებული კვირა
სიმღერა 46
10 წთ.: ადგილობრივი განცხადებები და შემთხვევები სამქადაგებლო მსახურებიდან.
15 წთ.: „ყოველდღე დაუთმე ყურადღება იეჰოვას სიტყვას!“. მოხსენება და განხილვა მსმენელებთან ერთად. ყველა წაახალისე, ისარგებლონ ბროშურით „საღვთო წერილის ყოველდღიური განხილვა — 2000“. დაურთე აზრები მე-3 და მე-4 გვერდებზე მოცემული წინასიტყვაობიდან. სთხოვე მაუწყებლებს მოყვნენ, როგორ ახმარენ განსაკუთრებულ ძალისხმევას, რომ მუხლი და კომენტარები ყოველდღიურად განიხილონ.
20 წთ.: „იქნები შენ იქ?“. უხუცესის მოხსენება და შემთხვევები. ბიბლიური დროიდან მოყოლებული დღემდე დიდი შეხვედრები უდიდეს როლს ასრულებს ღვთის ხალხის განმტკიცებაში (იხილე ბროშურა „იეჰოვას მოწმეები გაერთიანებულად ასრულებენ ღვთის ნებას მთელ მსოფლიოში“, გვერდი 19). ყველა წაახალისე, ახლავე დაიწყონ მზადება, რომ წლევანდელ საოლქო კონგრესს სამივე დღეს დაესწრონ. სთხოვე მსმენელებს იმ შემთხვევების მოყოლა, რომლებიდანაც ჩანს, რომ წარსულში დასწრებასთან დაკავშირებული მათი გულითადი მცდელობა სულიერად დაჯილდოვდა.
სიმღერა 93 და ლოცვა
31 იანვრით დაწყებული კვირა
სიმღერა 164
12 წთ.: ადგილობრივი განცხადებები. ყველას შეახსენე იანვრის სამქადაგებლო მსახურების ანგარიშების ჩაბარება. მოიხსენიე თებერვალში გასავრცელებელი ლიტერატურა: წიგნი „ოჯახური ბედნიერება“. ინსცენირება გაუკეთე, როგორ შეიძლება წიგნის მე-12 გვერდზე მოცემულ ჩარჩოში დასმული სამი კითხვის გამოყენებით პიროვნების საუბარში ჩაბმა.
15 წთ.: პასუხი კითხვაზე ‘შენიშვნასთან’ დაკავშირებით. უხუცესის მოხსენება, რომელიც დაფუძნებულია 1999 წლის 15 ივლისის „საგუშაგო კოშკზე“, გვერდები 29—31.
18 წთ.: როგორ დავეხმაროთ სხვებს ჭეშმარიტი რელიგიის ამოცნობაში. განხილვა გამოცდილ სამსახურებრივ თანაშემწესა და ორ-სამ უნარიან მაუწყებელს შორის იმასთან დაკავშირებით, თუ როგორ შეიძლება ხალხზე შთაბეჭდილება მოახდინონ იეჰოვას მოწმეებმა, მაგრამ მათ ნათლად არ ესმოდეთ სხვაობა სხვებისა და ჩვენს რელიგიას შორის. განიხილე 1995 წლის 8 მაისის ჟურნალში „გამოიღვიძეთ!“ (რუს.) მე-20 გვერდზე მოცემული ათი პუნქტი. ახსენი, როგორ დაეხმარება ამ ფაქტორების ცოდნა გულწრფელ ადამიანს, დაინახოს როგორც სხვაობა ჭეშმარიტ და ცრუ თაყვანისმცემლობას შორის, ისე იეჰოვას ხალხთან სწავლისა და ჩვენთან ურთიერთობის აუცილებლობა.
სიმღერა 200 და ლოცვა
7 თებერვლით დაწყებული კვირა
სიმღერა 113
8 წთ.: ადგილობრივი განცხადებები.
17 წთ.: წიგნი „დანიელის წინასწარმეტყველება“. მოხსენება და განხილვა მსმენელებთან ერთად. განიხილე ახალი წიგნის ღირსშესანიშნავი თავისებურებები: საინტერესო სათაურები, ცოცხალი ილუსტრაციები, თითოეული თავის ბოლოს არსებული ჩარჩოები გამოსაკვლევი კითხვებით, რუკები და ნათლის მომფენი დაწვრილებითი ცხრილები. განიხილე იმის გამამხნევებელი ახსნა, თუ როგორი განსაკუთრებული გზით „აღდგება“ მიქაელი (გვერდები 288—290). განიხილე, რამდენად მნიშვნელოვანია, რომ ღვთის სიტყვის მასწავლებლები დავრჩეთ (გვერდები 311, 312). თითოეულმა გულდასმით უნდა წავიკითხოთ ეს წიგნი და დაინტერესებულებიც წავახალისოთ ამისკენ.
20 წთ.: მათ გონივრული არჩევანი გააკეთეს. მოხსენება, რომელიც დაფუძნებულია 1997 წლის 15 ოქტომბრის „საგუშაგო კოშკზე“, გვერდები 19—21, აბზაცები 3—16. მოიყვანე პიონერების გამონათქვამები, რომლებიდანაც ჩანს, რატომ თვლიან ისინი, რომ ცხოვრებას უთმობენ ყველაზე მადლიან, სასარგებლო საქმეს. წაახალისე ყველა დამსწრე, აწონ-დაწონონ, თვითონაც ხომ არ შეუძლიათ პიონერებად მსახურება.
სიმღერა 222 და ლოცვა