როგორ შეიძლება მსჯელობის უნარის განვითარება
1 სიტყვა „მსჯელობის“ ერთ-ერთი მნიშვნელობაა „სხვების მოქმედებასა თუ შეხედულებაზე გავლენის მოხდენა“. იმისათვის, რომ უფრო ეფექტურად იმსახურო, საჭიროა სხვებთან მსჯელობის უნარის განვითარება (საქ. 17:2—4). მაგრამ როგორ შეგიძლია ამის მიღწევა?
2 მსჯელობა დაფიქრებას მოჰყვება. ბიბლიურ ჭეშმარიტებათა გამოკვლევისას დაინახავ, რომ სასარგებლოა მასალაზე დაფიქრება. თუ ზოგი საკითხი ძნელი გეჩვენება, დრო გამოყავი მათ გამოსაკვლევად და მოიფიქრე პასუხები. შეეცადე, არა მხოლოდ საკითხის ახსნა-განმარტებას ჩასწვდე, არამედ მის ბიბლიურ საფუძველსაც.
3 მნიშვნელოვანია მსახურებისთვის მომზადება. დაფიქრდი იმაზე, თუ როგორ აუხსნიდი ჭეშმარიტებას სხვადასხვა კატეგორიის ადამიანებს. მოიფიქრე დამაფიქრებელი კითხვა, რომელიც ინტერესს აღუძრავდა ადამიანს. წინასწარ განსაზღვრე, როგორ დაუკავშირებ ამ კითხვას საღვთო წერილს და როგორ იმსჯელებ მასზე. მზად იყავი იმისთვის, რომ ვინმემ შეიძლება საწინააღმდეგო აზრი გამოთქვას; ამიტომ დაფიქრდი, როგორ იმსჯელებდი საპირისპირო აზრის გამოთქმის შემდეგ. შესათავაზებელ მასალაში მოინიშნე აზრი, რომელიც საუკეთესოდ გააშუქებს საკითხს.
4 მიჰყევი იესოს მაგალითს. საღვთო წერილის საფუძველზე მსჯელობის საკითხში იესომ საუკეთესო მაგალითი დაგვიტოვა. მისი სწავლების მეთოდის გასაანალიზებლად განიხილე ლუკას 10:25—37-ში ჩაწერილი შემთხვევა. ყურადღება მიაქციე თანმიმდევრობას: 1) ადამიანებთან საუბრისას ყურადღება საღვთო წერილზე გაამახვილე. 2) საკუთარი აზრის გამოთქმის საშუალება მიეცი და შეაქე გონივრული პასუხებისთვის. 3) ყურადღებიდან ნუ გამოგრჩება საკითხის ბიბლიაზე დაყრდნობით განხილვა. 4) გამოიყენე ინტერესის აღმძვრელი თვალსაჩინო მაგალითები, რომ გასაგები იყოს პასუხის ნამდვილი არსი (იხ. 1987 წლის 1 იანვრის „საგუშაგო კოშკი“, გვ. 17, აბზ. 8—10 [რუს.]).
5 გამოიყენე ჩვენს ხელთ არსებული დამხმარე საშუალება. ბროშურა „როგორ დავიწყოთ და გავაგრძელოთ ბიბლიურ თემაზე საუბარი“ იმ მიზნით გამოიცა, რომ სამქადაგებლო მსახურებისას გამოვიყენოთ. მასში მოცემული შესავლები და პასუხები აუმჯობესებს ჩვენი მსჯელობის უნარს და გვეხმარება მათთან საუბრის გაგრძელებაში, ვინც ლაპარაკს გვაწყვეტინებს. ეს ბროშურა ძვირფასი დამხმარე საშუალებაა, რომელიც ყოველთვის თან უნდა ვატაროთ მსახურებაში და თამამად გამოვიყენოთ იმათთან საუბრისას, ვინც ჩვენს გაჩუმებას ცდილობს.
6 მსჯელობის უნარის გაუმჯობესებით უფრო დახელოვნდები ქადაგებისა და სწავლების საქმეში. ამის შედეგად უამრავი კურთხევები გექნება როგორც თავად შენ, ისე იმათ, ვისაც მსახურების დროს ხვდები.