კურთხევები, რომლებიც იეჰოვას სიყვარულის საპასუხოდ მადლიერების გამოვლენას მოაქვს (ნაწილი II)
1 ამ სტატიის პირველ ნაწილში ყურადღება გავამახვილეთ, თუ რომელი ოთხი სახით შეგვეძლო მსახურებაში იეჰოვას სიყვარულის საპასუხოდ მადლიერების გამოვლენა (1 იოან. 4:9—11). აქ დავამატებდით კიდევ ხუთ საშუალებას, რომლებიც ამის გაკეთებაში დაგვეხმარება. როდესაც სხვებისათვის დახმარების აღმოჩენაში სრულ მონაწილეობას ვიღებთ, ღმერთი გვაკურთხებს.
2 არაფორმალურად ქადაგება: ეს ეფექტური საშუალებაა როგორც ისეთი ადამიანების საპოვნელად, რომლებსაც სამართლიანობა სწყურიათ, ისე მათთვის დახმარების აღმომჩენი ლიტერატურის მისაცემად. კარგია „მოვივაჭროთ ჟამი“ და ყველგან, ყველას ვუქადაგოთ (ეფეს. 5:16). ამგვარად ქადაგებისთვის შეიძლება მთელი ჩვენი გაბედულების მობილიზება დაგვჭირდეს, მაგრამ თუ ღვთის მიერ გამოვლენილ სიყვარულს ვაფასებთ და ადამიანების მოთხოვნილებებს უყურადღებოდ არ ვტოვებთ, ხელიდან არ გავუშვებთ ქადაგების ნებისმიერ შესაძლებლობას (2 ტიმ. 1:7, 8).
3 მისიონერს დიდი სიხარული მოუტანა ტაქსში თანამგზავრთან საუბრის წამოწყებამ. თანამგზავრი კაცი საუბრის თემამ დააინტერესა. მისიონერი განმეორებით მონახულებაზე მივიდა მასთან და ბიბლიის შესწავლაც დაიწყეს. ეს კაცი ჭეშმარიტებაში მოვიდა და სულიერად ისე წაიწია წინ, რომ კრების უხუცესი გახდა!
4 წერილების წერა: რაიმე ფიზიკური უძლურების ან ცუდი ამინდის გამო, შეიძლება ზოგჯერ ვერ მივდივართ კარდაკარ საქადაგებლად. ამ დროს შეგვიძლია წერილები დავწეროთ — წერილების საშუალებით მოკლედ ვუქადაგოთ იმ ადამიანებს, რომლებსაც ვიცნობთ და ვიცით, რომ საყვარელი ადამიანი დაეღუპათ ან იმ ადამიანებს, რომლებიც უბანზე ქადაგებისას სახლში არ დაგვხვდნენ. კონვერტში შეგვიძლია ჩავდოთ სათანადო ტრაქტატები, რომლებშიც ბიბლიაზე დაფუძნებული მიმზიდველი ცნობაა მოცემული და, რომლებიც მკითხველს მოუწოდებს, რაიმე კითხვების წამოჭრის შემთხვევაში, შეგვეხმიანოს. კონვერტზე წააწერეთ თქვენი ან სამეფო დარბაზის მისამართი. გთხოვთ, არ წააწეროთ ფილიალის მისამართი.
5 ტელეფონით ქადაგება: ქადაგების ეს მეთოდი შესანიშნავი საშუალებაა იმისათვის, რომ იმ ადამიანებს დაველაპარაკოთ, რომლებსაც კარდაკარ ქადაგებისას ვერ ვხვდებით. თუ ამას გონივრულად, რბილად, ტაქტიანად და დახელოვნებულად ვაკეთებთ, შეიძლება ძალიან კარგად გამოგვეხმაურონ. „ჩვენი სამეფო მსახურების“ 2001 წლის თებერვლის ნომერში მე-6 გვერდზე, 33—41-ე აბზაცებში, მოცემული იყო პრაქტიკული რჩევები იმასთან დაკავშირებით, თუ როგორ შეიძლება საუკეთესო შედეგების მიღწევა.
6 როდესაც ჩვენი და ტელეფონით ქადაგებდა, მან ერთ ქალს ჰკითხა, ფიქრობდა თუ არა სერიოზულად იმასთან დაკავშირებით, რას მოუტანდა მომავალი მას და მის ოჯახს. ქალმა უპასუხა, რომ ფიქრობდა. მან დას უთხრა, რომ გულგატეხილი იყო და ამის გამო საკუთარ თავში იყო ჩაკეტილი. მაგრამ ჩვენი დის მიერ გამოვლენილმა მზრუნველობამ მასზე იმდენად იმოქმედა, რომ იქვე ახლოს მდებარე მაღაზიაში შეხვედრაზე მოელაპარაკა. იქ კი დიდი სიამოვნებით დასთანხმდა ბიბლიის შესწავლაზე!
7 უცხოების სულით და გულით მიღება: თუ მოყვასი გვიყვარს, შეუმჩნეველი არასოდეს დაგვრჩება ნებისმიერი უცხო პიროვნება, რომელიც ჩვენი შეხვედრის ადგილზე მოვიდა, და ვაგრძნობინებთ, რომ მას სულით და გულით ვიღებთ (რომ. 15:7). დაე დაინახოს, რომ ის ისეთ ადამიანებს შორის არის, რომლებიც გულწრფელად არიან დაინტერესებული მისი სულიერი კეთილდღეობით. ჩვენს მიერ გამოვლენილმა მზრუნველობამ და ბიბლიის შესწავლის შეთავაზებამ შეიძლება მასზე ისე იმოქმედოს, რომ მიიღოს ჩვენგან დახმარება.
8 ჩვენი კარგი საქციელი: კარგი საქციელით ჩვენ ჭეშმარიტებას ვამკობთ (ტიტ. 2:10). როდესაც სხვები ჩვენ, იეჰოვას მოწმეებს, დადებითად გვახასიათებენ, ამით ისინი ჩვენს ღმერთს მიაგებენ პატივს (1 პეტ. 2:12). ესეც შეიძლება სხვებს სიცოცხლის გზაზე დადგომაში დაეხმაროს.
9 რატომ არ უნდა გაგვეანალიზებინა ეს ხუთი საშუალება, რათა მათი დახმარებით იეჰოვას დიდი სიყვარულის საპასუხოდ მადლიერება გამოგვევლინა და პრაქტიკულად გამოგვეყენებინა ისინი? (1 იოან. 4:16). თუ ასე მოიქცევი, მრავალ კურთხევას მოიმკი.