შეკითხვების ყუთი

◼ ტელეფონით ქადაგებისას, შეგვიძლია მოკლედ მოვიხსენიოთ შესაწირავების შესახებ?

როდესაც ვინმეს პირადად ვუქადაგებთ, შეგვიძლია იმის მოხსენიება, რომ ბიბლიურსაგანმანათლებლო საქმიანობა, რომელსაც იეჰოვას მოწმეები მთელ მსოფლიოში ეწევიან, ნებაყოფლობითი შესაწირავებითაა დაფინანსებული და მადლიერი ვიქნებით ასეთი შესაწირავისთვის. იმ შემთხვევაში კი, როცა ტელეფონით ქადაგებთ, არ მოიხსენიოთ ნებაყოფლობითი შესაწირავების შესახებ. ეს შეიძლება ისე აღიქვან, თითქოს ფულის შეგროვების მიზნით, ტელეფონით აგიტაციას ეწევი. იეჰოვას მოწმეების მსახურება ყოველმხრივ არაკომერციულია (2 კორ. 2:17, აფ).

◼ რა უნდა გავაკეთოთ იმ შემთხვევაში, თუ ტელეფონით ქადაგებისას პიროვნება ამბობს, რომ იეჰოვას მოწმეებმა აღარ დაურეკონ?

ამ შემთხვევაში პიროვნების სურვილს პატივი უნდა ვცეთ. დათარიღებული ჩანაწერი და პიროვნების სახელი უნდა დაერთოს უბნის რუკას, რათა მომავალში სხვა მაუწყებლებმა არ დარეკონ ამ ნომერზე. წელიწადში ერთხელ უნდა გადაიხედოს იმ პიროვნებების სია, რომლებმაც თქვეს, რომ მათთან აღარ დარეკონ. სამსახურებრივი ზედამხედველი დაავალებს ტაქტიან და გამოცდილ მაუწყებლებს, რომ დაუკავშირდნენ ასეთ ადამიანებს და გაარკვიონ, ამჟამად როგორი დამოკიდებულება აქვთ იეჰოვას მოწმეებისადმი (იხილე 1994 წლის იანვრის „ჩვენი სამეფო მსახურება“, შეკითხვების ყუთი [რუს.]).