შეკითხვების ყუთი

◼ უნდა ჩაიწეროს ბიბლიის ოჯახური შესწავლა სამქადაგებლო მსახურების ანგარიშში?

თუ ქრისტიანი მშობელი ბიბლიის ოჯახურ შესწავლას ატარებს, რომელსაც მოუნათლავი ბავშვები ესწრებიან, მშობელს შეუძლია ჩაიწეროს ანგარიშში მაქსიმუმ 1 საათი კვირაში, ერთი განმეორებითი მონახულება კვირაში და თვეში 1 ბიბლიის შესწავლა. ასე უნდა მოვიქცეთ იმ შემთხვევაშიც კი, თუ შესწავლა ერთ საათზე მეტხანს გრძელდება და კვირაში რამდენჯერმე ან თითოეულ ბავშვთან ინდივიდუალურად ტარდება. იხილე წიგნი „ჩვენი მსახურება“, გვ. 103.

თუ ოჯახის ყველა წევრი მონათლული მოწმეა, მაშინ შესწავლის დროსა და შესწავლას არავინ ჩაიწერს სამქადაგებლო მსახურების ანგარიშში (გარდა იმ შემთხვევისა, როცა ბავშვი ნათლობის შემდეგ მეორე წიგნს სწავლობს). ასე იმიტომ კეთდება, რომ კრების სამქადაგებლო მსახურების ანგარიში, ძირითადად, ასახავს, თუ რა კეთდება სასიხარულო ცნობის ქადაგებითა და ბიბლიის შესწავლებით მათთან, რომლებიც ჯერ არ არიან იეჰოვას მიძღვნილი და მონათლული მსახურები (მათ. 24:14; 28:19, 20). მაგრამ ეს სრულებითაც არ ამცირებს ასეთი სახის რეგულარული შესწავლის მნიშვნელობას.

შვილების სწავლება ქრისტიანი მშობლების პასუხისმგებლობაა. მათ, ვინც დახმარებას საჭიროებს ოჯახური შესწავლის ორგანიზებაში ან გაუმჯობესებაში, დახმარებისთვის შეუძლიათ უხუცესებს მიმართონ. თუ ვითარება გკარნახობთ, რომ მიზანშეწონილია ქრისტიანული ოჯახის მოუნათლავ ბავშვს სხვა მაუწყებელმა ჩაუტაროს ბიბლიის შესწავლა, ამ შემთხვევაში თავმჯდომარე ზედამხედველს ან სამსახურებრივ ზედამხედველს უნდა სთხოვოთ რჩევა. თუ გადაწყდება ასეთი შესწავლის ჩატარება, მას, ვინც ატარებს შესწავლას, შეუძლია ისეთივე სახით ჩაიწეროს ანგარიში, როგორც ბიბლიის შესწავლის სხვა ნებისმიერ შემთხვევაში.

იეჰოვას გზებით შვილების აღზრდა ბევრ დროსა და ძალისხმევას მოითხოვს, ვიდრე ეს სამქადაგებლო მსახურების ანგარიშში ჩანს (რჯლ. 6:6—9; იგავ. 22:6). ქრისტიანი მშობლები ქებას იმსახურებენ ამ სერიოზული მოვალეობის შესრულებისთვის, რადგან ისინი შვილებს ‘უფლის მოძღვრებითა და დარიგებით ზრდიან’ (ეფეს. 6:4).