წიგნის შესწავლა — რატომ არის საჭირო?
1. როგორ დაიწყო წიგნის შესწავლამ ჩამოყალიბება?
1 1895 წელს ბიბლიის მკვლევართა (ასე ეძახდნენ მაშინ იეჰოვას მოწმეებს) მიერ ორგანიზებულ სასწავლო ჯგუფებს ეწოდა „განთიადის წრეები ბიბლიის შესწავლისთვის“. სასწავლო მასალად გამოიყენებოდა წიგნი „ქრისტეს ათასწლიანი მეფობის განთიადი“. მოგვიანებით ამ შეხვედრას ეწოდა „ბერეელთა წრე ბიბლიის შესწავლისთვის“ (საქ. 17:11). ხშირად პატარა ჯგუფები საღამოობით კერძო ბინაში იკრიბებოდნენ, ყველასთვის ხელსაყრელ დროს. ეს შეხვედრები დღევანდელი წიგნის შესწავლის წინამორბედი იყო.
2. როგორ შეგვიძლია წვლილი შევიტანოთ ურთიერთგამხნევებაში წიგნის შესწავლაზე?
2 გამხნევება და დახმარება. ვინაიდან ეს ჯგუფები შეგნებულად არის მცირერიცხოვანი, მეტი შესაძლებლობა ეძლევათ დამსწრეებს, რომ თავიანთი რწმენა კომენტარებით გამოხატონ. ამის შედეგი ერთმანეთის გამხნევებაა (რომ. 1:12).
3, 4. როგორ გვეხმარება წიგნის შესწავლა ჩვენი მსახურების შესრულებაში?
3 წიგნის შესწავლის ზედამხედველის სწავლების მეთოდებზე დაკვირვება დაგეხმარება „ჭეშმარიტების სიტყვის სწორად გადაცემაში“ (2 ტიმ. 2:15). ყურადღება მიაქციე, თუ როგორ უსვამს ის ხაზს მასალის ბიბლიურ საფუძველს. თუ აუცილებელია განსახილველი პუბლიკაციისთვის, შესწავლის ბოლოს მან შეიძლება მხოლოდ ბიბლიური მუხლების საშუალებით გაიმეოროს მთავარი აზრები. მისი კარგი მაგალითი დაგვეხმარება, გავაუმჯობესოთ ჩვენი სწავლება ქრისტიანულ მსახურებაში (1 კორ. 11:1).
4 ყოველკვირეული შესწავლების ჩატარების გარდა, წიგნის შესწავლის ზედამხედველი ხელმძღვანელობს სამქადაგებლო საქმეს. სამსახურებრივ ზედამხედველთან თანამშრომლობით ის ორგანიზებას უწევს საჭირო შეხვედრებს; ცდილობს, დაეხმაროს ყველას ჯგუფში, რათა შეასრულონ თავიანთი ქრისტიანული პასუხისმგებლობა — სასიხარულო ცნობის ქადაგება და მოწაფეების მომზადება (მათ. 28:19, 20; 1 კორ. 9:16).
5. რა პირადი დახმარების მიღებაა შესაძლებელი წიგნის შესწავლაზე?
5 წიგნის შესწავლის ზედამხედველი დაინტერესებულია ჯგუფის თითოეული წევრის სულიერი კეთილდღეობით. ის ავლენს ინტერესს მათ მიმართ კრების შეხვედრებზე და თანამშრომლობს მათთან მსახურებაში. ის აგრეთვე იყენებს ძმებთან სახლში მისვლის შესაძლებლობებს, რომ სულიერად გაამხნევოს ისინი. ყველას თავისუფლად უნდა შეეძლოს წიგნის შესწავლის ზედამხედველისთვის სულიერი დახმარების თხოვნა (ეს. 32:1, 2).
6. ა) როგორ ძლიერდებოდნენ ჩვენი ძმები ზოგ ქვეყანაში პატარ-პატარა ჯგუფებად შეხვედრების დროს? ბ) როგორ გეხმარება პირადად შენ წიგნის შესწავლა?
6 გაამხნევეთ ერთმანეთი. იმ ქვეყნებში, სადაც ღვთის ხალხის საქმიანობა შეზღუდულია, ძმები ხშირად იკრიბებიან პატარ-პატარა ჯგუფებად. ერთი ძმა იხსენებს: „თუმცა ჩვენი საქმიანობა ოფიციალურად აკრძალული იყო, ნებისმიერი შესაძლებლობისას ყოველკვირა ვიკრიბებოდით ჯგუფებად დაახლოებით 10-15 კაცამდე. შეხვედრებზე — როგორც ბიბლიის შესწავლით, ისე შესწავლის შემდეგ ურთიერთობით — სულიერად ვძლიერდებოდით. ერთმანეთს ვუზიარებდით ჩვენს შემთხვევებს და ეს გვეხმარებოდა იმის დანახვაში, რომ ყველა ერთ ბრძოლაში ვიყავით ჩაბმულები“ (1 პეტ. 5:9). ჩვენც მათ მსგავსად გავამხნევოთ ერთმანეთი და სრულად დავუჭიროთ მხარი წიგნის შესწავლას (ეფეს. 4:16).