სარაიონო კონგრესის ახალი პროგრამა

ამ ‘საზარელ უკანასკნელ დღეებში’ ჩვენ ვსაჭიროებთ ღვთიური სიბრძნის მიღებასა და იეჰოვას კეთილგანწყობილების შენარჩუნებას (2 ტიმ. 3:1). 2005 წლის სამსახურებრივი წლის სარაიონო კონგრესის პროგრამა უზრუნველგვყოფს პრაქტიკული რჩევებითა და გამხნევებით. კონგრესის თემაა «მიჰყევით „ზემოდან მომავალ სიბრძნეს“» (იაკ. 3:17, აქ).

მოხსენებათა პირველი სერია «გამოავლინეთ „ზემოდან მომავალი სიბრძნე“ თქვენს ცხოვრებაში» დაგვეხმარება, დავინახოთ, თუ რას ნიშნავს პატიოსნება, მშვიდობისმოყვარეობა, კეთილგონიერება და მორჩილება. შემდეგ სარაიონო ზედამხედველი ზეციერი სიბრძნის სამ ასპექტზე გაგვიმახვილებს ყურადღებას. საოლქო ზედამხედველი პირველ დღეს დაამთავრებს იმის განხილვით, რომ ქრისტიანი მსახურები, თუმცა ზოგიერთის თვალსაზრისით ‘უწიგნურები და უმეცრები’ არიან, მომზადებულები არიან, რათა ილაპარაკონ ღვთის სიბრძნე (საქ. 4:13).

მეორე დღეს მოხსენებათა სერია „ისწრაფე იმისკენ, რაც აღმშენებლობითია“, დაგვეხმარება, ამოვიცნოთ და მოვერიდოთ ისეთ საქმეებს, რაც სულიერად დაგვასუსტებს. ეს მოხსენებები აგრეთვე დაგვანახვებს, თუ როგორ შეგვიძლია კრებაში, სამქადაგებლო მსახურებაში და ოჯახურ წრეში სხვების გამხნევება. საჯარო მოხსენება „როგორ გვეხმარება ღვთიური სიბრძნე?“ გაგვიღრმავებს მადლიერებას იმ სარგებლობისათვის, რომელიც ცხოვრებაში ღვთის პრინციპების მიყოლას მოაქვს. დამამთავრებელი მოხსენება „ღვთიური სიბრძნის თანახმად მოქმედება დამცველია“ გაგვიძლიერებს გადაწყვეტილებას, ვეძიოთ იეჰოვას სიბრძნე ამ უკანასკნელ დღეებში.

ყოველ კონგრესზე განსაკუთრებულ ინტერესს იწვევს ახალი მოწაფეების ნათლობა. კონგრესზე ჩატარდება თეოკრატიული სამსახურის სკოლა და „საგუშაგო კოშკის“ შესწავლაც. იეჰოვას სურვილია, რომ თითოეულმა ჩვენგანმა მიიღოს სარგებლობა მის მიერ ბოძებული სიბრძნიდან. სულიერად გავმდიდრდებით იმ რჩევებითა და გამხნევებით, რაც სარაიონო კონგრესზე გველოდება (იგავ. 3:13—18).