სარაიონო კონგრესი სულიერად გვიცავს
1. რომელი ერთ-ერთი საშუალება ემსახურება სასიხარულო ცნობის გავრცელებას?
1 იეჰოვა განუწყვეტლივ გვასწავლის და გვამხნევებს, რომ მისგან დავალებული სასიხარულო ცნობა გავავრცელოთ (მათ. 24:14; 2 ტიმ. 4:17). ყოველწლიური სარაიონო კონგრესი სწორედ ამ მიზანს ემსახურება. 2010 სამსახურებრივი წლის სარაიონო კონგრესის თემაა „გაუფრთხილდი სულიერობას“, რომელიც დაფუძნებულია რომაელების 8:5-სა და იუდას მე-17—19 მუხლებზე. ეს კონგრესები ჩატარდება 2009 წლის 31 აგვისტოთი დაწყებული კვირიდან.
2. ა) რა მხრივ იქნება ჩვენთვის სასარგებლო სარაიონო კონგრესზე დასწრება? ბ) როგორ დაგეხმარა გასული წლების სარაიონო კონგრესები?
2 რატომ არის სასარგებლო: კონგრესის პროგრამა დაგვანახვებს, რატომ არის საშიში დროის ფუჭად ხარჯვა და ყურადღების ყველაზე მნიშვნელოვანი საკითხიდან ნაკლებად მნიშვნელოვანზე გადატანა. კონგრესზე აგრეთვე გავიგებთ, რატომ არ უნდა მივცეთ საკუთარ თავს ყველაფრის უფლება და როგორი უნდა იყოს სულიერად მოაზროვნე ადამიანი. კვირას მოხსენებათა სერიაში ყურადღება გამახვილდება იმაზე, თუ როგორ შეუძლიათ ოჯახებსა და ცალკეულ მაუწყებლებს, სულიერად გაძლიერდნენ სირთულეებისა და რწმენის გამოცდების დროს. პროგრამა დაგვეხმარება, გავუფრთხილდეთ გულს, შევინარჩუნოთ სულიერი ჯანმრთელობა და ყოველთვის გონებაში გვქონდეს კურთხევები, რომლებსაც მიიღებენ ისინი, ვინც სულიერობას უფრთხილდება.
3. როდის ჩატარდება თქვენი სარაიონო კონგრესი და რა უნდა გქონდეს გადაწყვეტილი?
3 როგორც კი გაიგებ, სად და როდის ჩატარდება მომავალი სარაიონო კონგრესი, დაგეგმე, რომ ორივე დღის მთლიან პროგრამას დაესწრო. დარწმუნებული იყავი, იეჰოვა აკურთხებს მუყაითის გეგმებს (იგავ. 21:5).
4. რაში დაგვეხმარება მომავალი სარაიონო კონგრესი?
4 სარაიონო კონგრესი ღვთისგან ბოძებული დიდებული ძღვენია. ერთგული მონის მიერ მომზადებული კონგრესის პროგრამა დაგვეხმარება, რომ პირნათლად შევასრულოთ ქრისტიანული მსახურება. ძალიან მადლიერი ვართ, რომ იეჰოვა სიყვარულით ზრუნავს ჩვენზე და გვეხმარება „მტკიცედ და უყოყმანოდ განვაგრძოთ ჩვენი იმედის სახალხოდ გაცხადება“ (ებრ. 10:23—25; იაკ. 1:17).