ახალი სარაიონო კონგრესის პროგრამა

„დაიმარხე ღვთის მცნებები და იცოცხლე“ — ასეთია იმ ორდღიანი სარაიონო კონგრესის პროგრამის თემა, რომლის ჩატარებაც სექტემბრიდან დაიწყება (იგავ. 4:4). ის ხაზს გაუსვამს იმას, თუ რატომ არ არის ღვთის მცნებებისადმი მორჩილება დამამძიმებელი. გარდა ამისა, ის აჩვენებს, თუ როგორ მოიტანს ღვთის ნების შესრულება შვებას, ჭეშმარიტ ბედნიერებასა და მომავლის იმედს (მათ. 11:28–30; იოან. 13:17).

მათ, ვინც ემორჩილება იესოს მითითებას და სურს კონგრესზე მონათვლა, უნდა მიმართონ თავმჯდომარე ზედამხედველს, რომელიც იზრუნებს ამაზე (მათ. 28:19, 20).

მოხსენებათა სერია ახსნის პრაქტიკულ გზებს, რომ შეგვიძლია ღვთისა და ჩვენი ძმებისადმი სიყვარულის გამოვლენა (იოან. 13:34, 35; 1 იოან. 5:3). პროგრამაში ჩართული იქნება აღმაფრთოვანებელი რჩევები მე-18 და 118-ე ფსალმუნებიდან. მიუხედავად იმისა, რომ ამ ფსალმუნების ინსპირირებული მითითება ათასობით წლის წინ ჩაიწერა, დავინახავთ, თუ რა სარგებლობა მოაქვს მას დღეს პირადად ჩვენთვის.

საოლქო ზედამხედველის მიერ წარმოთქმული საჯარო მოხსენების სათაურია „ღვთისა გეშინოდეს და დაიცავი მცნებანი მისნი“ (ეკლ. 12:13). სარაიონო ზედამხედველის დამამთავრებელ მოხსენებაში ნაჩვენები იქნება, თუ როგორ შეუძლიათ დღეს ახალგაზრდებს საუკეთესოდ გამოიყენონ თავიანთი ცხოვრება და რატომ უნდა ჰქონდეთ მარადიული სიცოცხლის მტკიცე რწმენა. საოლქო ზედამხედველი დაამთავრებს პროგრამას მრავალი სასარგებლო მხარის ჩამოთვლით, რომლებიც ‘სამეფო რჯულის’ თანახმად ცხოვრებას მოჰყვება (იაკ. 2:8). მართლაც, კონგრესის ასეთი პროგრამის გაცდენას არავინ მოისურვებს!