სპეციალური ერთდღიანი კონგრესის ახალი პროგრამა

თუ ვხედავთ ან გვესმის გამაფრთხილებელი სიგნალი, მაგრამ არ ვრეაგირებთ, შედეგები დამღუპველი აღმოჩნდება. კიდევ უფრო მნიშვნელოვანია მივყვეთ სულიერ ხელმძღვანელობას, რითაც იეჰოვა უზრუნველგვყოფს. ამას ხაზი გაესმება მომავალი სამსახურებრივი წლის სპეციალური ერთდღიანი კონგრესის პროგრამაში. კონგრესის თემაა „დაუკვირდით, როგორ ისმენთ“ (ლუკ. 8:18).

მოწვეული მომხსენებელი პირველ მოხსენებაში ყურადღებას გაამახვილებს, თუ დღეს როგორ გვეხება „ებრაელებისთვის“ მიწერილი პავლეს ღვთივსულიერი წერილის პირველი თავები. პროგრამის ბოლო მოხსენებით „ყოველთვის ყურად იღეთ ღვთიური მითითებები“ მოწვეული მომხსენებელი დაეხმარება ყველას, გადაამოწმონ, ნამდვილად თუ უსმენენ იეჰოვას, მის ძეს და „ერთგულ და გონიერ მონას“ (მათ. 24:45).

პროგრამის რამდენიმე ნაწილი განსაკუთრებით სასარგებლო იქნება ოჯახებისთვის. „ოჯახები, რომლებიც ყურადღებით უსმენენ ღვთის სიტყვას“ დაგვეხმარება, მოვერიდოთ იმას, რასაც წუთისოფელი გვთავაზობს, რათა მან არ ჩაახშოს ჩვენი სულიერობა. ინტერვიუებს აიღებენ მათგან, ვინც ცვლილებები შეიტანა ცხოვრებაში, რომ პირველ ადგილზე დაეყენებინა სულიერი საკითხები. მოხსენებაში „როგორ ამაგრებს ღვთის სიტყვის ყურადღებით მოსმენა ახალგაზრდებს“ იქნება ინტერვიუები ახალგაზრდებთან, რომლებმაც გამოავლინეს ერთგულება ჭეშმარიტებისადმი სკოლაში, თანატოლების წრეში და მსახურებაში. „პატარები უსმენენ ღმერთს და სწავლობენ“ დაგვეხმარება იმაში, რომ არ დაგვავიწყდეს ბავშვების სწავლის უნარის სათანადოდ შეფასება. ინტერვიუები ბავშვებთან და მათ მშობლებთან დაგვანახვებს, თუ რა სარგებლობა ნახეს მშობლებმა, რომლებმაც შვილები სიყრმიდანვე იეჰოვას გზებით აღზარდეს.

იმ დროს, როცა სატანა მთელ წუთისოფელს აცდუნებს, იეჰოვა თავის ერთგულ მსახურებს უჩვენებს გზას, რომლითაც მათ უნდა იარონ (გამოცხ. 12:9; ეს. 30:21). ყურადღებით მოვუსმინოთ მის რჩევებს და მორჩილებით გამოვიყენოთ ცხოვრებაში — ეს სიბრძნეს შეგვმატებს, მოგვიტანს ბედნიერებასა და მარადიულ სიცოცხლეს (იგავ. 8:32—35).