ახალი სპეციალური ერთდღიანი კონგრესის პროგრამა

სპეციალური ერთდღიანი კონგრესები 1987 წლიდან ტარდება. ეს ერთდღიანი შეკრებები იეჰოვას მსახურებისა და დამსწრე დაინტერესებული პირებისთვის აღმშენებლური აღმოჩნდა. 1998 წლის სექტემბრიდან წარმოდგენილი იქნება ახალი სპეციალური ერთდღიანი კონგრესის პროგრამა. მოისმენ ცხრა მოხსენებას, მრავალ ინტერვიუსა და შემთხვევას, რომლებიც სულიერ სარგებლობას მოგიტანს.

„მადლიერება გამოავლინეთ იეჰოვას სუფრისადმი“ — ასეთია ახალი პროგრამის თემა (ეს. 65:14; 1 კორ. 10:21). ის გააძლიერებს ჩვენს გადაწყვეტილებას, რომ იეჰოვას თაყვანისცემამ ჩვენს ცხოვრებაში პირველი ადგილი დაიკავოს (ფსალმ. 26:4). შეხვედრებზე დასწრებასთან დაკავშირებით სარაიონო ზედამხედველი განიხილავს მოხსენებას „გამოვიკვლიოთ ჩვენი გულები“. მოწვეული მომხსენებელი დაგვანახვებს, თუ როგორ „შევინარჩუნოთ სულიერობა იეჰოვას სუფრიდან კვებით“. იეჰოვას ორგანიზაციაში მყოფ ახალგაზრდებს პრაქტიკული დახმარება გაეწევათ, რომ სიმტკიცე შეინარჩუნონ ღვთის სამსახურში. მოწვეული მომხსენებლის ძირითადი სიტყვა, სათაურით „სულიერად გაძლიერებულები გაბედული დამოწმებისთვის“, გვიჩვენებს, თუ როგორ გვეხმარება სამეფოს შესახებ გაბედულად ქადაგებაში ყველაფერი, რასაც კრების საშუალებით ვიღებთ. ვინ არ ისურვებდა ამ პროგრამიდან სარგებლობის მიღებას?

ახლახან მიძღვნილებმა თავმჯდომარე ზედამხედველს რაც შეიძლება მალე უნდა აცნობონ, რომ სურთ მონათვლა. რადგან სპეციალური ერთდღიანი კონგრესების მეთორმეტე წელი იწყება, დარწმუნებული ვართ, რომ ყველა დამსწრე სულიერად გამხნევდება ჩვენ წინ მდებარე საქმის შესასრულებლად.